Дельфин бассейнинин архивдик сүрөтү

Прокуратура "Дельфин" бассейнин оңдоо боюнча кылмыш ишин козгоду

98
(жаңыланган 11:19 03.10.2016)
Мэрдин ремонтту 1-октябрга чейин бүткөрүү тапшырмасына карабастан, учурда аталган жерде оңдоо иштери аягына чыга элек.

БИШКЕК, 3-окт. — Sputnik. "Дельфин" бассейнин оңдоо үчүн жарыяланган тендердин жыйынтыктары боюнча мыйзам бузуу аныкталып кылмыш иши козголгондугун Башкы прокуратурадан кабарлашты.

Билдирмеге караганда мэриянын алдындагы Капиталдык курулуш башкармалыгы тендердин жыйынтыгын КР кызыкчылыктарын эске албастан чыгарган. 

"Аталган башкармалык үстүбүздөгү жылдын 20-майында "Дельфин" бассейнин ремонттон өткөрүү үчүн тендер жарыялаган. Конкурстун жыйынтыгы менен "К.К" ЖЧКсы жеңүүчү деп табылып, 22-июнда алар менен келишим түзүлгөн. Бирок мамлекеттик сатып алуулар боюнча мыйзамга ылайык "К.К" ишканасынын конкурска катышуу жөнүндөгү табыштамасы четке кагылган. Себеби ишкана квалификациялык талаптарга жооп бербей турганы белгилүү болгон. Мындан тышкары "О.И." аттуу ишкана азыраак сумма сунуштаганы менен сынактан себепсиз четтетилип калган", — деп айтылат маалыматта. 

Ушундай фактыларга байланыштуу Башкы прокуратура тарабынан 304-(кызмат ордун кыянаттык менен пайдалануу) жана 306-беренелери (КР кызыкчылыгын эске албастан келишим түзүү) боюнча кылмыш иши козголду.

Октябрдын башында ачылат деген Дельфин бассейнинин абалы
© Sputnik / Акылбек Батырбеков , Светлана Федотова
Учурда тергөө иштери уланууда. 

Ал эми Бишкек мэри Албек Ибраимов үстүбүздөгү жылдын 10-июлунда "Дельфин" бассейнин оңдоо иштерин 1-октябрга карата бүтүрүү тапшырмасын берген. Sputnik Кыргызстан агенттигинин кабарчысы 30-сентябрда андагы оңдоо иштери менен таанышуу үчүн барганда аткарылчу иштер толугу менен бүтө электигине күбө болгон. Анда имараттын бетин каптоо жана айнек менен кафелдерди орнотуу иштери жүрүп жаткан.

98
Белгилер:
келишим, тендер, бассейн, Башкы прокуратура
Тема боюнча
Бишкектин башчысы "Дельфин" спорт жайынын оңдоо иштерине ыраазы болгон жок
Рейхстагдын байкоо жеринде кишилер. Архив

Германия Кыргызстандын карызын кечет, бирок бир шарты бар 

163
(жаңыланган 00:11 27.01.2021)
Өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия макулдугун берди.

БИШКЕК, 26-янв. — Sputnik. Германия Кыргызстанга 14,9 миллион евро өлчөмүндөгү карызын кечүүгө даяр. Болгону Кыргызстан ал каражатты ипотекалык кредитке жумшашы керек. Бул тууралуу журналисттерге Финансы министрлигинин Мамлекеттик карыздар башкармалыгынын жетекчиси Руслан Татиков билдирди.

Анын айтымында, өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия буга макул болду.

Руководитель Управления государственным долгом при Министерстве финансов Руслан Татиков во время беседы на радио
© Sputnik / Асель Сыдыкова
Финансы министрлигинин Мамлекеттик карыздар башкармалыгынын жетекчиси Руслан Татиков
"Жалгыз Германия карызды жоюу боюнча макулдугун берди. Документке кол коюла элек, бирок сүйлөшүүлөр болду”, — деди Татиков.

Ал кошумчалагандай, бул каражат эми Мамлекеттик ипотекалык компанияга жумшалат деп күтүлүп жатат.

163
Белгилер:
Руслан Татиков, Тышкы карыз, Германия, Кыргызстан
Тема боюнча
Кыргызстан карыз төлөөнүн эң жогорку чегине качан жетет? Расмий жооп
Каракол шаарынын санитардык эпидемиологиялык көзөмөлдөө кызматына берилген Toyota Land Cruiser Prado

Ысык-Көл: медиктерге берилген жолтандабас президенттин иш башкармалыгында жүрөт 

107
(жаңыланган 22:57 26.01.2021)
Социалдык тармактарда “медиктерге берилген автоунааны президенттин иш башкармалыгы алып алыптыр” деген маанидеги посттор жарыяланды.

БИШКЕК, 26-янв. — Sputnik. Каракол шаарынын Санитардык эпидемиологиялык көзөмөлдөө кызматы өткөн жылдын сентябрь айында берилген Toyota Land Cruiser Prado үлгүсүндөгү жолтандабасты башка автоунаага КР президентинин иш башкармалыгы менен алмашып алды. Бул тууралуу кызматтын жетекчиси Нуркамел Бектуров билдирди.

Социалдык тармактарда “медиктерге берилген автоунааны президенттин иш башкармалыгы алып алыптыр” деген маанидеги посттор жарыяланды.

Мындан улам Sputnik Кыргызстан агенттигинин кабарчысы Санитардык эпидемиологиялык көзөмөлдөө кызматынын жетекчиси менен байланышты. Ал автоунааны алмашып алышканын тастыктап, жолтандабастын ордуна Volkswagen Polo үлгүсүндөгү машина алышканын билдирди.

Ал эми президенттин маалымат кызматы окуянын чоо-жайын тактап берүүнү убадалашты.

Эске салсак, өткөн жылдын июль айында өкмөттүн Ысык-Көл облусундагы өкүлчүлүгүнө тиешелүү автоунаага башка автонун номери тагылып жүргөн жерден кармалып, чуу чыккан. Кийин ал авто эл аралык долбоордун негизинде сатып алынганы айтылган. Көп өтпөй автокөлүк Каракол шаарынын Санитардык эпидемиологиялык көзөмөлдөө кызматына белекке берилген.

107
Белгилер:
белек, автоунаа, Каракол
Тема боюнча
Элчи Удовиченко россиялык ишкердин чуулуу бизнеси боюнча окуяга көңүл бурду
Коррупцияга айыпталган мурдагы жетекчи 11 млн. сом төлөп үй камагына чыкты