Аналитик компании Facebook из Кыргызстана Зарема Асанбекова

Facebook компаниясында иштеген кыргыз кызы: билим алууга эч качан кеч эмес!

11370
(жаңыланган 11:51 22.10.2016)
Мекендешибиз Зарема Асанбекова биз күн сайын колдонгон Facebook тармагынын Сан-Францискодогу кеңсесинде программа сапатын текшерүүчү аналитик болуп иштейт. Андан сырткары, Калифорниядагы кыргыздардын башын бириктирген уюмдун түптөөчүлөрүнүн бири.

Журналист Айнагүл Сапарбек кызы силикондук өрөөнгө аяк койгон улутташыбыз менен баарлашып, ийгиликке жеткирген жолдогу оош-кыйыштар менен бирге кубанычы, үй-бүлөсү тууралуу сүйлөшкөн.

— Зарема, Кыргызстанда кеңири тараган социалдык тармактын кеңсесинин босогосун ар күнү аттайт экенсиз. Баш баккан сайын кандай сезимдерге кабыласыз?

— Кубанам!!! Күндө таңда жумушка шашам. Facebook ишканасы – өз үйүмдөй. Мен көргөн нерсени досторум, туугандарым, ага-эжелерим да көрсө дейм. Кыргызымдын уул-кыздарына ушундай компанияда иштөө кадыресе эле көрүнүш болуп калса деп тилейм.

— Бул ишке резюме тапшырган маалды сүрөттөсөңүз. Ишендиңиз беле кабыл алынарыңызга?

— Facebook компаниясына чейин Sony Playstation компаниясында иштегем. Аталышы укмуш болгону болбосо, ал жакта солдат, робот сымал иштечүбүз. Компаниянын эрежелерин сактайбыз деп атып эле аткарган ишим илгери жүрбөй, өз маалында келбесем, чый-пыйым чыгып, көп кыжалат болчумун. Ошондуктан, башка иштерди караштырып, резюме жибере баштаган элем. Эс алууда жүргөн маалда Oculus компаниясынан телефон чалышты. Сүйлөшүүгө убагында келе албаганым үчүн башка кишини алышкан. Эки жума өтпөй кайра чалышты. Ошентип, программа текшерүүчү аналитик (Quality аssurance аnalyst) болуп орноштум. Албетте, кубанычыма чек жок эле!..

Аналитик компании Facebook из Кыргызстана Зарема Асанбекова
© Фото / предоставлено Заремой Асанбековой
Зарема Асанбекова: Facebook компаниясында ар бир адамга өзүнчө көңүл бурулат. Жумуш боюнча өзгөртүү же толуктоо кааласаң, жетекчиң менен сүйлөшүп, ишти каалагандай аткарсаң болот

— Facebook компаниясынын иш шарты өзгөчө деп угабыз. Эмнеси менен айырмаланат?

— Кыргызстанда чоң ишканада иштебеген соң, бир нерсе айтышым кыйын. Ал эми биздин компанияда ар бир адамга өзүнчө көңүл бурулат. Жумуш боюнча өзгөртүү же толуктоо кааласаң, жетекчиң менен сүйлөшүп, ишти каалагандай аткарсаң болот. Компания андай демилгелүү кызматкерлерди аябай колдойт.

— Иш жериңиз туурасында кенен билгибиз келет. Кесиптештер, кеңсе ичиндеги шарттар, соцпакет, айтор, баары кызык…

— Калифорнияда түркүн улут жашайт. Мындай технологиялык ишканаларда иштөө үчүн ар кайсы өлкөлөрдөн келишет. Ар бир адамды өңү-түсү, диний ишеними же ориентациясына карабай, компания жылуу тосуп алат. Ар кандай майрамдар белгиленет. Мисалы, Орозо айтта чоң майрам болду. Ыктыярчы болуп уюштурууга мен да жардам бердим. Имаратта эне-бала үчүн бөлмөлөр, намаз окуучу жайлар, спорт зал, дүкөндөр, ондон ашык үч маал бекер тамак берген ашкана, атургай, тиш дарылоочу клиника да бар. Айрымдарын азыр эстей да албай калышым мүмкүн, айтор, бардык шарттар түзүлгөн. Балалуу болсоң, биздеги сүйүнчү акысындай 4000 доллар өлчөмүндө көмөк берилет.

