Бүгүн 001ААА мамлекеттик номери 600 миң сомго сатылып, рекорд койду

© SputnikСнимок с официального сайта ГРС https://nomer.srs.kg по онлайн продаже автомобильных номеров. Продажа государственного номера серии 01 KG 001ААА
Снимок с официального сайта ГРС https://nomer.srs.kg по онлайн продаже автомобильных номеров. Продажа государственного номера серии 01 KG 001ААА - Sputnik Кыргызстан
Жазылуу
Жарым сааттын ичинде баштапкы баасы 70 миң сомдук номер 600 миң сомго чейин кымбаттады. Бул аукциондогу жаңы рекорддук сумма.

БИШКЕК, 28-сен. — Sputnik. Кооз комбинациялуу сандардан улам "кыйын" деп эсептелген 001ААА мамлекеттик унаа номери 594 миң сомго сатылганы онлайн-аукцион өтүп жаткан сайтта жарыяланды. 

Бардыгы болуп сатыкка 38 адам билдирме берген, бирок анын ичинен бешөө гана алгачкы төлөмдү төлөгөн. Соодалашуу жарым саатка созулду, ал арада номердин баштапкы 70 миң сомдук баасы 594 миң сомго чейин көтөрүлдү.

Бул аукциондун жаңы рекорду болуп саналат. Ага чейин эң кымбат номер болуп 282 миң сомго сатылган 999ААА номери эсептелип келген.

Бүгүн 777ААА мамлекеттик номери дагы сатыкка чыгарылмакчы. Анын алгачкы баасы — 60 миң сом.

Аукцион 21-сентябрдан бери өтүп жатат. "Кооз" цифралар деп эсептелген (мисалы 121) номер комплектилери соодалашуусуз сатылат, ал эми бирдей комбинациядагы цифралар же тамгалар ("өзгөчөлөр") алгачкы ирет онлайн-сатуу аркылуу сатылууда. 

Октябрдан тартып "өзгөчө" номерлер аймактарда сатыла баштайт. Бир айдын ичинде сатуу ишке ашырылат.

Аукционго катышуунун эрежелери

Жаңы үлгүдөгү унаа номеринин архивдик сүрөтү - Sputnik Кыргызстан
Аймактарда "өзгөчө" номерлердин аукциону октябрда өтөт
Электрондук тейлөө көрсөтүү www.e.srs.kg порталында "Онлайн-аукцион" бөлүмү бар, ага www.nomer.srs.kg дареги боюнча кирүүгө болот. Жеке кабинетке кирүү үчүн "Катталуу" торчосун басыңыз жана өзүңүздүн мобилдик номерди (XXX)-XXX-XXX форматында киргизиңиз; "Паспорт номери" талаасын басып, паспорттун (ID-карта) номери менен сериясын ANXXXXXXX форматында, ошондой эле өзүңүздүн ПИН-номериңизди (персоналдык идентификациялык номериңизди) көрсөтүңүз. Сиз жиберген телефон номерине онлайн-аукционго кириш үчүн сыр сөз жазылган SMS-эскертүү келет. 

Мамлекеттик каттоо кызматы 1-июндан тартып кадимки "тамга — төрт цифра — тамга" болгон номерлердин ордуна үч сан жана үч тамга менен кооздолгон мамлекеттик номерлердин комплектилерин берүүнү баштаган. Бул номерлерде болгону улуттук туунун сүрөтү эл аралык Кыргызстан — KG коду менен сакталып калган.

Өзгөчө комбинациядагы 777ААА мамлекеттик номери аукцион аркылуу 1 миллион 716 миң сомго сатылды. Бул тууралуу Sputnik Кыргызстан материалынан окуңуз>>

Жаңылыктар түрмөгү
0