Россия президенти Владимир Путин. Архив

Атамбаев: Путин Үркүнгө арналган мемориалга келип, курман болгондорду эскерет

139
(жаңыланган 13:32 02.09.2016)
Россия лидери аталган жайга Бишкек шаарындагы 16-17 сентябрдагы саммити учурунда келмекчи.

БИШКЕК, 2-сен.— Sputnik. Россия президенти Владимир Путин Ата-Бейиттеги 1916-жылдагы Үркүн трагедиясында көз жумгандардын элесине арналып тургузулган мемориалды келип көрөт. Бул туурасында президент Алмазбек Атамбаев аталган комплекстин ачылышында сүйлөп жатып билдирди. 

Мамлекет башчысы бүгүнкү жыйынга РФтин президентинин өкүлү Михаил Швыдкой катышып жаткандыгын айтты. 

"Владимир Путин КМШнын Бишкек шаарындагы 16-17-сентябрдагы саммити учурунда мемориалга барып, курман болгондорду эскерет", — деп билдирди Атамбаев. 

Өлкө башчы АКШнын президенти Барак Обама мемориалдын ачылышына катышууга АКШнын мамкатчысынын жардамчысынын орун басары Дэниел Розенблюмди жиберүү боюнча кат жөнөткөндүгүн айтты. 

1916-жылы улуттук-боштондук күрөш чыгып, ал көптөгөн кыргызстандыктардын өлүмүнө алып келген. Бул кайгылуу окуя эл арасында Үркүн деген ат менен калган. 

139
Белгилер:
Үркүн, Барак Обама, Михаил Швыдкой, Владимир Путин
Тема:
Үркүндүн 100 жылдыгы (35)
Тема боюнча
"Ата Бейитке" колодон жасалган ири барельеф орнотулууда
Бишкек шаары. Архивдик сүрөт

Казакбаев бюджетти колдоо боюнча РФ президентинин өкүлү Козак менен сүйлөштү

11
(жаңыланган 17:55 24.10.2020)
Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

БИШКЕК, 24-окт. — Sputnik. Тышкы иштер министри Руслан Казакбаев РИА Новости агенттигине берген маегинде Россиянын президенттик администрациясынын жетекчисинин орун басары Дмитрий Козак менен көп маселелерди талкуулаганын, анын ичинде Кыргызстандын бюджетине колдоо катары финансылык жардам тууралуу дагы сөз болгонун айтты.

"Дмитрий Николаевич Козак жана анын кесиптештери менен жолуктук. Россия тарап Кыргызстанда парламенттик шайлоодон кийин түзүлгөн абалды турукташтырууда маанилүү роль ойноду", — деди Казакбаев.

Садыр Жапаровдун биринчи кайсы өлкөгө иш сапар менен барары айтылды

Ошондой эле жолугушууда Россия тараптан кыргыз экономикасына көрсөтүлчү колдоолор тууралуу сөз болду.

"Биздин өкмөттүн иши, алдыда келе жаткан саясий иш-чаралар тууралуу кеп кылдык. Анан, албетте, азыркыдай катаал убакта Россия тараптан Кыргызстандын бюджетин колдоо иретинде берген жардам тууралуу сүйлөштүк", — деди ТИМ башчысы.

Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

11
Белгилер:
жардам, каражат, экономика, Руслан Казакбаев, Кыргызстан, Россия
Тема боюнча
Лавров Кыргызстанга финансылык колдоо көрсөтүү боюнча суроого жооп берди
Украина президенти Владимир Зеленский. Архивдик сүрөт

Зеленскийдин жыйында сүйлөп жатып катуу чыккан үндөн чочуп кеткен видеосу

164
Украина лидери муз аянтчанын маалымат борборунда машыктыруучулар, спортчулар жана чиновниктер менен жыйын куруп жаткан учурда катуу үн чыккан.

БИШКЕК, 24-окт. — Sputnik. Украина президенти Владимир Зеленский Мариуполь шаарындагы Mariupol Ice Center муз аянтынын ачылыш салтанатында катуу чыккан үндөн чочуп кетти.

Окуянын видеосун "Страна.ua" Telegram-каналы жарыялады.

Окуя муз аянтчанын ачуу салтанаты бүткөндөн кийин болду. Расмий иш-чара аяктагандан соң "Мариуполь" менен "Сокол" (Киев) хоккей командаларынын беттеши башталган. Бул учурда украина лидери муз аянтынын маалымат борборунда машыктыруучулар, спортчулар жана чиновниктер менен жыйын куруп жаткан.

Видеодо көрүнүп тургандай, президент сүйлөп жатканда күтүүсүз жерден катуу үн чыккан. Зеленский чочуп кетип, кулагын жаап калганы көрүнүп турат. Ал учурда анын жанына дароо жан сакчы келе калган.

"Баары жайында, баары жайында", — деген Зеленский.

Президент андан ары тамашага салып жыйында жалаң баатыр жүрөктүү спортчулар отурганын айтып сөзүн улаган.

Зеленский трибунада сүйлөп жаткан Лукашенкону чочутту. Видео

Зеленский техникалык себептерден улам жолугушууну үн күчөткүчсүз эле улантууну сунуштаган.

164
Белгилер:
үн, Украина, Владимир Зеленский
Тема боюнча
Рада депутаты: Украинада Зеленскийди тактан кулатууга даярдык жүрүп жатат
Жооп берип каласыз! Кадыров Зеленскийдин кечирим суроосун талап кылды