— Билимди андан ары кеңейтип, кесиптик чеберчиликти арттырууга мүмкүнбү?

— Бекер онлайн-сабактар бар. Программалоо боюнча да курстары акысыз. Бул ишканада өнүгүп-өсүүгө болот. Эч ким эч кандай тоскоол кыла албайт.

Аналитик компании Facebook из Кыргызстана Зарема Асанбекова
© Фото / предоставлено Заремой Асанбековой
Зарема Асанбекова: кичине кезимден эле англис тилине кызыгып, 5 жашымдан окуп баштагам. Англия же Америкада билим алууну кыялданчумун

— Кеңсеге дүйнө жүзүнөн көрөт элек деп кызыккандар көп баш бакса керек…

— Албетте, аларга ар дайым эшик ачык. Ар кай жактан ар кандай аламдар келет… Бирок, ким келип, ким кетип жатканын билбей да калабыз. Кээде спорт жылдыздары, кино, эстрада жылдыздары да келип калат. Мисалы, иш залыбыздын жанындагы бөлмөдө Селена Гомес жарым сааттай олтурганын байкабаптырбыз. Чыккандан кийин гана билип, сүрөткө түштүк… Бир жолу азиат жүздүү адам менен баш ийкешип өтүп кеткем. Жанында жансакчылары оголе көп болчу. Сураштырсак, Сингапурдун президенти менен учурашыпмын. Мейман болуп келген эки мырза ишибиз туурасында сурап, кадыресе гана баарлашып турганбыз. Соңунда экөөнүн бирөө жанындагысын Улуу Британия ханзаадасы Эндрю, герцог Йоркский деп тааныштырган. Кеңсебизде ушундай инсандар менен кол алышып калабыз.

— Зарема, мындай деңгээлге кантип жеттиңиз? Билимди кайдан алдыңыз? Океан аркасына кантип барып калдыңыз?

— Кичине кезимден эле англис тилине кызыгып, 5 жашымдан окуп баштагам. Англия же Америкада билим алууну кыялданчумун. Тилекке каршы, чоң апам ооруп калып, айылга көчүүгө туура келген. Каракол шаарындагы сүйүктүү Ленин мектебимди аргасыз таштап, айылда окуп калдым. Англис тили мугалимимдин каталарын да тууралап жүрчүмүн, бара-бара унутта калды. Жаштын тилегин берет экен, студент кезде жолдошум менен таанышып, үй-бүлө куруп, Америкада туруп калдык.

Аналитик компании Facebook из Кыргызстана Зарема Асанбекова
© Фото / предоставлено Заремой Асанбековой
Зарема Асанбекова: журналистика боюнча билим алып жаткам, бирок акыркы курсту аяктай албай калдым. Америкага келгени баары башкача болду. Журналистика менен кетейин десем, кайра баарын баштан окуп чыгыш керек эле

— Америкада иш таба алгыдай жаңы кесипти өздөштүрүү кыйынга турган жокпу? Өз кесибиңиз кайсы эле?

— Журналистика боюнча билим алып жаткам, бирок акыркы курсту аяктай албай калдым. Америкага келгени баары башкача болду. Журналистика менен кетейин десем, кайра баарын баштан окуп чыгыш керек эле. Тилден да бир аз кыйналдым. Эмне менен алектенип, кайсы жактан баштарымды билбей турганда жолдошум "Силикондук аймакка келген соң, технологиялык тармактарды караштыр", – деп сунуштады. Үч айлык курстар бар экен бул багытта. Программа текшерүүчү компьютердик курсту аяктадым. Азыр баары оңой болгондой сезилет. Бирок канча деген уйкусуз түндөр, сабакты таптакыр түшүнбөй кыйналган күндөрүм болду.

— Кыргызстанда программисттикке көбүнесе жигиттер кызыгат. Сизди бул чөйрө кандай кабыл алды?

