Армия оюндары – 2016 мелдешинин Биатлон түрү боюнча кыргызстандык команда

Танк биатлону: жарым финалда Кыргызстан үч команда менен беттешет

96
(жаңыланган 18:34 08.08.2016)
Мелдештин жарым финалы 9-11-август күндөрү өтөт.

БИШКЕК, 8-авг. — Sputnik. "Армия оюндары – 2016" мелдешинин "Биатлон" түрү боюнча кыргызстандык команда үч өлкөнүн командасы менен беттешет. Бул тууралуу Башкы штаб билдирди.

Эскерте кетсек, таймаш Москва алдындагы "Алабино" полигонунда өтүп жатат. Кыргызстандык команда буга чейин мыкты көрсөткүчтөргө жетишип, жарым финалга чыккан.

Дүйшөмбү күнү өткөн чучу кулактын натыйжасында Кыргызстан Кытай, Ангола жана Армения менен беттеше турган болду.

Мындан тышкары, финалга чыгуу үчүн Россия, Казакстан, Индия жана Белоруссия командалары да күч сынашат. 

Мелдештин сайтында жарым финал беттешүүлөрү 9-11-август күндөрү, ал эми финал 13-августта өтөрү маалымдалат. Алгач сынакта 17 мамлекеттин танкисттери ат салышкан.

96
Белгилер:
биатлон, танк, Москва
Тема боюнча
Башкы штаб: кыргыз танкисттери россиялык танкалардын бекемдигин текшерүүдө
Пикирлер