Ата-Бейит мемориалдык комплексине бараткан жолдун боюндагы арчалар. Архив

"Ата-Бейиттеги" арчалардын боёлуш себебин Транспорт министрлиги түшүндүрүп берди

198
(жаңыланган 11:53 05.09.2016)
Өсүмдүктөр ооругандыктан саргарып кеткен. Аларды караган фермердик чарба эмнеге боёк колдонууга туура келгенин Транспорт министрлигине айтты.

БИШКЕК, 5-сен. — Sputnik. "Ата-Бейит" мемориалдык комплексине бараткан жолдун боюндагы арчалар чынында эле жашыл түскө боёлгонун Транспорт жана жолдор министрлигинин маалымат кызматы Sputnik Кыргызстан агенттигине тастыктады.

Буга чейин ЖМКлар Бишкек — "Манас" аэропорту жолунун жээгиндеги бактардын жашыл түскө боёлгонун билдиришкен.

Аталган министрлик "Гүл Арча" дыйкан чарбасына шилтеме берүү менен арчалар ооруп жатканын маалымдады.

"Арчаларды дарылоо үчүн алардын коргоо реакциясын күчөтүүчү каражаттар сатып алынган. Бул каражаттар менен бактар үч жолу дарыланган. "Ата Бейит" комплексине баратканда жалпы көрүнүштү бузбоо үчүн биз айрым арчаларды аларга зыяны тийбегидей кылып жашыл түскө боёдук", — деп министрликтен кабарлашты.

Арчалардын "жашыл болуп турушу" 1916-жылдагы Үркүндүн 100 жылдыгына арналган иш-чара үчүн маанилүү болгон.

"Таш-Дөбө — Арашан жолундагы көрүнүштү саргайып кеткен арчалардын бузушун каалаган жокпуз. Мындай иштер дүйнө жүзүндө колдонулуп келет. Арчаларды жашыл түскө боёонун алдында биз өсүмдүктөргө коргоочу каражаттарды чачып, андан кийин гана бир аз боёк бердик. Алар өсүмдүктү күн нурунан коргоп, өңүн дагы жакшыртат", — деп Транспорт министрлиги дыйкан чарбанын айткандарына таянуу менен билдирди.

Ал эми "Гүл Арча" дыйкан чарбасы арчалар күн нурунан улам саргарып кеткенин, 15 жылдан ашып калган өсүмдүктөр көчүрүлгөндөн кийин көпкө чейин жакшы өсүп кетпей турганын белгилешти.

Ушундай эле корутунду Улуттук илимдер академиясынын окумуштуулары да 2016-жылдын 7-майында жүргүзгөн изилдөөсүндө айтылат.

Окумуштуулар арчалар өсүп жатканын, бирок башка жерге көчүрүлгөндүктөн жаңы шартка көнө албай жатканын айтышкан.

Эксперттер арчаларды калыбына келтирүү аракеттери 2-3 жылга созуларын белгилеп, бул убакыт ичинде алар кайрадан өңүнө чыгып жашыл боло турганын баса белгилешти.

198
Белгилер:
арча, Транспорт жана коммуникациялар министрлиги
Тема боюнча
Аэропортко барчу жол боюнан көчүрүлгөн туялар азырынча өнө элек
Бишкектеги Чыңгыз Айтматов көчөсүндө жайгашкан көп кабаттуу үйлөр. Архивдик сүрөт

Дүйшөмбүгө карата аба ырайы

137
(жаңыланган 21:04 20.06.2021)
21-июнга караган түнү республиканын тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Баткен, Талас облустарында жана өлкөнүн дыйканчылык аймактарында күн ачык болот.

БИШКЕК, 20-июн. — Sputnik. Дүйшөмбүдө тоо этектеринде жана тоолуу райондордо өткүн өтүп, күн күркүрөшү, бийик тоолуу райондордо кар жаашы ыктымал. Өрөөндөрдө жана дыйканчылык аймактарда жаан-чачын болбойт. Бул тууралуу Кыргызгидромет маалымдады.

Маалыматка ылайык, батыштан соккон шамалдын ылдамдыгы секундасына 4-9 метрден 15-20 метрге чейин жетет.

Абанын температурасы Чүй өрөөнүндө +26...+31, Ош, Жалал-Абад, Баткен облустарында +28...+33, Талас жергесинде +31...+36, Ысык-Көлдө +19...+24, Нарын аймагында +18...+23 градус болору айтылды.

Термометрдин көрсөткүчү Бишкекте +29...+31, Ош калаасында +33...+35, ал эми Чолпон-Ата шаарында +20…+22 градуска чейин жетет.

137
Белгилер:
аба ырайы, Кыргызстан, июнь
Тема боюнча
Маал-маалы менен өткүн өтүп турат. Бир жумага карата аба ырайы

Тактаны чачырата тепти. Асман менен баскан балдардын кызыктуу видеосу

133
(жаңыланган 20:29 20.06.2021)
АКШ менен Түштүк Кореянын тхэквондочуларынан куралган топ популярдуу болгон America"s Got Talent сынагынын көрүүчүлөрү менен калыстарын абдан таасирлентти.

Алардын суктанткан номери YouTube каналга жүктөлгөн. 

Аталган балдар-кыздар Олимпиадага чакырылып, бирок коронавирустун айынан болгон өзгөрүүлөрдөн улам ага катыша албай калганы айтылган. Дүйнөлүк деңгээлдеги иш-чарага катыша албай калган спортчулар азыркы сынакка катышып көрүүнү чечкен.

"Бизди Олимпиадага чакырышкан, бирок пандемиядан улам оюнду өткөрүү мөөнөтү жылып кетип, ага катышууга мүмкүнчүлүк болбой калды", — деген топтун лидери.

Эки өлкөнүн таланттуу, шамдагай спортчуларынын бул шоу-номери көргөн адамды кайдыгер калтырбайт. Алардын бир нече метр бийиктикке секирип баратып, жолунан кездешкен такталарды бир нече бөлүккө чачырата тепкенин көрүүгө болот.

Андан сырткары балдар-кыздар кызыктуу бийлерди, акробаттык чеберчиликтерин көрсөткөн.

Спортчулардын талантына таасирленген калыстар тобунун мүчөсү, теле алып баруучу Терри Крюс дароо эле финалга жолдомо берген алтын баскычты басып, залды да, тхэквондочуларды да бактылуу кылган.

America's Got Talent — теледолбоору ар кыл таланттарды өзүнө чакырган кызыктуу шоу. Анын байге фонду миллион доллар.

133
Тема боюнча
Укмуш номер болуптур! Атайдын бий тобу Кытайдагы сынакта финалга чыкты. Видео