БИШКЕК, 19-авг. — Sputnik. Кыргызстан спортчу Иззат Артыковдун Олимпиададан утуп келген медалынан ажыратылгандыгы боюнча аппеляциялык арыз даярдап, аны кайрадан допинг-тесттен өткөрүүнү талап кылат. Бул туурасында Жаштар иши, спорт жана дене тарбия боюнча мамлекеттик агенттиктин расмий билдирүүсүндө айтылат.
Допингге каршы дүйнөлүк агенттиктин (WADA) маалыматы боюнча Кыргызстандын спорттук делегациясынын жетекчиси анализдин "В" ("В" үлгүсү буга чейин жүргүзүлгөн "А" деп аталган текшерүүдө тыюу салынган заттар чыгып калгандан кийин ачылат) үлгүсүн ачууну суранган.
"13-августта, эртең менен лабораторияда "В" үлгүсү биздин катышуубузда ачылды.15-августта Эл аралык олимпиада комитети "А" жана "В" үлгүсүн жана бардык документтерди Эл аралык арбитраждык сотко берди. Соттун чечими менен Артыковду медалдан ажыратышты. Дисциплинардык жазаны Оор атлетика боюнча эл аралык федерация кабыл алат", — деп айтылат Мамлекеттик агенттиктин директору Канат Аманкулов.
Мындан сырткары, мамлекеттик агенттик өлкөдө аталган ведомствонун атайын буйругу менен өлкөдө допингге каршы күрөш жүрүп жаткандыгын кошумчалады. Ал буйрукка ылайык, тыюу салынган заттарды колдонгону үчүн жоопкерчиликти КРдин курама командаларынын спортчулары, башкы жана улук машыктыруучулары, ошондой эле спорттун ошол түрү боюнча дарыгер тартат.
