Автоунаа ачкычы. Архивдик сүрөт

Салык төлөбөгөн миңден ашуун автоунаа ээлери айыпка тартылды

112
(жаңыланган 10:38 19.10.2016)
Эрежеге ылайык, 1-сентябрга чейин салык төлөгөнгө жетишпей калса, негизги суммадан тышкары дагы 2 миң сом айып пул төлөп, ар бир күн үчүн туум кошулуп турат.

БИШКЕК, 19-окт. — Sputnik. Бир ай ичинде автоунаа салыгын төлөбөгөн темир тулпарлардын ээсине 3,8 миллион сом айып пул салынды. Бул туурасында Мамлекеттик салык инспекциясынын маалымат кызматынан кабарлашты.

Сентябрдан тарта салыкчылар менен Кайгуул милициясы биргелешип 411 рейд өткөргөн.

"Бардыгы болуп 1092 айдоочуга 3,8 миллион сом айып пул салынып, анын ичинен 1,5 миллион сом бюджетке түштү", — деп билдирди маалымат кызматы.

Салык кызматы тогуз ай ичинде автоунаа салыгынан 747,3 миллион сом түшкөнүн, бул өткөн жылга салыштырганда (2015-жылы — 689,3 млн.) арбын болгондугун билдирди.

"Кимде ким 1-сентябрга чейин автоунаа салыгын төлөгөнгө жетишпей калса, негизги суммадан тышкары дагы эки миң сом айып пул төлөп, ар бир күн үчүн туум кошулуп турат",— деп билдиришти салык кызматынан.

Аталган ведомстводон салык төлөнгөнүн тастыктаган атайын чаптамалар бекер бериле тургандыгын кошумчалашты.

112
Белгилер:
Мамлекеттик салык кызматы, Кайгуул милициясы, автоунаа, салык, чаптама, айып пул
Тема боюнча
Августтун аягына чейин унаа жана кыймылсыз мүлккө салык төлөбөгөндөр жазага тартылат
Унаа салыгын төлөгөндөргө атайын чаптамалар берилди
Айдоочуларга салык төлөгөнүн тастыктаган чаптамалар бериле баштайт
Кабул шаары. Архив

ЖМК: талибдер өзбек тилин расмий макамынан ажыратып салды

69
(жаңыланган 00:12 19.09.2021)
Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

БИШКЕК, 18-сен. — Sputnik. "Талибан"* кыймылы мыйзамда көрсөтүлгөн үч расмий тилдин ордуна экөөнү калтырып, башкаруунун жаңы системасы каралган убактылуу мыйзам чыгарды. Документ РИА Новостиге кыймылдагы адамдар тарабынан жөнөтүлгөнүн аталган агенттик жазды.

"Негиздер" деген аталыштагы мыйзамда Афганистандагы ханафит мазхабынын суннит исламы расмий дин болуп эсептелээри айтылат. Ал эми пушту менен дари тилдери расмий тил деп саналмакчы. Буга чейин Афганистанда түндүк провинциянын тургундары сүйлөгөн өзбек тили да расмий болуп келген. Мындан тышкары, өлкөдө басымдуу бөлүгүн хазарийлер түзгөн шиит общинасы бар.

Жаңы документке ылайык, Афганистанда ислам юристтеринин кеңеши жана жогорку кеңеш түзүлөт. Ага саясий ишмерлер, окумуштуулар жана ар провинциядан дин кызматкерлери кошулары айтылды.

Аткаруу бийлигин президент жетектейт, аны жарандар менен жогорку кеңештин мүчөлөрү шайламакчы. Добуш берүү ачык-айкын өтүшү үчүн шайлоо комиссиясы түзүлөт. Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

Мыйзамда "британиялыктар, орустар жана америкалыктардан көз карандысыздык күнү" майрам болуп эсептелет деп жазылган.

Талибдер августтун башында активдешип, айдын орто ченинде Кабулга киришкен. Согуш аягына чыкканы жар салынып, 31-августта америкалык аскерлер толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында.

Буга чейин талибдердин бийлиги менен кызматташууга Өзбекстан, Казакстан жана Кытай даярдыгын билдирген болчу.

* — Кыргызстан, Россия жана башка бир катар мамлекеттерде тыюу салынган уюм.

69
Белгилер:
Афганистан, 'Талибан' кыймылы, тил, макам, Өзбекстан, Казакстан, Кытай, мыйзам, документ
Тема:
Афган бийлиги менен талибдердин тиреши
Тема боюнча
Афганистандагы абал Борбор Азиянын келечегине кандай таасир этет? Пикир
Пикирлештердин саммити: ШКУнун Афганистан боюнча кадамы кандай болот
Балыкчы шаарындагы үйлөр. Архив

Жекшембиге карата аба ырайы

94
19-сентябрга караган түнү республика боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 18-сен. — Sputnik. Жекшемби күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй өрөөнүндө +28...+33, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +23...+28 жана Нарын аймагында +24...+29 градус болору айтылды.

Термометрдин көрсөткүчү Бишкекте +31...+33, Ош калаасында +33...+35 градуска жетет.

94
Белгилер:
Кыргызстан, аба ырайы
Тема боюнча
Кыргыз-кытай чек арасы үч күнгө жабылат. Себеби