Жапаров: өспүрүмдөрдүн никесин кыйбай коюп сүйүүсүнө каршы чыкпайбызбы?

© Sputnik / Алексей Даничев / Медиабанкка өтүүАчкычтар. Архивдик сүрөт
Ачкычтар. Архивдик сүрөт - Sputnik Кыргызстан
Жазылуу
"Бир Бол" фракциясынын депутаты Акылбек Жапаров өсүпүрүм кыздардын никелешүүсүнө тыюу салган мыйзам долбоорун жакшылап иликтеп чыгыш керек деген ойдо.

БИШКЕК, 5-окт. — Sputnik. Өспүрүм кыздардын никелешүүсүнө тыюу салуу менен ак сүйүүсүнө каршы чыкпайбызбы? Мындай соболду "Бир Бол" фракциясынын депутаты Акылбек Жапаров Жогорку Кеңеште сүйлөп жатып салды. 

"Ата Мекен" фракциясынын депутаты Аида Салянова демилгелеп чыккан долбоорго ылайык, өспүрүм кыз менен үйлөнгөн бала, нике кыйган молдо, үйлөнүп жаткан баланын ата-энеси 3 жылдан 5 жылга чейин жоопко тартылат. 

"Өспүрүм кыздардын никелешүүсүнө тыюу салуу менен Шекспирдин чыгармасындагыдай болуп ак сүйүүсүнө каршы чыкпайбызбы? Салт маселеси эмне болот?" — деди Жапаров. 

Буга демилгечи депутат Салянова өспүрүм кыздардын өлүмү абдан көбөйүп кеткени менен жооп айтты. 

"Акылбек Үсенбекович, алгач өзүңүздүн кызыңызды ойлосоңуз. Өспүрүм кыздар никеге туруп, каза болуп жатышат. Кайдагы салт? Бул жерде салттын тиешеси жок", — деди Салянова.

Учурда талкуу уланууда.

Жаңылыктар түрмөгү
0