Муфтий Максатбек ажы Токтомушевдин архивдик сүрөтү

Муфтий Чолпон-Ата шаарындагы мечиттин ачылышына катышты

145
(жаңыланган 20:01 05.11.2016)
Азирети муфтий Токтомушев "Газпром" тарабынан курулган спорт комплексинде жаштар арасында өтүп жаткан Кыргызстандын дзюдо боюнча биринчилигинин ачылыш салтанатында сөз сүйлөдү.

БИШКЕК, 5-ноя. — Sputnik. Муфтий Максатбек ажы Токтомушев Ысык-Көл облусунун Чолпон-Ата шаарындагы "Мухаммед Абделфатах Аль Маданий" мечитинин ачылыш салтанатына катышты. Бул тууралуу муфтияттын маалымат кызматы билдирди.

Азирети муфтий Токтомушев Чолпон-Ата шаарына болгон иш сапарынын алкагында "Газпром" тарабынан курулган спорт комплексинде жаштар дзюдо боюнча Кыргызстандын биринчилигинин ачылыш салтанатына катышты. 

Ал өз сөзүндө спорт адамды сергек жашоого үндөп, ден соолукка абдан пайдалуу экендигине токтолуп, жаш жеткинчектерди ыймандуу болуп, ар кандай терс диний агымдардан алыс болууга чакырды. 

Спорттук иш-чара өспүрүмдөрдү сергек жашоого үндөп, дзюдо тармагын өнүктүрүү максатында уюштурулуп жатканын айтышты.

145
Белгилер:
Ысык-Көл, Чолпон-Ата, Максатбек ажы Токтомушев, муфтият
Тема боюнча
Көлдө терс диний агымдардын алдын алуу боюнча иш-чаралар уюштурулду
Баткенде адам сатуунун алдын алуу боюнча иш-чаралар уюштурулду
Кыргызстандык балбан Айсулуу Тыныбекова

Эмоция кайнап, ыйлагым келип турат. Айсулуунун Токиодогу алгачкы билдирүүсү

11
(жаңыланган 22:37 04.08.2021)
Кыргызстандык балбан Айсулуу Тыныбекова ичинде эмоция кайнап турганын жашырган эмес. Ошол эле учурда ал калган спортчуларга ийгилик каалап, баары жакшы экенин жазган.

БИШКЕК, 4-авг. — Sputnik. Кыргызстандык балбан Айсулуу Тыныбекова Токиодо өткөн Олимпиадада финалдык беттештен кийин алгачкы билдирүүсүн Facebook баракчасына жарыялады.

Спортчу колдоо көрсөткөн кыргыз элине рахматын айткан.

"Кадырлуу кыргыз элим! Ушул күнгө чейин мени колдоп, демиме дем кошкон ар бириңиздердин каалоо-тилектериңиздерге ийилип таазим кылам. Азыр ичимде эмоциялар кайнап, чынын айтсам ыйлагым келип турат... Спорт мени мындай учурларда күчтүү болууга үйрөттү. Такшалдык! Айта турчу сөз көп. Дагы кенен пикир алмашабыз", — деп жазган ал.

Тыныбекова калган спортчуларга ийгилик каалап, баары жакшы экенин белгилеген.

"Азыр болсо өлкө намысын кийинки беттештерде коргой турчу спортчуларыбызга ийгилик каалайм. Кыргыз элимдин алтынга болгон үмүтү үчүн күрөшүңүздөр! Алга! Баары жакшы! Сиздердин колдооңуздар мени дагы да чыйралтат!" — деген спортчу.

Кыргызстандык балбан Айсулуу Тыныбекова Токиодогу Олимпиада оюндарында күмүш медаль утту. Бул Кыргызстандын Токио Олимпиадасындагы экинчи күмүш медалы болду. Кечээ грек-рим күрөшүнөн Акжол Махмудов күмүш байге тагынган. Ал эми кыздар күрөшүнөн Мээрим Жуманазарова коло байге утту. Кыргызстан баш-аягы Токио Олимпиадасынан үч медалдуу болду.

Кыргызстандан Токио шаарына, XXXII жайкы Олимпиадага 16 спортчу аттанган. 23-июлда башталган олимп оюндары 8-августта аяктайт.

11
Белгилер:
Айсулуу Тыныбекова, билдирүү, олимпиада, күрөш
Тема:
2021-жылы Токиодо өтө турган Олимпиада оюндары
Тема боюнча
Кылкылдап, аянтка батпай. Айсулуунун мелдешин көрүүгө чогулган элдин сүрөтү
Айсулуунун жашы токтобой. Бүткүл Кыргызстанды ыйлаткан видео

Кылкылдап, аянтка батпай. Айсулуунун мелдешин көрүүгө чогулган элдин сүрөтү

36
(жаңыланган 22:24 04.08.2021)
Чогулгандар "Айсулуу, Кыргызстан!" деп кыйкырып жатышты. Балбан кыз өлкөгө Олимпиададан күмүш медаль алып берди.
Айсулуу Тыныбекованын мелдешин көрүүгө Ала-Тоо аянтында чогулган эл
© Пресс-служба правительства / Алишер Алиев

Айсулуу Тыныбекованы Олимпиада оюндарындагы финалда колдоо үчүн миңдеген кыргызстандыктар "Ала-Тоо" аянтына чогулду. Алар "Айсулуу, Кыргызстан!" деп кыйкырып жатышты. Финалдык кармашта кыргызстандык балбан 4:3 эсеби менен япониялык Юкако Каваиге утулуп калды.

Люди на площади во время прямой трансляции финального поединка Айсулуу Тыныбековой на Олимпийских играх в Токио. 04 августа 2021 года
© Пресс-служба правительства / Алишер Алиев
Алар "Айсулуу, Кыргызстан!" деп кыйкырып жатышты

Токиодогу Олимпиада Кыргызстандын тарыхында эң ийгиликтүүсү болду. Өлкөгө Акжол Махмудов менен Айсулуу Тыныбекова күмүш, ал эми Мээрим Жуманазарова коло медаль алып берди.

36
Белгилер:
Кыргызстан, Айсулуу Тыныбекова, 'Ала-Тоо' аянты, эл, финал, сүрөт
Тема:
2021-жылы Токиодо өтө турган Олимпиада оюндары
Тема боюнча
О, кудай! Садыр Жапаров жубайы менен Айсулуунун беттешин көргөн видеосу
Айсулуунун жашы токтобой. Бүткүл Кыргызстанды ыйлаткан видео