Мамлекет башчысы Алмазбек Атамбаев өзгөчө кырдаалдар министри Кубатбек Бороновду кабыл алуу учрунда

Атамбаев суу ташкындардын алдын алууну тапшырды

12
(жаңыланган 13:09 25.07.2016)
Президент Алмазбек Атамбаев бүгүн өзгөчө кырдаалдар министри Кубатбек Бороновду кабыл алды.

БИШКЕК, 25-июл. — Sputnik. Мамлекет башчысы Алмазбек Атамбаев өлкөдөгү гидрологиялык кырдаалды кылдат мониторинг жасап туруунун, ошондой эле мүмкүн болуучу өзгөчө кырдаалдардын алдын алуу жана азайтуу максатында өз убагында чараларды көрүү зарылдыгын белгиледи. Мындай пикирин ал өзгөчө кырдаалдар министри Кубатбек Бороновду кабыл алганда билдиргенин президенттин маалымат кызматы кабарлады.

Жолугушууда мамлекет башчысы жаан-чачындын көп болгондугунан жана гидрологиялык абалдын өзгөргөнүнөн улам пайда болгон тобокелдиктерге байланыштуу калыбына келтирүү жана кырдаалга ылайык чараларды көрүү боюнча жүргүзүлүп жаткан иштер тууралуу кеңири маалымат алды.

Боронов Өзгөчө кырдаалдар министрлигинин бөлүктөрү калк жашаган аймактарды, ошондой эле инфраструктуралык объектилерди суу каптоосуна жол бербөө үчүн бардык зарыл чараларды көрүп жаткандыгын белгиледи.

12
Белгилер:
ӨКМ, Кубатбек Боронов, Алмазбек Атамбаев
Тема боюнча
Нарын шаарына кире бериш жерге таш кулап, жол эки тараптуу жабылды
Катуу жааган жаандан улам Боом капчыгайындагы унаа жолду кайтадан суу каптады
Пикирлер