Арашан капчыгайы, архив

Жаш окумуштуулар токой чарбасы боюнча конференцияга чогулат

204
Илимдер академиясы Кыргызстандын токойлору өзүнүн ар түрдүүлүгү, татаал структурасы менен Орто Азия чөлкөмүндө жаратылышты коргоодо өзгөчө орунду ээлей турганын белгилейт.

БИШКЕК, 15-окт. — Sputnik. Үстүбүздөгү жылдын 16-17-октябрь күндөрү Улуттук илимдер академиясында "Евразия токойлору — Тянь-Шандын бермети" деп аталган жаш окумуштуулардын Эл аралык XVI конференциясынын ачылышы өтөт. Бул тууралуу аталган академия билдирди.

Маалыматка ылайык, быйылкы иш-чара Кыргызстанда токой илимин негиздөөчү, атактуу окумуштуу Петр Гандын 100 жылдыгына арналган. 

"Бул конференциянын бул жерде өтүүсү кокустук эмес, себеби Кыргызстандын токойлору өзүнүн ар түрдүүлүгү, татаал структурасы менен Орто Азия чөлкөмүндө жаратылышты коргоодо өзгөчө орунду ээлейт", — деп айтылат билдирүүдө. 

Өткөрүлчү конференциянын негизги максаты – жаш окумуштууларды жаратылышты пайдалануунун ар түрдүү тармактарындагы акыркы жетишкендиктери менен Тааныштыруу. Андан сырткары токой чарбасын жүргүзүүдө экология жагынан зыян келтирбөө үчүн биология, генетика жана биохимия тармагындагы акыркы жетишкендиктерди пайдалануу. 

Мындан тышкары, окумуштуулар токой экосистемасынын, Тянь-Шань токой өсүмдүктөрү өскөн зонадагы биологиялык ар түрдүүлүктү сактоонун инновациялык методдорун колдонуу, Кыргызстандагы токойдун жыгач эмес, жыгач продукциясын, алардын калдыктарын иштетүү технологиялары менен таанышат. 

204
Белгилер:
академия, конференция, токой, Кыргызстан
Тема боюнча
National Geographic Кыргызстан тууралуу роликти өз сайтына жайгаштырды
Премьер Жээнбеков Жалал-Абад эли менен жолугуп, чарба иштерин көрөт
Жайлоодо мал кайтарып жүргөн киши. Архивдик сүрөт

Ишембиге карата аба ырайы

72
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

72
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды
Противогаз кийген ӨКМ кызматкерлери. Архивдик сүрөт

Оштогу күйдүргү: ооруканада канча киши калды

120
(жаңыланган 21:36 14.08.2020)
Кара-Суу районундагы Тогуз-Булак айылында 24-августка чейин 288 киши көзөмөлдө болот. Эпидемияга каршы иш-чаралар уланууда.

БИШКЕК, 14-авг. — Sputnik. Ошто күйдүргүгө шектелип ооруканага түшкөндөрдүн арасынан бирөөндө гана вирус аныкталды. Калган жети киши үйүнө чыгарылды. Бул тууралуу Саламаттык сактоо министрлигинен билдиришти.

"Күйдүргү бир адамдан чыкты, калганы таза экен. 24-августка чейин айылда 288 киши көзөмөлдө болот. Эпидемияга каршы иш-чаралар уланууда”, — деп айтылат билдирүүдө.

Эске сала кетсек, 11-августта Ош шаарынын Кара-Суу районундагы Тогуз-Булак айылында күйдүргүгө шектелгендер болуп жатканы маалымдалган. Ош облустук клиникалык ооруканасы 2-августтан тарта сегиз бейтап түшкөнүн билдирген. Кийинчерээк бир кишиден күйдүргү оорусу лабораториялык жактан тастыкталып, Тогуз-Булак айылы карантинге алынган. 

120
Белгилер:
анализ, вирус, күйдүргү, Ош
Тема боюнча
Ош: күйдүргү чыккан уй эмделбегени үчүн ветеринарлар жазаланды