Кыргызстан сулуусу — 2014 конкурсунун жеңүүчүсү Айкөл Аликжанованын архивдик сүрөтү

Хиджап кийген кыргыз чүрөгү тууралуу The Daily Mail басылмасы да жазды

5145
(жаңыланган 14:47 05.10.2016)
Кыргызстандын сулуусу кийинүү стилин өзгөрткөн. Ал өзүнүн хиджап кийип турган сүрөтүн Instagram социалдык тармагындагы баракчасына жайгаштырган.

БИШКЕК, 5-окт. — Sputnik. Улуу Британиянын The Daily Mail гезити хиджап кийген "Кыргызстан сулуусу — 2014" конкурсунун жеңүүчүсү Айкөл Аликжанова жөнүндө жазды.

Кыргызстандын чүрөгү эми мындан ары хиджап кийип жүрө тургандыгын өзүнүн Instagram баракчасына жазган.

"Узун чачтуу кыргыз модели эми хиджап кийип жүрөрүн айтып күйөрмандарын таңгалдырды", — деген тема менен Британиянын басылмасы материалын жарыялаган.

Аталган басылма Аликжанова "сулуулук ханышасы" болуп келгенин, Кыргызстандын атынан эл аралык сулуулук конкурстарына катышканын жазат. Ошондой эле 2014-жылы Лондон шаарында өткөн "Дүйнө сулуусу — 2014" конкурсуна келгенин маалымдаган.

"Анын жаңы образы социалдык тармактарда катуу талкуу жаратты. Ага ыраазы болгондор жана жек көргөндөр да болду", — деп жазат Daily Mail.

Британ басылмасы Кыргызстандын сулуусу кайрымдуулук иштери менен алектенип, мусулмандарга ыңгайлашкан кийимдерди чыгара турганын да жазат.

5145
Белгилер:
Айкөл Аликжанова, The Daily Mail, сулуулук, хиджаб
Тема боюнча
Кыргызстандын чүрөгү: оронгон жоолугум карьерама жолтоо болбойт
КР сулуусу "Дүйнө модели" сынагына алгач ирет катышат
Кикбоксчу Алексей Федосеев. Архивдик сүрөт

Италиядан кикбоксчулар Федосеев, Бегматов коло, Фозилжанов күмүш медаль алды. Сүрөт

5
Дүйнө чемпионатына Кыргызстандын атынан онго чукул спортчу барган. Азыр үч спортчу медаль алды, анын бирөө Алексей Федосеев.

БИШКЕК, 23-окт. — Sputnik. Кыргызстандык кикбоксчулар Италиянын Лидо шаарында өтүп жаткан дүйнө чемпионатында бир күмүш жана эки коло медалга татыды. Бул тууралуу КРдин Кикбокс федерациясынын социалдык тармактагы баракчасы маалымат чыгарды. 

Күмүш байгени К-1 боюнча 63,5 килограмм салмактагылар арасында Икбол Фозилжанов алды.

Ал үч беттешти катары менен камсыздап, финалга чыккан. Анда россиялык Виктор Михайловго калыстардын чечими менен утулуп, экинчи орунга татыган.

Алексей Федосеев "лоу-кик" боюнча 63,5 килограмм салмактагылар арасында ат салышкан. Ал биринчи кармашын утуп, экинчисинде жеңилип калган. Натыйжада ал коло медалга ээ болгон.

Ошондой эле дагы бир кыргызстандык спортчу Чыңгыз Бегматов үчүнчү орунга татыды.

Дүйнө чемпионатына Кыргызстандын атынан онго чукул спортчу барган.

5
Белгилер:
Кыргызстан, Италия, Алексей Федосеев, кикбоксинг, спорт, дүйнө чемпионаты
Тема боюнча
Бишкекте Жапаровдун тапшырмасы менен балбан кыздарга спорттук зал курулат
Кыргызтелеком ачык акционердик коомунун директорлор кеңешинин мүчөсү Канатбек Аскаров

Аскаров: "Кыргызтелеком" социалдык долбоорлорду тесттик режимде ишке киргизди

10
"Кыргызтелеком" ачык акционердик коомунун директорлор кеңешинин мүчөсү Канатбек Аскаров аталган мекеме бир катар социалдык долбоорлорду тесттик режимде ишке киргизгенин айтты.

"Кыргыз телеком" ААК "Телемедицина", "Коопсуз мектеп" жана "Жеткиликтүү санариптик дүйнө" социалдык долбоорлорду ишке киргизип жатат. Мунун артында мамлекеттик кызматтарды санариптештирип, калк үчүн жеткиликтүүлүктү камсыздайбыз. Бул тууралуу Канатбек Аскаров Sputnik Кыргызстан радиосунун эфиринде маек куруп жатып билдирди.

Аскаров: "Кыргызтелеком" социалдык долбоорлорду тесттик режимде ишке киргизди

Анын айтымында, "Кыргызтелеком" санариптештирүүнүн алкагында коопсуз мектеп, көчө, айыл, аймак жана республика статусуна жетүүнү көздөп жатат.

"Ишкана Кыргызстанда "Телемедицина" долбоорун ишке киргизүү боюнча техникалык өнөктөш болуу демилгесин көтөрдү. Мында оорукана акысыз интернет менен камсыз болуп, видео байланыш уюштуруу үчүн зарыл болгон жабдуулар сатып алынат. Дарыгерлер видео чалуу аркылуу кеп-кеңеш берип, илдетти аныктоо, дарылоо жана алдын алуу максатында башка мекемелердеги кесиптештери менен кеңешип, изилдөө жүргүзүүгө жана баа берүүгө зарыл болгон маалыматтар менен алмаша алат. Ал эми "Коопсуз мектеп" социалдык долбоорунда мектеп интернетке туташтырылып, видео байкоо жүргүзүүчү камералар орнотулат. Мобилдик тиркеменин жардамы менен мугалимдер, мектептин администрациясы, ата-энелер балдар сабактан кийинки бош учурда кантип убакыт өткөрүп, эмне менен алек экендигин онлайн көрүшөт. Бул долбоор окуу жайларга комплекстүү кызмат көрсөтүүнү камсыздоого багытталган жана аны ишке ашырууда артыкчылык Кыргызстандын алыскы аймактардагы окуу жайларына берилет. Андан тышкары "Жеткиликтүү санариптик дүйнө" долбоорунун алкагында "Кыргызтелеком" ААК айыл өкмөтүнүн имаратында Wi-Fi роутер орнотуп, акысыз интернет менен камсыздайт. Айылдын жашоочулары сейилдөө паркында интернет-байланышын эркин пайдаланып, жакындарына интернет аркылуу чалуу, дарыгерлерге кабыл алууга онлайн катталуу мүмкүнчүлүгүн алышат. Ал эми балдар коомдук статусуна карабастан, өнүгүү жана кошумча билим алуу үчүн интернет ресурстарын колдоно алышат", – деди Аскаров.

Ал аталган долбоорлор сынамык негизде Чүй облусунун Сокулук районунун Фрунзе айыл өкмөтүндө иштеп жатканын кошумчалады.

Подкасттын толук вариантын төмөнкү видеодон көрүңүз:

10
Белгилер:
Кыргызтелеком, долбоор
Тема боюнча
"Кыргызтелеком" интернетти 3,5 эсе арзан сатып ала баштады