Бишкектеги терактыда паспорттору колдонулган тажиктер Сирияда жүрөт

© Sputnik / Табылды Кадырбеков / Медиабанкка өтүүДипломатическое представительство Китая в Бишкеке, на территории которого произошел взрыв автомашины марки Mitsubishi Delica.
Дипломатическое представительство Китая в Бишкеке, на территории которого произошел взрыв автомашины марки Mitsubishi Delica. - Sputnik Кыргызстан
Жазылуу
Террорчулардын бири колдонгон паспорттун ээси, тажикстандык Фирдавс Бободжонов былтыр Сирияга согушка катышуу үчүн аттанып кеткен.

БИШКЕК, 8-сен. — Sputnik. Кыргызстандын борборундагы терактыда паспорттору колдонулган тажикстандыктар Сирияда жүрөт деп билдирди шаршемби күнү өлкө ИИМинин маалымат катчысы Умарджон Эмомали. Бул туурасында РИА Новости жазды.

Кытай элчилигиндеги жардыруу - Sputnik Кыргызстан
Кытай элчилигиндеги жардыруу: террорчулук боюнча издөөгө алынган жаран үн катты
30-августта эртең менен жан кечти Mitsubishi Delica үлгүсүндөгү автоунаа менен Кытай элчилигинин дарбазасын сүзүп, өзүн жардырып жиберген. Анын кесепетинен кыргызстандык үч жаран жаракат алган. Аталган факты боюнча УКМК Кылмыш жаза кодексинин террорчулук беренеси боюнча кылмыш ишин козгогон.

КРдин Улуттук коопсуздук боюнча мамлекеттик комитети 6-сентябрда бул аракеттерин ишке ашырууга катыштыгы барлар дагы аныкталып, жан кечти Тажикстан жаранынын паспортун пайдаланып жүргөн уйгур улутундагы адам экендигин билдирди. Ал Сириянын аймагындагы "Чыгыш Түркстандагы Ислам кыймылы" эл аралык террордук уюмунун мүчөсү болгон. Документ Зоир Халилов аттуу адамга таандык экендигин маалымдалган.

"Эки тажикстандык учурда издөөдө, анын документтери кандай жол менен Кыргызстанда жүргөн чоочун адамдардын колуна тийип калгандыгы белгисиз", — деп айтты Эмомали.

Маалымат катчынын билдиргенине караганда, террорчулардын бири колдонгон паспорттун ээси Фирдавс Бободжонов Тажикстандагы Руми Жалолиддин районунун жашоочусу, былтыр Сирияга согушка катышуу үчүн аттанып кеткен. 

"Ага карата чет өлкөдө согуштук аракеттерге катышкандыгы жана жалданмачылыгы үчүн кылмыш иши козголду", — деп билдирди Эмомали.

Бишкек шаарындагы Кытай элчилигинин дарбазасын сүзүп, теракт жасаган автоунаа Mitsubishi Delica. Видеодон алынган стоп-кадр. - Sputnik Кыргызстан
УКМК: Бишкектеги Кытай элчилигинде жардыруу уюштургандар аныкталды
Тажикстандын тартип коргоо органдарынын азырынча Халилов туурасында кошумча маалымат ала электигин билдиришти. Алардын колунда анын паспортун экинчи террорчу колдонгону жана Сирияда жүргөндүгү боюнча гана маалыматтар бар. 

УКМКнын маалыматында 16-июнда Али каймана аты менен белгилүү жан кечти 16-июнда Кыргызстанга келген. Тажикстандын ИИМинин маалыматында, ал Бишкекке тажикстандык 21 жаштагы Фирдавс Бободжоновдун атына берилген паспорт менен кирген.

Жаңылыктар түрмөгү
0