Дүйнөдөгү эң ири IT компанияларда иштеген кыргызстандык Акжол Абдухалиев. Архив
предоставлено Акжолом Абдухалиевым
— Ооба, Кыргызстанда тилекке каршы, айрым кесиптер кыздардыкы же балдардыкы деп билинбестен эле бөлүнүп калат. Бул жакта кыз-эркекке бирдей мамиле жасалат. Тескерисинче, кыздарды көбүрөөк алганга аракет кылышат. Ошондуктан, эч кандай өзгөчөлүктөрдү сезген жокмун. Үч айлык курстан үйрөнгөндөрүмдү алгач Aeria games деген компьютер жана телефонго оюн чыгарган компанияда бекемдедим.

— Угушубузда, Калифорниядагы кыргыздардын башын бириктирген уюмда да активдүү экенсиз. Канча кыргыз бар, катышыңыздар кандай?

— Калифорнияга адеп келгенде кыргыздарды көргүм келип, кайдан издеримди билбедим. Же сайты жок, же уюму жок… Жогоруда айткан курстан бир кыргыз эже менен таанышып калдым. Кыргыздар бул аймакта көп экендигин айтты. Мендей жаңы келген кыргыздарда Калифорния жөнүндө маалымат жок, колдоо жок, абдан кыйналышат. Ошондуктан, Facebook социалдык тармагында "Калифорниядагы кыргызстандыктардын коомчулугу" (Kyrgyz community in California) деген топ ачтым. Бир күн өтпөй жүз киши кошулду, ал эми азыр миңден ашуун мүчөсү бар. Баарлашып, бири-бирибизге жардам берип турабыз. Жылда Нооруз, Эгемендүүлүк күнүндө чогулабыз. Кыргызстанды америкалыктарга тааныштыруу үчүн эки жыл интернационалдык фестивалдарга катыштык. Абдан сонун өттү. Купертино шаарынын мэри келип, Кыргызстан боюнча сурап, кызыгуусун билдирди. Фестивалга кыргыз буюмдарын Калифорниядагы бүт кыргыздар жалпылап топтогон элек биринчи жылы. Буюрса, кийинки жылдары Кыргызстандан боз үй алып келсек деген максатыбыз бар.

Аналитик компании Facebook из Кыргызстана Зарема Асанбекова
© Фото / предоставлено Заремой Асанбековой
Зарема Асанбекова: азыр Интернеттин жардамы менен материалдарды топтосок болот. Бирок, "Манас", тарых жана адабият китептери болсо, сонун болот эле…

— Санфранцисколук кыргыздардын балдарына кыргыз тилинен сабак да уюштурганыңыздан кабардарбыз. Буга суроо-талап күчпү?

— Ноорузга даярданып жатканда ата-энелерине чалып, уул-кыздарынын ырдап беришин сурансам, "кыргызча билбейт" деген жооп алып жаттым. Ошондон улам балдар эне тилин билсин, эл-жери жөнүндө көптү үйрөнсүн деп сабак өтүүнү чечтим. Беш окуучум бар эле, бир кызым башка штатка көчүп кетти. Кетерде кучактап алып аябай ыйлап: "Скайп менен чалып туруңуз", — деп узады. Окуучуларым сабакка ашыгып, ата-энелерин шаштырып атып келишет. Алар менен иштөө — өзүнчө эле чоң бакыт. Эч кандай татаалдыгы жок.

— Тил үйрөтүү боюнча китеп маселесин кантип чечип жатасыздар?

— Бул жактагы кыргыздардан чогултуп жатам. Дагы жакшы, азыр Интернеттин жардамы менен материалдарды топтосок болот. Бирок, "Манас", тарых жана адабият китептери болсо, сонун болот эле…

— Балдардын кызыгуусу кандай?

— Тамга таанып, окуп калышты. Ишемби күнүн чыдамсыздык менен күтүшөт. Быйылкы интернационалдык фестивалда кыргыз бийин бийлешти. Хореограф кызыбыз да дилгирлик менен кыргыз бийин балдарга үйрөттү.

