БИШКЕК, 30-авг. — Sputnik. Кыргызстан — Казакстан жолдоштук беттешине эки саат калганда Бишкектин борбордук көчөлөрү жабылат. Бул тууралуу Кайгуул милициядан билдиришти.
Беттеш саат 20:00дө Дөлөн Өмүрзаков атындагы стадиондо башталат.
"Мындан улам Тоголок Молдо көчөсү Чүй проспектисинен Фрунзе көчөсүнө чейин, Фрунзе көчөсү Исановдон Логвиненко көчөсүнө чейин жабылат", — деп айтылат маалыматта.
Жол саат 18:00дөн тартып тосулат.
