Кайгуул кызматкеринин архивдик сүрөтү

Кыргызстандын эр жүрөк МАИчилери

368
(жаңыланган 17:19 01.11.2016)
Бул адамдар чындыгында Кыргызстанда жашайт жана алардын жасаган эрдиктери менен жол коопсуздук кызматы сыймыктанат деген ишеничтебиз.

БИШКЕК, 1-ноя.— Sputnik. Көпчүлүк учурда Кыргызстанда кайгуул кызматынын өкүлдөрүнө бир жактуу мамиле жасалат. Анын ичинде МАИ кызматкерлери да бар. Кээсинин айрым кылык-жоруктары эл оозуна бат эле алынып, көпчүлүктүн кыжырын келтирет.

Бирок Sputnik милиция кызматкерлеринин күнүнө карата өз кызматында жакшы жагы менен айырмаланган, жада калса баатыр деген наамга татыктуу болгон кызматкерлерди тизмектеп чыгууну туура көрдү.

Өжөр "жөргөмүш адам"

Бактыбек Сакиев өлкөгө чынчыл жана туруктуу инспектор катары эмес, жумушунда да өжөрлүк мүнөзү менен айырмаланат. Кайгуул кызматынын өкүлү жол эрежесин бузган адамдын капотуна жабышып бир топ жерге чейин түшпөй барган. Анын мындай жоругу видеого түшүп миңдеген интернет колдонуучулардын назарына түшкөн.

© Sputnik / Эркин Алымбеков
Жол кайгуул кызматынын ак иштеген инспектору айлыкка кантип жашаса бол

Мүнөзү уялчаак жана жөнөкөй Сакиев кесиптештерине үлгү боло алды. Бирок каарман өзүн өзгөчө адам деп ойлобойт. Аны айдоочулар азыркыга чейин таанып, сүрөткө түшүп алууну өтүнүшөт. Мындай ата-даңкка карабай Сакиевдин айлык маянасы мурдагыдай эле 10 миң сом.

Отко күйбөйгөн, сууга чөкпөй…

Президенттик аппараттын жетекчиси Фарид Ниязовдун архивдик сүрөту
© Пресс-служба президента КР / Султан Досалиев
Өрт өчүрүү маалында милициянын сержанты Кубанычбек Белеков жана старшина Азамат Шайымканов өрттөнүп жаткан имараттан 25 адамды аман алып калышкан. Баары сыртка чыгарылган убакта имараттын төртүнчү кабатында үч кыз калып калган. Өрттөн улам эшикти кыздар өздөрү да, милиция кызматкерлери да ача албай койгон. Жыйынтыгында каалганы эптеп ачып кыздарды алып чыгышкан. Тилсиз жоодон 14 адам ооруканага жеткирилип, куткаргандар да газга ууланып ооруканага жатышкан.

Төрөт кабыл алган "кайгуулчу"

Жол кайгуул кызматкерлеринин айта берсе окуялары бир топ эле. Алардын дагы бири — "төрөт кабыл алган кайгуулчу". Жол кырсыгынан жабыркаган кош бойлуу аялдын толгоосу келип, инспектор Исламбек Эгембердиев келинге жардам берген. Жыйынтыгында жарык дүйнөгө кичинекей кыз жаралып, жылуу жалаякка оролуп апасы менен ооруканага жеткирилген. Азыр ал кыз беш жашка толду. Учурда милиция кызматкери бул үй-бүлө менен тыгыз байланышта.

Эр жүрөк баатырлар 

Чүй облусунун кайгуул кызматкерлери Нооруз айылындагы №50 абактан качкан беш кылмышкерди кармашкан. Кылмышкерлер жаза аткаруу бөлүмүнүн үч кызматкерин өлтүрүп, бирөөсүн оор жарадар кылган. Бирок ал көп узабай ооруканадан каза болгон.

пресс-служба МВД КР
Милиция кызматкери Бакиев: кылмышкерлерди түнкү бир жарымдар чамасында кармадык

Кайгуул кызматкерлери Мирлан Бакиев жана Марат Курманалиев качкан адамдар тууралуу маалымат алган соң, сүрөттөп берген унааны байкап токтотушкан. Бирок айдоочу унааны токтотпой, тескеринче, кылмышкерлер тапанча менен атып туш тарапка качып кетишкен. Ошол учурда кайгуул кызматкерлерине атайын топ жардамга келген. Түрмөдөн качкан тогуз адамдын бешөө кармалып, калганы качып кетүүгө үлгүргөн. Качкан адамдарды изине түшкөн милиция кызматкерлери алардын кандай кылмышкер экенин да билишкен эмес. 

