Мүрзө. Архив

Ак-Сууда жерге берүүдө чыр чыккан жаранды айылдан алысыраак жерге көмүү каралууда

329
(жаңыланган 16:49 22.10.2016)
Дин жаатындагы адамдар башка диндегилер көз жумса мусулмандардын мүрзөсүнөн жаа атым алыс жерге коюлушу шарт деп түшүндүрүшкөн.

БИШКЕК, 22-окт. — Sputnik. Ысык-Көл облусунун Ак-Суу районундагы Теплоключенко айылында башка динди тутунган аялдын сөөгү аталган аймактагы мусулмандар көмүлгөн мүрзөдөн эки чакырым алысыраак аймакка коюу каралууда. Бул туурасында Ак-Суу районунун акими Жолдошбек Байсейитов билдирди.

Кечээ Ысык-Көл облусунун Ак-Суу районундагы Теплоключенко айылында башка динди тутунган аял каза болгон. Анын сөөгүн мусулмандар мүрзөсүнө көмүүгө мусулманчылыкты кармаган айылдыктар каршы чыкканын облустун казысы Алмаз Сагындыков билдирген. 

"Бул жердеги мечиттеги имамдар менен сүйлөшүп көрсөк, жаа атым алыс жерге коюлушу керек деп айтылат экен. Бул 500 метр аралык деген түшүнүк. Биз эки чакырым алыстыктагы жерди көрсөттүк. Коммиссия түзүп, айылдын жер боюнча адистери, мечиттин молдолору жана маркумдун туугандары учурда ал жакка кетти", — деп билдирди аким Байсейитов.

Аким ал жергиликтүү жаран болгондуктан, ошол аймакка көмүүгө эл каршы чыкпайт деп ишенип турганын айтты.

"Өзүбүздүн кыз болгондон кийин, эл деле туура түшүнөт. Ал ушул жерге эле коюлат", — деди аким.

Буга чейинки жалпыга маалымдоо каражаттарына чыккан маалыматта ал аял баптиксттик агымга мүчө болгондугу айтылган.

Буга чейин да кыргыз айылдарында башка динди тутунган адамдарды жерге берүүдө бул сыяктуу көрүнүш жакында эле Жалал-Абад облусунун Ала-Бука районунда кездешкен.

Жалал-Абад облусунун Ала-Бука районундагы Сары-Таш айылында 13-октябрда христианчылыктын баптист агымын карманган 76 жаштагы кемпир каза болгон. Анын сөөгүн жергиликтүү тургундар айылдагы мүрзөгө койдурбай коюшкан. Бир топ талаш-тартыштан кийин маркумдун сөөгү Өрүктү айылында жерге берилген. Бирок бул айылдын да жашоочулары нааразычылык көрсөткөндө каза болгон жарандын туугандары сөөктү казып алышкан. Ошентип жергиликтүү бийликтин кийлигишүүсү менен 17-октябрда маркум Ала-Бука районундагы башка жерге үчүнчү жолу жашырылган.

329
Белгилер:
дин, мүрзө, өлүм, Ак-Суу
Тема боюнча
Ысык-Көлдө башка динди тутунган аялдын сөөгүн жерге берүүдө айылдыктар каршы чыкты
Ала-Бука: башка диндеги кемпир элдин каршылыгынан мүрзөгө үч жолу көмүлдү
Жайлоо. Архив

Прокуратура: Ысык-Көлдөгү менчиктелип кеткен жайыт мамлекетке кайтарылды

13
(жаңыланган 12:13 14.05.2021)
2015-жылдын жай айларында жайыт катары эсептелген 3 086 000 сомдук жер райондук соттун чечими менен менчикке өтүп кеткен.

БИШКЕК, 14-май — Sputnik. Ысык-Көл облустук прокуратурасы менчикке өтүп кеткен 3,48 гектар жерди аныктап чыгып, аны кайра мамлекетке кайтарды. Бул туурасында Башкы прокуратуранын маалымат кызматынан кабарлашты.

"Ысык-Көл райондук сотунун чечими менен 2015-жылдын жай айларында жайыт катары эсептелген 3 086 000 сомдук жер К.А. аттуу жарандын менчигине мыйзамсыз берилип кеткен. Прокурордук текшерүүнүн жүрүшүндө бул фактылар ачыкка чыкты", — деп айтылат маалыматта.

