Помощь семье Гульмире Жакыповой у которой шестеро детей

Өзгөн: эки баласы майып үй-бүлөгө кайрымдуулук фонду там салып берди

905
(жаңыланган 11:50 01.09.2017)
,
Эки баласынын баспай калышы ата-эненин жылдызын түшүрсө, төрт жаштагы Жанаргүлдүн айткандары тоодой кайрат берет.

Ош, 8-ноя. — Sputnik. 20 жылдан бери көчүп-конуп жашап, алты баланын, анын ичинен экөө шал болуп ооруган эки бөбөктүн ата-энесине Оштогу "Максат" кайрымдуулук фонду эки бөлмөлүү там салып берди. 

"Турмушума зээним кейип, эзилсем да жашоодо жакшы адамдар бар экенин угуп, жүрөгүм жылыйт. Турмушубуздун оор экенин уккан Оштогу "Максат" кайрымдуулук фонду жакында биз менен байланышып, Куршаб айылына эки бөлмөлүү там салып берди", — деди биз менен сүйлөшүп жатып ыраазы болгон балдардын энеси Гүлмира Жакыпова.

Өзгөн районунун Куршаб айылынын тургуну 37 жаштагы Гүлмира Жакыпова үч уул менен үч кыздын энеси. Анын эки уулу шал илдетине чалдыккандыктан баса албай төшөктө жатат. 

© Видео / Зульфия Тургунова
Өзгөндө майып балдары бар бүлөнү кайрымдуулук фонду үйлүү кылды

Буга чейин үй-бүлөнүн сегиз мүчөсү баш калкалар үйү жок болгондуктан 20 жылдан бери көчүп-конуп, ар кайсы аймактарда ижарага батир алып же тууган-тааныштардын үйлөрүндө жашап келген.

Көздөн чачыраган кубанычтын учкундары

"Учурда толугу менен бүтпөсө да кар жаап күн суук болуп кеткендиктен үйгө кирүүгө мажбур болдук. Кыйын күндө жардам колун сунган боорукер адамдарга чексиз ыраазымын", — деди ал.

Биздин маектеш балдарынын кантип майып болуп калганын башынан баштап айтып отурду.

Жакыпова үчүнчү перзенти Илгиз төрөлгөндөн 40 күндөн кийин тили артка кетип, көгөрүп, талмасы кармап калганын эстеп отурду. Дарыгерлер "итий" деген диагноз коюшкан экен. Аны "кыргызчылык" жол менен дарылайлы деп молдо-табыпка алып барып окутуп да көрүшүптүр. 

"Илгиз боюмда алты айлык кезинде сасык тумоого чалдыгып ооруп калдым, андан сырткары эмнегедир алма жеп ууланып катуу жыгылдым. Кыштын күнү анарга өтө катуу талгак болгом. Бирок сатып алганга тыйыныбыз жок, көр турмуштун айынан анар жегим келип ушунчалык жүрөгүм эзилип ыйлачу элем. Каным да аз болгондуктан менин да организмим, уулум да анарды каалаган тура. Ошондо талгагымды кандырсам, уулум майып болбойт беле деп арман кылам", — деди Жакыпова.

  • Помощь семье Гульмире Жакыповой у которой шестеро детей
    20 жылдан бери көчүп-конуп жашап, алты баланын, анын ичинен экөө шал болуп ооруган эки бөбөктүн ата-энесине Оштогу "Максат" кайрымдуулук фонду эки бөлмөлүү там салып берди.
    © Фото / Зульфия Тургунова
  • Помощь семье Гульмире Жакыповой у которой шестеро детей
    "Максат" кайрымдуулук фонду тарабынан салынып берилген эки бөлмөлүү там
    © Фото / Зульфия Тургунова
  • Помощь семье Гульмире Жакыповой у которой шестеро детей
    Өзгөн районунун Куршаб айылынын тургуну 37 жаштагы Гүлмира Жакыпова үч уул менен үч кыздын энеси.
    © Фото / Зульфия Тургунова
  • Помощь семье Гульмире Жакыповой у которой шестеро детей
    Анын эки уулу шал илдетине чалдыккандыктан баса албай төшөктө жатат.
    © Фото / Зульфия Тургунова
  • Помощь семье Гульмире Жакыповой у которой шестеро детей
    Буга чейин үй-бүлөнүн сегиз мүчөсү баш калкалар үйү жок болгондуктан 20 жылдан бери көчүп-конуп, ар кайсы аймактарда ижарага батир алып же тууган-тааныштардын үйлөрүндө жашап келген.
    © Фото / Зульфия Тургунова
1 / 5
© Фото / Зульфия Тургунова
20 жылдан бери көчүп-конуп жашап, алты баланын, анын ичинен экөө шал болуп ооруган эки бөбөктүн ата-энесине Оштогу "Максат" кайрымдуулук фонду эки бөлмөлүү там салып берди.

Учурда Илгиз 14 жашта, 9 жылдан бери төшөктө жатат.

"Илгиз араң басты. Кубаты жок болгондуктан дубалдарга сүйөнүп жай басчу, анан жайлап отуруп, беш жаштан өткөндө такыр баспай калды. Оштогу ооруканаларга кайрылсак, мен өзүм аз кандуулук менен жабыркагандыктан дарыгерлер "бул илдет түйүлдүккө таасир этип, шал илдетине чалдыккан" деген диагноз коюп беришти. Ал гана эмес, оор турмуштун айынан көп сыгылып, көп жолу стресске кабылгандыгым да түйүлдүккө зыян тийгизиптир. Отура да албайт. Жаш бала сыяктуу тосуп, тамактандырам. Өзү теңдүүлөр менен катар ойноп-күлмөк турсун, орто мектептин босогосун да аттаган жок. Дарыгерлер "эми ар кандай дары-дармек берүүнү токтоткула" деп, азыр уулумдун басып кетүүсүн бир гана жараткандан тилеп отуруп калдык", — дейт кейиген эне.