Маданияттуу МАИчи

"Чыгыш-5" кичи районунда милиция кызматкери улгайып калган кемпирди жолдон өткөргөн. Бул учурду Facebook социалдык тармагынын колдонуучуларынын бири сүрөткө тартып салып койгон. Көптөгөн интернет колдоочулары бул жаңылык менен бөлүшүп кесиптештерине үлгү болсун деген билдирүүлөрүн жазган.

368
Белгилер:
Кыргызстан, Жол кайгуул кызматы, баатыр
Тема боюнча
Кемпирди жолдон жетелеп өткөргөн милиционер көпчүлүктүн алкоосуна арзыды
"Тез жардамга" Бишкектин айдоочулары жол бошотобу
Аткаминерлер. Архив

Бишкектин мэринин милдетин аткаруучу өзүнө кеңешчи жана аппарат башчысын дайындады

3
Жаңы дайындалган аппарат жетекчи буга чейин өкмөттүн Талас облусундагы ыйгарым укуктуу өкүлүнүн аппаратынын жетекчиси, Экологиялык жана техникалык коопсуздук боюнча мамлекеттик инспекциясынын директору болуп иштеген.

БИШКЕК, 4-авг. — Sputnik. Бишкек мэриясында кадрдык өзгөрүүлөр болуп, эки кызматка жаңы адамдар келди.

Муниципалитеттин маалымат кызматы билдиргендей, Мырзабек Жыпаркулов борбордук аппараттын жетекчиси болуп дайындалды. Буга чейин ал өкмөттүн Талас облусундагы ыйгарым укуктуу өкүлүнүн аппаратынын жетекчиси, Экологиялык жана техникалык коопсуздук боюнча мамлекеттик инспекциясынын директору болуп иштеген. Аппараттын жаңы башчысы Талас облусунун тургуну.

Ал эми Бишкек шаарынын мэринин кеңешчиси болуп Азамат Абсаттаров дайындалды. Буга чейин ал Ош шаарынын мэринин маалымат катчысы эле.

Тиешелүү буйруктарга борбор калаанын мэринин милдетин аткаруучу Таалайбек Сарыбашов кол койгон.

3
Белгилер:
Бишкек, мэр, кеңешчи, аппарат, жетекчи
Жаан жаап жаткан учурда. Архив

Бейшембиге карата аба ырайы

3
5-августтан 8-августка чейин республиканын тоолуу жана тоо этектериндеги райондорунда өзгөрүлмөлүү аба ырайына жана күтүлүп жаткан нөшөрлүү жаан-чачынга байланыштуу сел жүрүшү мүмкүн.

БИШКЕК, 4-авг. — Sputnik. Кыргызстанда күн эртең 37 градуска чейин ысыйт. Ал эми бейшембиге караган түнү жаан-чачын жаабайт, күндүз тоолуу райондордо өткүн өтүп, күн күркүрөйт. Бул тууралуу Кыргызгидромет билдирди.

Бейшембиге караган түнү жаан-чачын болбойт, ал эми күндүз тоолуу райондордо өткүн өтүп, күн күркүрөйт. Дыйканчылык аймактарда күн ачык болот. Абанын температурасы Чүй облусунда +31...+36, Таласта +28...+33, Ош, Жалал-Абад жана Баткен аймактарында +32...+37, Ысык-Көлдө +24...+29, Нарын өрөөнүндө +22...+27 градус ысыйт.

Борбор калаада жаан-чачын жаабайт. Термометр Бишкекте +33...+35, Ош шаарында +35...+37, Чолпон-Атада +24...+26 градусту көрсөтүп турат.

Батыштан соккон шамалдын ылдамдыгы секундасына 4-9 метрге жетет.

3
Белгилер:
аба ырайы, Кыргызстан, август
Тема боюнча
Балыкчы — Барскоон жолун оңдоо башталды. Аны "Кумтөр" компаниясы каржылайт
Күн салкындайбы? Бир жумага карата аба ырайы