Видеодогу баланын энеси: баламды акчага "короз уруштурган" сыяктуу мушташтырган эмес

© Фото / Зульфия ТургуноваМушташкан эки баланын бири 6 жаштагы Даутбектин апасы Өзгөн районундагы Баш-Дөбө айылынын тургуну Хилола Токторова
Мушташкан эки баланын бири 6 жаштагы Даутбектин апасы Өзгөн районундагы Баш-Дөбө айылынын тургуну Хилола Токторова - Sputnik Кыргызстан
Жазылуу
Балдардын биринин атасы Кош-Коргон айылында кыш куюп иштеп келет. Окуя эки баланын чокушуп кеткенинен улам өрт алып кеткен.

БИШКЕК, 13-окт. — Sputnik. Баламды акча сайып "короз уруштурган" сыяктуу мушташтырган эмес. Мындай пикирин мушташкан эки баланын бири 6 жаштагы Даутбектин апасы Өзгөн районундагы Баш-Дөбө айыл өкмөтүнө караштуу Кош-Коргон айылынын тургуну Хилола Токторова Sputnik Кыргызстандын аймактык кабарчысына айтып берди. 

Буга чейин ички иштер министрлиги 6-7 жаштагы кичинекей балдарды сүрөөнгө алып, канжалата мушташтырып жаткан видеодогу балдардын аталары Өзгөн райондук милициясы тарабынан убактылуу кармоочу жайга киргизилгендигин билдирген. Бул боюнча кылмыш иши козголгон

© Фото / Зульфия ТургуноваӨзгөн районундагы Баш-Дөбө айылынындагы жаш балдар
Видеоролик, запечатлевший, жестокую драку мальчиков - Sputnik Кыргызстан
Өзгөн районундагы Баш-Дөбө айылынындагы жаш балдар

Токторова окуя кандай болуп видеого тартылып калгандыгын жана мушташуу кантип чыккандыгын төмөнкүчө айтып берди. Балдардын биринин атасы Кош-Коргон айылында кыш куюп иштеген. Окуя эки баланын чокушуп кеткенинен улам өрт алып кеткен. 

"Окуя болгон күнү уулум Даутбек атасынын жанында ойноп жүрүп, дөңдөн кулап түшкөндө теңтуштары келекелеп шылдыңга алышкан. Ызаланган уулум кошунанын баласын барып муштап калат. Кошунанын баласы да ага тап берип экөө чокулаша кетиптир", — деп айтты Токторова.

ИИМдин маалымат кызматынын өкүлү Эрнис Осмонбаев - Sputnik Кыргызстан
Радио
Эрнис Осмонбаев: мушташкан балдардын аталарына кылмыш иши козголду
Бул окуядан кийин кызыгына баткандар андан ары сүрөөнгө алып кетишкен. 

"Жолдошум аны менен бирге кыш куюп иштеп жаткан кошуналар, баланын атасы да аларды "эркекчилик" кылып сүрөөнгө алып кетишкен. "Короз уруштурган" сыяктуу аларды ортого акча коюп балдардын мушташын атайын уюштурган эмес", — деди баланын энеси.

Ал атасы баланы мындай окуяга атайын түртпөгөндүгүн төмөнкүчө түшүндүрдү.

"Ким эле баласын атайы мушташтырсын. Жолдошум акча көптүгүнөн көөп кетип же болбосо баңги зат колдонуп, ичкилик ичип алып мушташууну уюштурган жок. Тиричилигибиз деле оор. Жолдошум кыш куюп жарыбаган аз акчага иштейт. Көпкөн эркектерден эмес"— деди Токторова. 

Балдар ооруканасы. Архивдик сүрөт - Sputnik Кыргызстан
ШИИБ көзү ачыктын колунан өлдү делген баланын чоо-жайын иликтеп жатат
Ал учурда 41 жашта, эч жерде иштебейт, бир кыз, үч уулдун энеси. Эне кенже уулу Даутбек өтө шок жана эрке болгондуктан, балдар менен көбүрөөк чырдашарын кошумчалады.

Буга чейин балдарды сүрөөнгө алып, чырылдап ыйлаганына карабай мушташтырып жаткан видео интернетке тарап, көптөрдүн нааразычылыгын жараткан. 

Жаңылыктар түрмөгү
0