Премьер-министр Сооронбай Жээнбеков. Архив

Өкмөт башчы Жээнбеков: болгону эркти жана ак ниеттүүлүктү көрсөтүп иштегиле

(жаңыланган 18:57 17.08.2016)
Өкмөт декларацияланбаган товарлардын ташылып келүүсүнө бөгөт коюуну күчтөндүрүү ниетинде

БИШКЕК, 17-авг. — Sputnik. Премьер-министр Сооронбай Жээнбеков декларацияланбаган эл керектөөчү товарлардын жана мунай заттардын ташылып келүүсүнө бөгөт коюу боюнча кеңешмеде тиешелүү тараптардын иштин кызыкчылыгы үчүн ак ниеттүүлүктү көрсөтүп иштөөсүн айтты. Бул туурасында өкмөттүн маалымат кызматы кабарлады.

Өкмөт башчы Сооронбай Жээнбеков декларацияланбаган эл керектөөчү товарлардын жана күйүүчү-майлоочу майлардын ташылып келүүсү боюнча чоң көйгөй бардыгына токтолду. 2016-жылдын жети айынын жыйынтыгы боюнча салык кирешелеринин планынын аткарылышындагы артта калуулар 1,4 млрд. сомду түзгөндүгүн белгиледи. Анын ичинде ЕАЭС алкагындагы импортко каралган кошумча нарк салыгы 572,5 млн. сомду түзгөн.

"Биздин ЕАЭБге кошулуубуз өкмөт үчүн өнүгүү мүмкүнчүлүктөрү менен катар башкарууну жана эсепке алууну жакшыртуу, ата мекендик ишкерди жана ак ниет салык төлөөчүнү коргоо боюнча жаңы милдетти койду. Мамлекеттик чек ара тилкелериндеги көзөмөл өткөрүү жайлардагы коррупциялык көрүнүштөрдү жоюу маанилүү болуп турат", – деди Жээнбеков.

Премьер буга байланыштуу мамлекеттик органдарга декларацияланбаган товарлардын ташылып келүүсүнө, салык төлөмдөрүнөн качууга бөгөт коюу боюнча чараларды күчтөндүрүүсү зарылдыгына басым жасады. 

Экономикалык кылмыштуулукка каршы күрөшүү боюнча кызматтын төрагасы Айбек Кадыралиев декларацияланбаган товарларга карата күрөш биргелешкен түрдө жүргүзүлүүсү тийиштигин, анткени жеке түрдө аны ийгиликтүү ишке ашыруу мүмкүн эместигин айтты.

Премьер-министр декларацияланбаган товарларды алып кирүүгө каршы ченемдик база бардыгын айтып, иштеш керектигин белгиледи. 

"Болгону эркти жана ак ниеттүүлүктү көрсөтүп, "көмүскө схемалардан" тышкары болуп, мыйзамсыз товарлардын ташылуусуна каршы күрөштө күчтү бириктирүү керек" – деди Жээнбеков.

Премьер кеңешме соңунда декларацияланбаган товарлардын жана күйүүчү-майлоочу майлардын ташылып келүүсүнөн салыктык алымдардан бюджеттик жоготуулардын алдын алуу максатында вице-премьер-министр Жеңиш Разаков башында турган жумушчу топ түзүүнү тапшырды.

Белгилер:
эрк, ак ниеттүүлүк, күйүүчү-майлоочу каражат, Евразиялык экономикалык биримдик, Жеңиш Разаков, Сооронбай Жээнбеков
Тема боюнча
Жээнбеков: электр энергиясына, жылуулук жана таза сууга баа көтөрүлбөйт
Жээнбеков: ТЭЦ 2017-жылы өлкөдө өндүрүлгөн көмүр менен иштеши керек
Кишен. Архив

УКМК мамлекеттик чыккынчылыкка шектелген эки кыргызстандыкты кармады

(жаңыланган 18:21 13.04.2021)
Шектүүлөр тарабынан жасалган кылмыш тууралуу маалымат тергөө иштери аяктагандан кийин коомчулукка кененирээк берилмекчи.

БИШКЕК, 13-апр. — Sputnik. Бүгүн, 13-апрелде, мамлекетке чыккынчылык кылган деген шек менен М.К. жана М.Т. аттуу эки кыргызстандык жаран кармалды. Бул тууралуу УКМКдан билдиришти.

Маалыматка караганда, Кылмыш-жаза кодексинин 307-беренесинин 1-бөлүмү ("Мамлекеттик чыккынчылык кылуу") боюнча сотко чейинки өндүрүштүн алкагында кармалгандардын кылмыш жасоого катыштыгы бар экендиги жөнүндө далилдер алынган.

"Мыйзамга ылайык, мындай кылмыш жасагандар 10 жылга чейин эркинен ажыратылат", — деп айтылат маалыматта.

Шектүүлөр тарабынан жасалган кылмыш тууралуу маалымат тергөө иштери аяктагандан кийин коомчулукка кененирээк берилмекчи.

Белгилер:
чыккынчы, кылмыш, УКМК
Тема боюнча
Кыргызстанда кылмыш жасап изин сууткандар Москвадан табылды
Бишкектеги ыш. Архив

Ыш менен күрөшүү. Бишкектеги айрым от казандар газга өткөрүлөт

(жаңыланган 17:27 13.04.2021)
Кыш мезгили келип, суук түшкөндө Бишкекти адатта кара түтүн каптайт. Мындай көрүнүштөн арылуу үчүн бийлик өкүлдөрү калктуу конуштарды газга өткөрүүнү пландаган.

БИШКЕК, 13-апр. — Sputnik. Бишкектеги экологиялык кырдаалды жакшыртуу үчүн көмүр жагылган от казандар газга өткөрүлөт. Бул тууралуу мэриядан билдиришти.

Маалыматка караганда, жалпыга билим берүү мекемелеринин от казандарын газдаштыруу үчүн тендер жарыяланды. Ага ылайык, №23, №35, №15, №54, №59, №32 мектептер, №12 бала бакча жана майып балдардын реабилитация борбору газ менен жылытыла баштайт.

Аткарыла турган иштин сметалык баасы 6 198 875 сом. Каражат шаардык бюджеттен каралган.

Белгилей кетсек, кыш мезгили келип, суук түшкөндө Бишкекти адатта кара түтүн каптайт. 2020-жылы дүйнөдөгү абасы кир шаарлардын ичинен Кыргызстандын борбор калаасы биринчи орунга чыккан. Бийлик өкүлдөрү эл көмүр жакпашы үчүн газдаштыруу иши колго алынарын убадалаган.

Белгилер:
ыш, газ, көмүр, от казандар, Бишкек
Тема боюнча
Дүйшөнкулова: гиповитаминоз абанын булганышы менен байланыштуу
УКМК автоунаа катализаторлорун чет өлкөгө мыйзамсыз ташыган каналды аныктады