Аналитик компании Facebook из Кыргызстана Зарема Асанбекова
© Фото / предоставлено Заремой Асанбековой
Зарема Асанбекова: Кыргызстанда болуп жаткан той-аштар өтө эле ысыраптуу. Бир тойго барыш үчүн бир айлык маянасын беришет. Карыз алып той өткөрүшөт. Кээде кантип жан багып жатышат деп таң калам

— Кыргызстандагы окуяларга көз салат чыгарсыз…

— Албетте, дайым кабар алып турам. Жакшы саамалыктар болсо, кубанам. Жаман болсо өтө кайгырам. Кыргызстанда болуп жаткан той-аштар өтө эле ысыраптуу. Бир тойго барыш үчүн бир айлык маянасын беришет. Карыз алып той өткөрүшөт. Кээде кантип жан багып жатышат деп таң калам. Эгер Америка да Кыргызстандагыдай тойлосо, эчак эле кедей мамлекеттердин катарына кирмек… Тойго кеткен каражатты балдардын келечеги үчүн сарптасак, алардын бул турмуштан бекем орун алышына кам көргөн болор элек.

— Facebook тармагынын активдүү колдонуучуларына башкы кеңседен кандай тилек, кандай каалоо айтар элеңиз?

— Эң негизгиси, тил үйрөнөлү, кесипти туура тандайлы. Эгер максатыбыз болсо, эч бир тоскоолго карабай, жетүүгө умтулалы. Эч качан эч нерсеге кеч эмес. Кыргыздын канга сиңген системасын бузуш керек. Биринчиден, кайсы тармакта окууну билбей туруп, мектепти бүтөр замат окуу жайга тапшырышат. 4-5 жылды текке кетирип окуп, дипломду колго алган соң деле ар кандай иштерде жүрүшөт. 

Алардын эң чоң катасы – кесипти туура эмес тандаганы. Экинчиден, "кыздын барар жери – күйөө" дегенди кыздар өтө эле эрте түшүнүп, карьералык келечегине балта чабышат. Күйөө табылат, бирок убакыт табылбайт. Андан көрө, адегенде билимге умтулуу зарыл.

Үчүнчүдөн, курактык чек. 25-30 жаштан өтүп калса, Кыргызстанда "И-ий мен карыдым, эми мага окуганга кеч" дешет. Эч качан кеч эмес! Америкада жада калса 60тан өткөндөр да билим алууга чоң окуу жайларына барышат. Эгер ошол системаны бузсак, бизде сыймыктанчу кесипкөйлөр көп болот эле. Ошондойлордон бололу!

11370
Белгилер:
АКШ, Сан-Франциско, Зарема Асанбекова, Facebook, кыргызстандыктар
Тема боюнча
Прима-балерина Айдарова: көпөлөктөй болуп эле жыргап бийлеп жүрөт деп ойлошот
Назбек менен Нурайым: бизди чыгармачылыктагы жылуу сезимдер бириктирди

Кыргыздардын тунгуч блокбастери. "Буктурма" тасмасындагы кызыктуу ирмемдер

25
  • Басмачылардын башчысынын ролун аткарган белгилүү актёр Салават Исхаков
  • Кинокартина тоолуу аймакта, республиканын булуң-бурчунда тартылган
  • Киночуларды башкарган кинорежиссёр
  • Буктурмада өткөн кылымдын 20-жылдарындагы коомдук саясий абал экрандаштырылган
  • Кинофильмде Геннадий Базаров өзбек чекисттин образын жараткан
  •  Жан-жөкөрлөрүн ээрчитип алган басмачылардын башчысы Бостонкул
  • Тасмада курал-жарак, каармандардын мушташын, атышканын көрүүгө болот
  • Операторлук милдетти Валерий Виленский аткарган
  • Бийик тоолуу аймакта кызуу иштеген киночулар
  • Атчан актёрлор Николай Дупак менен Игорь Ледогоров
  • Буктурма фильми Базаровдун Саманчынын жолунан кийинки ири эмгеги болгон
  • Киношедевр 1970-жылы СССР боюнча көп көрүүчүлөрдү өзүнө тарткан тасма аталган
КРдин эл артисти, белгилүү режиссёр Геннадий Базаров 1969-жылы "Буктурма" тасмасын тарткан. Ал эмгек ата мекендик кинематографиянын тарыхында жаралган биринчи блокбастер болгон.

