БИШКЕК, 4-окт. — Sputnik. Майлуу-Суу шаарынын карыялары кыш мезгилинде отун, көмүр менен камсыз болот. Бул тууралуу муфтият билдирди.
Маалыматка ылайык, аталган шаардын имамы 1-октябрь карылардын эл аралык күнүнө карата карыялар менен жолукту.
"Майлуу-Суу шаарынын имамы карыялар кышында отун-суу, көмүр менен камсыз болорун убада кылды", — деп жазылат маалыматта.
Имам мындан сырткары, мектеп окуучуларына семинар өтүп, милиция кызматкерлерине дин темасында баян курду.
