Поврежденный от взрыва автомобиль работника прокуратуры в селе Орто-Сай

Унаасы жарылып, колу жулунуп кеткен прокурордун абалы жакшырып, өзү басып калды

343
(жаңыланган 11:37 02.08.2016)
Ал ортодо Башкы прокуратары жардыруучу зат унаанын үстүнө коюлгандыгын билдирди.

БИШКЕК, 2-авг. — Sputnik. Унаасы жарылган прокурор Эркин Курманалиевдин абалы жакшырып, реанимациядан которулганын №4 шаардык оорукананын башкы дарыгеринин орун басары Бакыт Исаков билдирди.

Анын айтымында, жаракат алган Эркин Курманалиев өзү басканга жарап калган.

Эске салсак, 29-июлда Орто-Сай айылында прокуратура кызматкеринин Lexus үлгүсүндөгү унаасы жарылган болчу. Башкы прокуратура кырсык болгонун тастыктап, мекеменин кызматкери жабыркаганын билдирген. Жарылуудан Курманалиевдин колу жулунуп, бир көзү жабыркаган.

Ал эми Башкы прокуратуранын маалымат кызматы жарылуучу зат унаанын үстүнө коюлгандыгын кабарлады. 

Буга чейин президент Алмазбек Атамбаев кылмыш жасагандарды табууну УКМК жетекчиси менен ИИМ башчысына тапшырган

Ал эми Коргоо кеңешинин катчысы Темир Жумакадыровго жана Башкы прокурор Индира Жолдубаевага аталган ишти көзөмөлгө алуу жана кылмышкерлерди жоопко тартууну камсыз кылууну буюрган.

343
Белгилер:
прокурор, унаа, оорукана, жарылуу
Тема:
Орто-Сай айылында прокурордун автоунаасынын жарылышы (11)
Тема боюнча
Унаасы жарылган прокурор өзүнө келип, сүйлөгөнгө жарап калды
Алмазбек Атамбаев прокурордун унаасын жардырган кылмышкерди табуу талабын койду
Пикирлер