Футбол боюнча улуттук курама команданын жаңы жасалгаланган автобусу

Футбол федерациясы шумкардын сүрөтү тартылган автобусун көрсөттү

132
(жаңыланган 13:25 11.10.2016)
Футболчуларга арналган автобусту жасалгалоо үчүн атайын питердик дизайнерлер тартылган.

БИШКЕК, 11-окт. — Sputnik. Футбол федерациясы улуттук курама командасынын жаңы жасалгаланган автобусун сунуштады. Бул тууралуу аталган федерациянын маалымат кызматы билдирди.

  • Футбол федерациясы улуттук курама командасынын жаңы жасалгаланган автобусун сунуштады
    Футбол федерациясы улуттук курама командасынын жаңы жасалгаланган автобусун сунуштады
    © Фото / пресс-служба ФФКР
  • Автобусту Зенит клубу үчүн корпоративдик стиль иштеп чыккан санкт-петербургдук компания жасалгалаган.
    Автобусту "Зенит" клубу үчүн корпоративдик стиль иштеп чыккан санкт-петербургдук компания жасалгалаган.
    © Фото / пресс-служба ФФКР
1 / 2
© Фото / пресс-служба ФФКР
Футбол федерациясы улуттук курама командасынын жаңы жасалгаланган автобусун сунуштады

Автобусту "Зенит" клубу үчүн корпоративдик стиль иштеп чыккан санкт-петербургдук компания жасалгалаган. 

Автобустун эки капталына команданын тумары болгон ак шумкардын сүрөтү түшүрүлгөн. Федерация ак шумкар эркиндикти, аруулукту даңазалап, көз карандысыздыктын символу болуп эсептелерин белгиледи. 

Сүрөттүн жалпы сары-кызыл түсү да жөн жерден тандалган эмес, мында КР желегинин өңү түшүрүлгөн. Анын астында Кыргызстандын белгилүү жерлеринин сүрөтү — Бурана, Сулайман-Тоо, Манастын эстелиги, Тарых музейи, куранттар, өчпөс от тартылган. 

Аталган автобуска КР футболчулары бүгүн биринчи жолу түшүп, түркмөн оюнчулары менен беттеше турган Дөлөн Өмүрзаков атындагы стадионго барат.

132
Белгилер:
Кыргызстандын футбол федерациясы, футбол, автобус, дизайн
Тема боюнча
Футбол беттешинен улам эртең Тоголок Молдо көчөсү жабылат
Кыргызстан — Түркмөнстан беттешине билеттер студенттер үчүн арзан баада сатылат
Пробация департаментинин жетектөөчү адиси, психолог Тахмина Талгатова

Талгатова: соттолгон адамдын кылмыштан оолак болушуна коом көмөк көрсөтө алат

2
Пробация департаментинин жетектөөчү адиси, психолог Тахмина Талгатова соттолгон адамдар жаза мөөнөтүн өтөп бүткөндөн кийин коомго аралаша албай кыйналарын айтты.

Коомдо соттолгон кишилерге чочулоо менен караган көз караш бар. Аларга ишеним да төмөн. Бул тууралуу Тахмина Талгатова Sputnik Кыргызстан радиосуна маек куруп жатып билдирди.

Талгатова: соттолгон адамдын кылмыштан оолак болушуна коом көмөк көрсөтө алат

Анын айтымында, жаза мөөнөтү бүткөндөн кийин бул адамдар өздөрүн жалгыз сезип кыйналышат.

"Пробация департаменти жеңил кылмыш жасаган мыйзам бузуучулар менен иш алып барат. Көбүнесе уурулук, каракчылык, бирөө менен мушташа кетип түрмөгө түшкөн инсандар — биздин кардарларыбыз. Алар менен психологдор тынбай иштешип турабыз. Мындай кылмышкерлердин көбү жаза мөөнөтү бүткөн соң кайра коомго аралашуудан чочулашат. Баары бир мага эч ким ишенбейт деген пикирде болуп, адамдардан оолактап жалгыз жүрүп калышат. Мындай учурда анын чөйрөсү эң чоң көмөк көрсөтө алат. Алар бул кишини өзүнө тартып, баарлашып, майда-барат иштерде деле ишеним көрсөтүп турушса ачылып сүйлөшүшөт. Соттолуп чыккан адам жардам сураган учурда болушунча баш тартпаганга аракет кылыш керек. Анткени алардын кимдир бирөөдөн көмөк сурап кайрылганы дагы өзүнчө жеңиш, — деди Талгатова.

Психолог бул боюнча коомчулукта да түшүндүрүү иштери жүргүзүлүшү зарылдыгын кошумчалды.

