Меккедеги зыяратчылар. Архив

Меккеде зыяратчылардын ден соолугун кароо үчүн медпункттар иштеп жатат

30
(жаңыланган 09:49 25.08.2016)
Учурда дарыгерлер үчүн атайын иш алып баруучу жайлар даярдалып, кыргызстандык жарандарды кабыл алууга даярданууда.

БИШКЕК, 25-авг. — Sputnik. Ажылык сапарга аттангандардын ден соолугу тыкыр көзөмөлдө. Бул тууралуу Меккедеги жыйын учурунда ажылыкты уюштуруу боюнча штабдын өкүлү Равжан ажы Эратов билдиргендигин муфтияттан кабарлашты. 

Эске сала кетсек, ажылыкты уюштуруу боюнча штаб менен Саламаттык сактоо министрлиги тарабынан бекитилип берилген дарыгерлер Мекке шаарындагы кыргызстандык зыяратчылардын ден соолугуна кам көрүү максатында жыйын өткөрдү. 

Жыйында Равшан ажы Эратов Кыргызстандан барган зыяратчылардын саламаттыгына кам көрүү максатында эки медициналык пункт түзүлгөнүн, алар күнү-түнү иштеп жатканын кошумчалады. 

Кыргызстандан ажыга сапар алгандардын акыркы тобу 29-августта учуп кетет.

Быйыл ажыга Кыргызстандан 3685 адам барат. Мусулмандык парздын бирин аткарып келүүгө жумшала турган чыгымдын баасы — 2600 доллар.

30
Белгилер:
Мекке, ажылык сапар, ден соолук
Тема:
Ажылык — 2016 (52)
Тема боюнча
Эртең таңда өлкөнүн түштүк аймагынан ажыга аба каттамдары башталат
Кыргызстандан ажылык сапарга аттангандардын алды Медина шаарына жайгашты
Ажыга аттанган 86 жаштагы карыя: балдарымды бутуна тургузууга ушунча убакыт кетти
Паркка бак тигүү. Архив

Кагаз калдыгын көчөткө алмаштырып, паркка бак тиге аласыз. Акция

7
Борбор калаадагы "Ынтымак" жана Чолпонбай Түлөбердиев атындагы парктарга 500 түп көчөт тигүү пландалып жатат.

БИШКЕК, 28-окт. — Sputnik. Бишкекте "Бир жарандан бир көчөт" деп аталган акция өтүп, кагаз калдыктарын тапшырган киши калаадагы паркка бак отургузууга мүмкүнчүлүк алат. Бул тууралуу Айыл чарба министрлигинин маалымат кызматынан кабарлады.

Анын алкагында "Ынтымак" жана Чолпонбай Түлөбердиев атындагы парктарга 500 түп көчөт тигүү пландалып жатат.

"Аталган министрлик "Шаардык парктар" муниципалдык кызматы менен биргеликте 30-октябрда экологиялык акция өткөрүп, ага катышууну каалагандарды чакырат. 3 килограмм кагаз калдыгын же беш даана желим бөтөлкөнү бир көчөткө алмаштырып, аталган парктардын аймагына бак отургузса болот", — деп билдирди маалымат кызматы.

Иш-чара ишемби күнү саат 10:00дө башталмакчы.

7
Белгилер:
Кыргызстан, Бишкек, парк, көчөт, кагаз, акция
Тема боюнча
Күнгө чагылышкан алтын күз. Бишкектин көз талдырган видеосу
Колунда телефону бар маскачан кыз. Архив

Дарыгер: Бишкектеги унаа сүзүп кеткендердин 80%ы телефон карап бараткандар

21
(жаңыланган 10:52 28.10.2021)
Дарыгер айдоочулардын да, жөө адамдардын да колунан телефон түшпөй калганын белгилеген. Өлкөдө күнүнө жол кырсыгынан эки адам көз жумары айтылды.

БИШКЕК, 28-окт. — Sputnik. Бишкекте автоунаа сүзүп кетип жабыркаган же каза болгон жөө адамдардын 80 пайызы телефон карап баратып кырсыкка кабылат. Бул тууралуу Травматологиялык жана ортопедиялык илим изилдөө борборунун Тез жардам кызматы бөлүмүнүн травматологу Бекназар Жунусов Sputnik Кыргызстан агенттигинин маалымат борборунда өткөн тегерек столдо билдирген.

Посмотреть эту публикацию в Instagram

Публикация от Sputnik Кыргызстан (@sputnik.kg)

"Биздин эң көйгөйлүү маселе бул — мобилдик телефон, кулакчындар. 70-80 пайызы телефон менен кулакчынга алаксып жол кырсыгына кабылууда. Бала жолдон өтүп баратканда биринчи автоунаа токтойт. Айдоочу караса баланын колунда телефон, анан кулакчын. Ошол маалда экинчи автоунаа келет дагы аны сүзүп кетет", — деди Жунусов.

Дарыгер ошол эле учурда айдоочулардын көбү дагы автоунаа башкарып бара жатып телефон колдонорун белгилеген.

"Буга чейин инспекторлор айып салчу, азыр андай жок. Айдоочу телефонду каалагандай колдонот. Баарын өзүбүз жасап жатабыз. Бүт баарынын колунан телефон түшпөйт. Басып баратса деле, автоунаада болсо да, жолдон өтөрдө деле колдорунда смартфон", — деген ал.

Тегерек столдо күнүнө Кыргызстанда эки адам жол кырсыгынан каза болору айтылган.

21
Белгилер:
Кыргызстан, жол кырсык, телефон, дарыгер
Тема боюнча
Айып пул төлөбөгөн айдоочуларга жаңы жаза сунушталууда
Кайгуул милициясынын кызматкерлери канча айлык алат? Жооп