3,48 гектар жайытты мамлекетке кайтарып бериш үчүн Ысык-Көл облустук прокуратурасы доо арыз менен облустук сотко кайрылган. Апелляциялык инстанциядагы сот прокурордук чара көрүү актысын толугу менен канааттандырган. Анын натайжасында кыймылсыз мүлк мамлекеттин карамагына өткөрүлгөн.

13
Белгилер:
менчиктештирүү, чечим, жер, сот, прокуратура, Ысык-Көл району, Кыргызстан
Тема боюнча
Прокуратура: Таластагы жайыт, Нарындагы жер тилке мамлекетке кайтарылды
Профилактика иштерин жасап жаткан сантехник. Архив

Бишкекте ысык суу өчкөндөн кийин кандай иштерди жасап алуу керек

13
(жаңыланган 12:01 14.05.2021)
Бишкекте 17-майдан баштап бир айга ысык суу өчүрүлөт. Буга байланыштуу көп кабаттуу үйлөрдүн жашоочуларына көйгөйлөрдү алдын алуу иштерин жүргүзүп алуу сунушталды.

БИШКЕК, 14-май — Sputnik. Борбор калаада ысык суу өчкөн маалда бир нече профилактикалык иштерди жасап алуу керектигин "Бишкек жылуулук тармагы" ишканасы айтып берди.

Эске сала кетсек, Бишкекте 17-майдан баштап бир айга ысык суу өчүрүлөт. Бул убакыт аралыгында суу түтүктөрү пландуу оңдоодон өткөрүлүп, күз-кыш мезгилине даярдык көрүлөт.

Буга байланыштуу көп кабаттуу үйлөрдүн жашоочуларына ар кандай көйгөйлөрдү алдын алуу иштерин жүргүзүп алуу сунушталды:

  • түтүк ылдый жактан келген көп кабаттуу үйлөр жогорку жактан аба чыгара турчу шаймандарды орнотуусу зарыл;
  • жылуулукту жакшы өткөрүү үчүн кирдеп толуп калган эски батареяларды жууп же алмаштыруу керек;
  • ошондой эле ысык менен муздак сууну аралаштырып берген крандарды оңдоп алуу туура;
  • ысык суу берилерде суу агып кетпеш үчүн "Аристон" сыяктуу суу жылытуучу каражаттарды өчүрүп коюу зарыл;
  • айнектерди жана сырткы эшиктерди жылуулап алуу керек.

Суроолор боюнча "Бишкек жылуулук тармагы" ишканасынын 1980, (0312) 611 169, 0557 611166, 0777611166 жана 0701 611166 номерине чалууга болот.

13
Белгилер:
ысык суу, ишкана, Бишкек жылуулук тармагы, Бишкек
Тема боюнча
Ошто таза суу көйгөйүн чечүү үчүн жаңы долбоор каралууда
Бишкекте ысык суу качан өчүрүлөрү белгилүү болду

Футбол боюнча Европа чемпионатынын расмий ыры жаңырды. Видеоклип

0
(жаңыланган 12:18 14.05.2021)
Чемпионаттын расмий ырын голландиялык ди-джей Мартин Гаррикс, ошондой эле Ирландиянын U2 Bono жана The Edge рок тобунун мүчөлөрү аткарышты.

Трек We are the people ("Биз — элбиз") деп аталат.

"Жаңы ырымды (Боно жана Эдже катышкан) тартуулай турчу да күн келди. Ал быйылкы жылы өтүүчү футбол боюнча EURO турниринин расмий ыры болот", — деген Гаррикс.

2020-жылга белгиленген Европа чемпионаты коронавирус пандемиясынан улам 2021-жылдын жай айына жылдырылган болчу.

Европа биринчилигин 11-июндан тарта 11-июлга чейин континенттеги 11 шаарда өткөрүү пландалган. Ал үчүн Санкт-Петербург (Россия), Лондон (Англия), Севилья (Испания), Мюнхен Германия), Баку (Азербайжан), Рим (Италия), Бухарест (Румыния), Копенгаген (Дания), Амстердам (Нидерланддар), Глазго (Шотландия) жана Будапешт (Венгрия) шаарлары тандалган.

0
Белгилер:
клип, мелдеш, Европа чемпионаты, футбол
Тема боюнча
Кыргызстандык дзюдочу кыздар Азия кубогунда намыс талашат