Жайлоодогу чабан. Архив

Элек издеп эрге тийип кетти, эрди эрдине жукпаган. Маанисин билесизби?

1972
(жаңыланган 16:23 29.11.2017)
Фразеологизмдер кыргыз элинин сөз байлыгын түзүп турган эң мыкты тилдик каражат. Мындай сөздөрдү өзгөчө, айыл жергесине барган ушундай бир кулактын кумарын кандырып угасыз. Ал эми шаарда кезиктириш кыйыныраак…

БИШКЕК, 25-авг. — Sputnik. Айида Батырбекова. Бүгүн "Тибиртке" рубрикасында фразеологизмдерди чечмелөөнү улантмакчыбыз. Тилекке каршы, кыргыз тилинде миңдеген фразеологизмдер болгону менен алардын көпчүлүгү билбестиктен же заманга жараша актуалдуулугун жоготуп койгон. Аларды чечмелөөгө филология илимдеринин кандидаты Ишенбек Султаналиев жардам берди. 

Эт менен челдин ортосунда — жасаган көрүнүктүү иши жок. Жанынын тынчын ойлогон, же тыякта жок, же быякта жок эки ортодо жүргөн киши. Өзүнүн гана кызыкчылыгын ойлогон митайым, куу адам.

Эски малдын көзүндөй  эски тааныш, жакшы мамиледе жүрүп, көптөн бери көрүшпөгөн адамды айтат.

Эне сүтү оозунан кете элек — өтө эле жаш. Эч нерсени көрө элек жаш бала же жаш кыз.

Эрди эрдине жукпаган шакылдап тез-тез сүйлөгөн. Сөзүнүн маңызы жок адам.

Эки чылбыр, бир тизгинди алуу — толук бийлеп алуу. Баарын өзү билип, өзү башкаруу.

Эки колу бир оозуна түтпөйт тамакты шашып, ыгы жок апылдатып тез жеген адамга карата айтылат.

Эки бутун бир кончуна сыйдырды кыйнады. Аргасыздан айтканын аткартты, бир ишти күч менен жасатты. Аткарууга мажбур кылды.

Эгерде эки болбо  эч качан жакшылык көрбө. Жарыбай өт деген каргыш сөз.

Эки бакыр, бир тукур болуу көбүнчө колунда жок, жетим-жесир аял менен эркектин баш кошуп, бирге жашашы. Ошондой эле эки адамдын бири-бирине каралашып,ынтымакташып оокат кылуусу.

Ит жандуу  ар кандай кыйынчылыкка, кыйноо-кыстоого чыдамдуу, жаны бек, чыдамкай. Мисалы, "шорум ай, ит жандуу белең" деп айтылып калат. 

Элек издеп эрге тийип кетти бирөөнү бир жерге жумшаганда кечке жоголуп кетсе "элек издеп эрге тийип кетти" деп айтылып калат.

Асан кайгы  ыгы жок кайгыра берген, кайгыдан башы чыкпаган адам. Бул лакап кептин төркүнү байыркы жомоктордогу Асан деген адамга тиешелүү. Ал элдин оор турмушун женилдетүүнүн камын ойлоп, санаага батып, жабыр тарткан экен.

1972
Белгилер:
фразеологизм, тибиртке, кыргыз тили
Тема:
Тибиртке — кыргызча туура сүйлөйбүз (75)
Тема боюнча
Айлана, чөйрө, теребел, чөлкөм, туш тарап, чар тарап — ушул жарды тилби?
Счет берчи, замкание болуптур, гордыйсың ээ… Кыргызча айта аласызбы?
Ижара. Архив

Маммүлк ижарачыларды карантин убагындагы төлөмдөрдөн бошотот

14
(жаңыланган 17:46 15.07.2020)
Ижарадан бошотуу жеңилдиги карантинге жабылган мезгилдерге гана жарактуу. Анткен менен бийлик дагы кошумча жеңилдик карап жатат.

БИШКЕК, 15-июл. — Sputnik. Өкмөт карантин убагындагы жабылган объектилердин ижарачыларын мамлекеттик мүлк төлөмдөрүнөн бошотот. Бул тууралуу Мамлекеттик мүлктү башкаруу фондунун башчысы Жылдызбек Исакулов брифингде билдирди.

"Кайсы гана мамлекеттик мүлктүн ижарачысы болбосун мүлк ээси менен биргеликте акт түзүп, аны биздин фондго бере алат. Бул боюнча министрлер кабинетине көптөгөн кайрылуулар келип түшүүдө", — деди Исакулов.

Жетекчинин айтымында, ижарадан бошотуу жеңилдиги карантинге жабылган мезгилдерге гана жарактуу. Андан соң жумушун мурдагы нукка түшүрүп алуусу үчүн ижарачыларга бийлик тарабынан дагы бир ай убакыт берилмекчи.

14
Белгилер:
төлөм, Мамлекеттик мүлктү башкаруу фонду, Жылдызбек Исакулов, коронавирус, карантин
Тема:
Коронавируска байланыштуу Кыргызстандагы кырдаал
Тема боюнча
Исакулов: Маммүлк фонду реформа жүргүзүп, ведомство ишин экиге бөлдү
Саламаттык сактоо министрлиги 13 тез жардам автоунаасын сатып алды

Кыргызстан 13 тез жардам унаасын сатып алды, үчөөнүн ИВЛ аппараты бар. Сүрөт

58
(жаңыланган 17:20 15.07.2020)
Автоунааларда алгачкы жардамды көрсөтүүгө жана бейтаптарды ташууга медициналык жабдыктар толугу менен камтылганы белгиленет.

БИШКЕК, 15-июл. — Sputnik. Саламаттык сактоо министрлиги 13 тез жардам автоунаасын сатып алып медициналык мекемелерге берди. Бул туурасында аталган ведомствонун маалымат кызматы кабарлады.

Минздрав КР проведл закупку 13 автомобилей скорой медицинской помощи, из них 3 автомобиля с аппаратом ИВЛ.
© Пресс-служба президента КР / Султан Досалиев
Саламаттык сактоо министрлиги 13 тез жардам автоунаасын сатып алып медициналык мекемелерге берди

Билдирүүгө ылайык, бул Дүйнөлүк банктын "Кыргызстанда жаратылыш кырсыктары тобокелчилигине туруктуулукту жогорулатуу" (ERIK) долбоорунун алкагында алынган.

"В" класстагы 13 медициналык тез жардам автоунаасы 764 900 долларга сатып алынды. Анын ичинен үчөөндө өпкөнү жасалма дем алдыруучу аппарат бар. Медициналык транспорттор жети облуска бөлүнөт", — деп айтылат маалыматта.

Ошондой эле аталган автоунааларда алгачкы жардамды көрсөтүүгө жана бейтаптарды ташууга тиешелүү медициналык жабдыктар толугу менен камтылганы белгиленет.

Өкмөт: кычкылтек концентраторунун маселеси чечилди, саны жетиштүү

Өлкө аймагындагы соңку кабарлар менен биздин Telegram-каналдан таанышып туруңуз.

58
Белгилер:
медицина, дүйнөлүк банк, сатуу-сатып алуу, тез жардам
Тема боюнча
Бишкектин Тез жардам кызматына эки жыл токтоп турган 15 унаа кошулду. Сүрөт
COVID -19: Кыргызстанга Түркиядан гуманитардык жардам келди