"Буктурма" фильминин сценарийин Хасан Булатов, Герасим Дегальцев, Асан Шершенов жазган. Тасмада өткөн кылымдын 20-жылдарындагы өлкөдөгү коомдук-саясий абал баяндалат. Анын режиссёру Геннадий Базаров болуп, операторлук милдетти Валерий Виленский аткарган. Совет бийлиги менен басмачылардын тиреши, чек арачылардын оор иши көрсөтүлөт.

Базаровдун ал фильми кыргыз киночулары жараткан блокбастер жанрындагы биринчи эмгек болчу. Анда Игорь Ледогоров, Салават Исхаков, Владимир Балон, Афанасий Кочетков, Николай Дупак, Медел Маниязов, Леонид Ясиновский, Ашыралы Боталиев, Абдыашым Көбөгөнов, Иван Кузнецов роль жараткан.

СССРде кинокартинанын популярдуулугу артып, көп көрүүчүлөрдү өзүнө тарткан тасмалардын сап башына чыгып, мамлекетке бир топ киреше алып келген.

"Кыргыз керемети" жөнүндө кызыктуу материалды Sputnik Кыргызстандын материалынан окуңуздар.

25
  • Басмачылардын башчысынын ролун аткарган белгилүү актёр Салават Исхаков
    © Sputnik / Александр Федоров

    Басмачылардын башчысынын ролун аткарган белгилүү актёр Салават Исхаков

  • Кинокартина тоолуу аймакта, республиканын булуң-бурчунда тартылган
    © Sputnik / Александр Федоров

    Кинокартина тоолуу аймакта, республиканын булуң-бурчунда тартылган

  • Киночуларды башкарган кинорежиссёр
    © Sputnik / Александр Федоров

    Киночуларды башкарган кинорежиссёр

  • Буктурмада өткөн кылымдын 20-жылдарындагы коомдук саясий абал экрандаштырылган
    © Sputnik / Александр Федоров

    "Буктурмада" өткөн кылымдын 20-жылдарындагы коомдук саясий абал экрандаштырылган

  • Кинофильмде Геннадий Базаров өзбек чекисттин образын жараткан
    © Sputnik / Александр Федоров

    Кинофильмде Геннадий Базаров өзбек чекисттин образын жараткан

  •  Жан-жөкөрлөрүн ээрчитип алган басмачылардын башчысы Бостонкул
    © Sputnik / Александр Федоров

    Жан-жөкөрлөрүн ээрчитип алган басмачылардын башчысы Бостонкул

  • Тасмада курал-жарак, каармандардын мушташын, атышканын көрүүгө болот
    © Sputnik / Александр Федоров

    Тасмада курал-жарак, каармандардын мушташын, атышканын көрүүгө болот

  • Операторлук милдетти Валерий Виленский аткарган
    © Sputnik / Александр Федоров

    Операторлук милдетти Валерий Виленский аткарган

  • Бийик тоолуу аймакта кызуу иштеген киночулар
    © Sputnik / Александр Федоров

    Бийик тоолуу аймакта кызуу иштеген киночулар

  • Атчан актёрлор Николай Дупак менен Игорь Ледогоров
    © Sputnik / Александр Федоров

    Атчан актёрлор Николай Дупак менен Игорь Ледогоров

  • Буктурма фильми Базаровдун Саманчынын жолунан кийинки ири эмгеги болгон
    © Sputnik / Александр Федоров

    "Буктурма" фильми Базаровдун "Саманчынын жолунан" кийинки ири эмгеги болгон

  • Киношедевр 1970-жылы СССР боюнча көп көрүүчүлөрдү өзүнө тарткан тасма аталган
    © Sputnik / Александр Федоров