2
Белгилер:
психология, психолог, кылмышкер, коом, Тахмина Талгатова
Тема боюнча
Зарылбек уулу: пробация кардарлары дээрлик кайра кылмышка барбайт
Кар учурунда жолдөн өтүп бараткан адамдар. Архив

Ноябрь айында аба ырайы кандай болот. Синоптиктердин божомолу

37
(жаңыланган 13:35 18.10.2021)
"Кыргызгидрометтин" маалыматына караганда, алдыдагы айда абанын айлык орточо температурасы климаттык норманын чегинде болот.

БИШКЕК, 18-окт. — Sputnik. Кыргызгидромет агенттиги ноябрь айына карата аба ырайынын божомолу тууралуу маалымат берди.

© Фото / Кыргызгидромет
Ноябрь абанын орточо температурасы

Ага ылайык, абанын айлык орточо температурасы жана жаан-чачындын айлык көлөмү нормага жакын болушу күтүлүүдө.

© Фото / Кыргызгидромет
Ноябрдагы жаан-чачындын орточо көлөмү

Чүй облусу

Абанын айлык орточо температурасы климаттык норманын чегинде болуп, 3…5 градус жылуу, тоо этектеринде жана Кемин өрөөнүндө -1 градус сууктан +1 градуска чейин жылыйт. 

Ай ичинде абанын температурасы күндүз 5…10 градустан  12…17 градуска чейин жылып, бирок кээ бир күндөрү -2ден +3 градуска чейин төмөндөшү мүмкүн.

Кемин өрөөнүндө жана тоо этектериндеги райондордо абанын температурасы түнкүсүн 0…-5° сууктун тегерегинде болуп, күндүз 2…7ден  8…13 градуска чейин жетет. Жаан-чачындын айлык көлөмү норманын чегинде болору  күтүлүүдө.

Талас облусу

Абанын айлык орточо температурасы климаттык норманын чегинде туруп, 1…3 градус жылуу болушу күтүлөт.

Ай ичинде абанын температурасы түнкүсүн -4...+1, күндүз 10…15 градуска чейин жылышы мүмкүн. Анткен менен кээ бир түндөрү температура  -6…-11 градуска чейин түшөт. Жаан-чачындын айлык көлөмү нормага жакын болот.

Ош облусу

Абанын айлык орточо температурасы климаттык норманын чегинде болуп, 5…7, тоо этектериндеги райондордо 3…5 градус жылуу болот.

Ай ичинде абанын температурасы түнкүсүн 5…10 градус, күндүз 12…17 градуска чейин жылуу болушу ыктымал.

Тоо этектериндеги райондордо -2…+3төн тарта 2…7 градуска чейин жылып, кээ бир түндөрү -3…-8 градуска чейин муздашы мүмкүн. Жаан-чачындын айлык көлөмү нормага жакын болушу күтүлүүдө.

Жалал-Абад району

Абанын айлык орточо температурасы климаттык норманын чегинде болуп 5…7, тоо этектериндеги райондордо 3…5 градус жылуу болору божомолдонууда.

Ай ичинде абанын температурасы түнкүсүн -2…+3төн тарта 5…10 градуска чейин, күндүз 6…11ден башталып, 12…17 градуска чейин жылыйт.

Токтогул районунда ай ичинде абанын температурасы түнкүсүн -4…+1ден 2…7 градуска чейин, күндүз 2…7ден башталып,  8…13 градуска чейин жылыйт. Жаан-чачындын айлык көлөмү нормага жакын болот.

Баткен облусу

Абанын айлык орточо температурасы климаттык норманын чегинде туруп 5…7, тоо этектериндеги райондордо 3…5 градус жылуу болот. 

Ай ичинде абанын температурасы түнкүсүн -2…+3төн тарта 5…10го чейин, күндүз 6…11ден 12…17 градуска чейин жылуу болору божомолдонууда. Жаан-чачындын айлык көлөмү нормага жакын болушу күтүлүүдө.

Ысык-Көл облусу

Абанын айлык орточо температурасы климаттык норманын чегинде болуп +2…+4 градустан  -1…+1ге чейин жетет.

Ай ичинде абанын температурасы түнкүсүн 0…-5 градус сууктан 1…6га чейин жылуу, күндүз 3…8ден 8…13кө чейин жылуу болот. Кээ бир күндөрү облустун чыгыш тарабында түнкүсүн -6…-11 градуска чейин суук болот. Жаан-чачындын айлык көлөмү нормага жакын болот.

Нарын облусу

Абанын айлык орточо температурасы климаттык норманын чегинде болуп -1…-3 градуска чейин сууктайт.

Ай ичинде абанын температурасы түнкүсүн -1…-6 градус суук болуп, кээ бир түндөрү -7…-12 градуска чейин жетиши мүмкүн. Күндүз эң жылуу дегенде 3…8 градуска жетет. Жаан-чачындын айлык көлөмү нормага жакын болот.

37
Белгилер:
Кыргызстан, күз, аба ырайы, жаан-чачын
Тема боюнча
Жылуу эле болобу? Октябрь айына карата аба ырайы