Ал үй-бүлөнүн кожоюну жогорку билимдүү болбогондуктан убактылуу жумуштарда жалданып иштеп, жан бакканга тыйын тапкандыгын айтты. 

"Кайнатам 35 жашында каза болуп калып, тогуз бир туугандын түйшүгү да жолдошумдун мойнунда болчу. Анын үстүнө жокчулук, жетишпеген турмуш да бизди ушул оор жагдайга түрттү", — деди Жакыпова.

Бул үй-бүлөнүн дагы бир 12 жаштагы уулу баспай, майыптар арабасында күн кечирүүдө. 

"Курманбек уулум эки жаштан өткөндө араң аяк шилтеген. 2-класста окуп жүргөндө тепкичтен кулап кетип, ошол бойдон баса албай калды. Эки жылдан бери майыптар үчүн отургучта отурат. Дарыгерлер Курманбек уулума да Илгизге койгон диагнозду коюшту. Бир уулумдун азабына каңырыгым түтөп отурган кезде тагдыр мага дагы бир оор сыноо тартуулады" — деди кейиген эне.

Ал жолдошунун күнүмдүк тапкан 200-300 cому балдарынын такма жалаягына да жетпей жатканын айта кетти.

Жанар тоодой кайрат берген төрт жаштагы Жанаргүл

Үй-бүлөнүн бешинчи баласы — төрт жаштагы Жанаргүл жана эң кенжеси Бегимай эки жашта.

Апасы төрт жашар кыздын чоңдордун ичин жылыта турган сөздөрүн айтып берди.

"Ошол төрт жаштагы чүрпөм мага кадимкидей кайрат берет. Майып агаларын көрүп өзүнчө ой жоруйт окшойт. Чоңойсо дарыгер болуп, адам баласын эле эмес, аксап калган тоокторду, койлорду кадимкидей бастырууну тилек кылып жүрөт", — деди жылмайып балдардын энеси.

Анын көңүлүн алагды кылган 10-класстагы кызынын келечеги экен. Кызынын англис тилине болгон жөндөмү күчтүү экенин байкаган эне учурда аны кантип чет тил курсуна жаздырып, кыялданган котормочулук кесибине өбөлгө түзүп берсем деген түпөйүл ой менен жүрөт.

Гүлмира айым 19 жаштагы уулу Чыңгыз Оштогу окуу жайлардын биринин 2-курсунун студенти экендигин, уулунун жогорку билим алып жаткандыгына каниет кыларын билдирди.

905
Белгилер:
Ош, жардам, майыптар, кайрымдуулук, кыял, тагдыр, жакшылык
Тема боюнча
Ош: куюнда калып жүрөгү түшкөн 28 жаштагы Миржигит алигиче ээн калуудан коркот
Энесин ала качып кетишкен: 6 жашар бала оорулуу таянеси менен бөбөгүнө тамак жасап берет
Шире. Архив

Адамды өлүмгө кептеген эртең мененки терс адаттар

12
(жаңыланган 12:45 03.08.2021)
Тамактануу жаатындагы адистер ден соолукка зыян келтирип албаш үчүн эртең менен кайсы тамактардан баш тартуу керектигин санап берди.

БИШКЕК, 3-авг. – Sputnik. Эртең мененки тамактанууга байланыштуу кайсы адаттар адамдын ден соолугуна чоң залака келтирерин адистердин пикирине таянып "Московский комсомолец" басылмасы жазды.

Таңкы азыктардан баш тартуу

Эртең мененки тамак — саламаттык үчүн өтө маанилүү процесс. Күн бою адам кандай маанайды жүрөрү дал ушул тамактанууга байланыштуу болот. Ошондой эле эртең менен наар албаган адамдарда ашыкча салмак пайда болушу толук ыктымал.

Анткени эртең менен тамактанган организм калорийлерди бат сарптайт, глюкозанын деңгээли төмөнүрөөк болот. Ошондой эле күндүн алгачкы азыктарынан баш тарткан кишилерде жүрөк-кан тамыр оорулары пайда болушу мүмкүн.

Колбаса

Колбасаны көпчүлүк диетологдор зыяндуу тамак деп эсептейт. Эртең менен гана эмес, башка учурларда деле күнүнө 25 граммдан ашык колбаса жеген адамда жоон ичеги рагына кабылуу тобокелдиги жогорулай турганы айтылат.

Тамакка чейинки кофе

Британиялык окумуштуулардын айтымында, тура калып кофе ичүү кандагы глюкозаны көбөйтүп жиберет. Андыктан ач карын кофе ичүү сунушталбайт.

Шире

Жер-жемиштин жаңы же кант кошулган ширесин таң атпай ичүү кант диабетинин пайда болуу тобокелдигин 16 пайызга жогорулатат. Андыктан эртең менен клетчаткага бай жемиштердин өзүн жегенден өтөрү жок.

12
Белгилер:
тамак-аш, ден соолук, азык-түлүк, зыян, пайда
Тема боюнча
Дарыгер бөйрөктөгү ташты пайда кылчу азыктарды атады
Бүгүн борбор калаанын Ала-Тоо аянтында Олимпиаданын байгелүү орундарына ат салышып жаткан балбандардын күрөшү түз эфирде көрсөтүлөт

Айсулуу менен Акжолдун күрөшү "Ала-Тоо" аянтында чоң экрандан көрсөтүлөт