    Киношедевр 1970-жылы СССР боюнча көп көрүүчүлөрдү өзүнө тарткан тасма аталган

Белгилер:
режиссер, Геннадий Базаров, сүрөт, тасма, кино тасма
Тема боюнча
Кыргыз киносунун багын ачкан чолпон жылдыздар. Генийлердин сүрөттөрү
Согушка жибербей коюшкан. Турдакун Усубалиевдин сүрөттө калган элеси
Өз киндигин өзү кесип жетилген. Исхак Раззаковдун сүрөттө калган ирмемдери
Шаарга таң калган эки кемпир. "Лифти бар үйдөгү тепкичтер" тасмасынан ирмемдер
3-жашар манасчыМанас эпосунун күнүндө

Үч жашар бала "Манас" айтып... Эпостун күнүнө арналган иш-чарадан сүрөттөр

67
(жаңыланган 17:14 04.12.2021)
Иш-чарага катышкан мамлекеттик катчы Сүйүнбек Касмамбетов өзү манасчынын уулу экенине сыймыктанарын айтып, табият берген талантты багып, аны аздектеп сактоого чакырган.

БИШКЕК, 4-дек. — Sputnik. Бүгүн, 4-декабрда, "Манас" эпосунун күнү улуттук филармонияда салтанаттуу түрдө белгиленди. Бул тууралуу Маданият, маалымат, спорт жана жаштар саясаты министрлиги кабарлады.

Иш-чара белгилүү манасчылар Назаркул Сейдракмановдун 70 жылдыгына жана Талантаалы Бакчиевдин 50 жылдыгына арналды.

  • В Национальной филармонии в Бишкеке торжественно отметили День эпоса Манас. 4 декабря 2021 года
    Бүгүн, 4-декабрда, "Манас" эпосунун күнү улуттук филармонияда салтанаттуу түрдө белгиленди.
    © Фото / пресс-служба Министерства культуры, информации, спорта и молодежной политики КР
  • В Национальной филармонии в Бишкеке торжественно отметили День эпоса Манас. 4 декабря 2021 года
    Ошондой эле "Манас", "Семетей", "Сейтек" жана башка эпостордун жаңы чыккан китептеринин көргөзмөсү жана сүрөт көргөзмөсү сунушталган.
    © Фото / пресс-служба Министерства культуры, информации, спорта и молодежной политики КР
  • В Национальной филармонии в Бишкеке торжественно отметили День эпоса Манас. 4 декабря 2021 года
    Ага мамлекеттик катчы Сүйүнбек Касмамбетов, маданият министри Азамат Жаманкулов, ошондой эле белгилүү коомдук жана маданий ишмерлер, манасчылар жана кеңири коомчулук катышты.
    © Фото / пресс-служба Министерства культуры, информации, спорта и молодежной политики КР
  • В Национальной филармонии в Бишкеке торжественно отметили День эпоса Манас. 4 декабря 2021 года
    Майрамдык салтанат манасчылар катышкан концерттик программа менен коштолгон.
    © Фото / пресс-служба Министерства культуры, информации, спорта и молодежной политики КР
  • В Национальной филармонии в Бишкеке торжественно отметили День эпоса Манас. 4 декабря 2021 года
    Мамлекеттик катчы Сүйүнбек Касмамбетов өзү манасчынын уулу экенине сыймыктанарын айтып, табият берген талантты багып, аны аздектеп сактоого чакырды.
    © Фото / пресс-служба Министерства культуры, информации, спорта и молодежной политики КР
  • В Национальной филармонии в Бишкеке торжественно отметили День эпоса Манас. 4 декабря 2021 года
    Майрамдык салтанат манасчылар катышкан концерттик программа менен коштолгон.
    © Фото / пресс-служба Министерства культуры, информации, спорта и молодежной политики КР
  • В Национальной филармонии в Бишкеке торжественно отметили День эпоса Манас. 4 декабря 2021 года
    Майрамдык салтанат манасчылар катышкан концерттик программа менен коштолгон.
    © Фото / пресс-служба Министерства культуры, информации, спорта и молодежной политики КР
  • В Национальной филармонии в Бишкеке торжественно отметили День эпоса Манас. 4 декабря 2021 года
    Мындан сырткары, "Манас" айтсак кулак бүтөт ташка дагы, манасчылар өнөргө бай башка дагы" аталышындагы пролог да көрсөтүлгөн.
    © Фото / пресс-служба Министерства культуры, информации, спорта и молодежной политики КР
1 / 8
© Фото / пресс-служба Министерства культуры, информации, спорта и молодежной политики КР
Бүгүн, 4-декабрда, "Манас" эпосунун күнү улуттук филармонияда салтанаттуу түрдө белгиленди.

Ага мамлекеттик катчы Сүйүнбек Касмамбетов, маданият министри Азамат Жаманкулов, ошондой эле белгилүү коомдук жана маданий ишмерлер, манасчылар жана кеңири коомчулук катышты.

Министр Жаманкулов дүйнө жүзүндө элдик оозеки чыгармалардын эң көлөмдүүсү катары таанылган даңазалуу эпостун атагы алыска кетип, улуттун сыймыгына айлангандыгы тууралуу кайрылуу жасаган.

Мамлекеттик катчы Сүйүнбек Касмамбетов өзү манасчынын уулу экенине сыймыктанарын айтып, табият берген талантты багып, аны аздектеп сактоого чакырды.

"Улут өзүнүн өзгөчөлүгүн ушундай кайталангыс бай маданияты жана мурасы менен сыймыктана алат. Уучубуз куру эмес экенине күбө болдум. Үч жашар баладан тарта "Манас" айтканын көрүп, баарыбыз кубанып, жүрөгүбүз элжиреп турат. "Манасты" сактоого жана даңазалоого бардык аракеттерибизди бирге жумшайлы", — деди Касмамбетов.

Майрамдык салтанат манасчылар катышкан концерттик программа менен коштолгон. Ошондой эле "Манас", "Семетей", "Сейтек" жана башка эпостордун жаңы чыккан китептеринин көргөзмөсү жана сүрөт көргөзмөсү сунушталган. Мындан сырткары, "Манас" айтсак кулак бүтөт ташка дагы, манасчылар өнөргө бай башка дагы" аталышындагы пролог да көрсөтүлгөн.

Иш-чаранын жүрүшүндө манасчыларга президенттин жана министрлер кабинетинин энчилүү сааттары жана ыраазычылык каты тапшырылган.

67
Белгилер:
Азамат Жаманкулов, Манас, маданият, манасчы, иш-чара
Тема боюнча
"Манас" айтсак кулак бүтөт ташка да... Эпостун күнүнө карата иш-чара өтөт
Дарбазачыга гол кирип атат. Иллюстративдик сүрөт

Египетте гол киргенине катуу сүйүнгөн машыктыруучунун жүрөгү кармап каза болду

0
(жаңыланган 18:55 04.12.2021)
Көз жумган машыктыруучунун командасы чечүүчү голду киргизген. Клуб алты күндүк аза күтүү жарыялап, машыгуулар менен оюндарды жылдырган.

БИШКЕК, 4-дек. — Sputnik. Египетте гол киргенине катуу сүйүнгөн башкы машыктыруучунун жүрөгү кармап көз жумду. Бул тууралуу Gulf News басылмасы жазды. 

Посмотреть эту публикацию в Instagram

Публикация от نادي المجد السكندري (@almagdsportsclub)

Окуя Египеттин экинчи дивизионунун оюндарында болгон. "Аль-Мадж" клубу мелдештин 93-мүнөтүндө чечүүчү топту киргизип, оюнчулар менен машыктыруучулук штаб жеңишти майрамдаган. Бөтөнчө клубдун башкы машыктыруучусу Эль-Сельхедар маңдайы жарыла сүйүнгөн.

Оюн кайрадан уланган, көрүүчүлөрдүн көңүлүн эси ооп жыгылган машыктыруучу бурган. Ал жактагы медиктер көмөктөшүп, андан кийин Тез жардам кызматын чакырганы менен ооруканага жетпей көз жумган. Дарыгерлер жүрөгү токтоп калганын айтышкан. Ал 53 жашта болгон.

Клуб алты күндүк аза күтүү жарыялаган. Команда машыгууларын токтотуп, оюндарды жылдырган.

0
Белгилер:
Египет, футбол, оюн, машыктыруучу, өлүм
Тема боюнча
Нидерландда футбол фанаттары турган трибуна оюн учурунда урап түштү. Видео