Лексус деген каймана ат менен белгилүү пранкер Алексей Столяров

Атамбаевдин атынан Порошенко менен сүйлөшкөн пранкер Лексус: буга КРдин тиешеси жок

401
(жаңыланган 12:17 19.11.2016)
Эмне себептен Украина президентине Атамбаевдин атын жамынып чалышкан? Тамаша кандайча уюштурулду? Атка минерлер менен атактууларды тамашага салуу канчалык оор? Бул суроолордун баарына эки президентти "сүйлөштүргөн" Лексус деген каймана ат менен белгилүү пранкер Алексей Столяров Sputnik Кыргызстан агенттигинин кабарчысына жооп берди.

Үстүбүздөгү жылдын 2-ноябрында Украина президентинин расмий сайтында Порошенко менен Атамбаевдин телефондон сүйлөшкөнү тууралуу маалымат жарыяланган. КР президентинин аппараты мындай сүйлөшүү болбогонун айтып, бул тамаша болушу мүмкүн экенин божомолдогон. Эртеси маалымат сайттан алынган

Жарым айдан соң Вован деген ат менен белгилүү пранкер Владимир Кузнецов Петр Порошенко менен Алмазбек Атамбаевдин "сүйлөшүүсүн" Интернетке жарыялаган.  Украина президентинин маалымат катчысы Святослав Цеголко тамашаны уюштурууга Кыргызстандын Тышкы иштер министрлигинин кызматкерлеринин тиешеси болушу мүмкүн экенин жазып чыкты. Ал эми ТИМ укук коргоо органдарына таянуу менен пранкерлер менен байланышы бар делип Кыргызстандын жараны кармалганын жар салды. 

Эми Петр Порошенко менен Алмазбек Атамбаевдин атынан Лексус сүйлөшкөнү маалым болду. Президентке Вован экөө телефон чалган. "Сүйлөшүү" кантип уюштурулганын Sputnik Кыргызстан агенттигинин кабарчысы Максат Элебесов билип көрдү.

— Эмне себептен тамаша үчүн президент Алмазбек Атамбаевдин ысымы пайдаланылды?

— Кыргызстандын өлкө башчысына карата эч кандай жаман ой жок. Максатыбыз Украинанын президенти болчу, анткени ага КМШга мүчөлүк, фабрика, Донбасс, Крым боюнча бир топ суроо-дооматтарыбыз бар эле. Орус тилдүү мамлекеттин атынан чалуу керек болду. Россиядан тышкары орус тилинде Казакстан менен Кыргызстандын эли эркин сүйлөйт. Казакстан менен байма бай сүйлөшүп турат, демек Порошенко Назарбаевдин үнүн дароо таанымак. Ал эми Кыргызстан менен байланышы азыраак экен. Сиздердин өлкөгө, президентиңерге карата эч кандай терс оюбуз жок болчу.

— "Сүйлөшүүнү" уюштуруу канчалык оор болду?

— Порошенконун атынан Эрдоган менен "сүйлөшкөндөй" эле кеп. Болгону Порошенконун администрациясында деңгээли төмөн адамдар иштейт. Буга чейин биз ага атайын байланыш аркылуу чыкканда деле эч кандай кыйынчылык жаралган эмес. Бул жерде да тоскоолдук болгон жок.

— Сиздин үнүңүз Атамбаевдикине окшош эмес экен. Порошенко билип калат деп кооптонгон жоксузбу?

— Алгач чочуладык. Ар кандай болуп кетиши ыктымал эле. Бирок ал башынан баштап аягына чейин мага ишенди. Мага ал бул сүйлөшүүгө чейин бир аз ичип, кызымталдай сезилди.

— Эмне үчүн "сүйлөшүүнү" дароо Интернетке жарыялаган жоксуздар?

— Ызы-чуу чыгып кетти. Аны ЖМКлар чыгарды. Интернетке бул актуалдуу болуп жатканда чыгардык. Мындан тышкары, Порошенконун Дональд Трамп менен сүйлөшкөнү да бир топ бүйүр кызытты. Ага биз ишенген жокпуз. Мурдагүнү чоң ажиотаж жаралгандыктан гана Интернетке чыгардык.

— Порошенконун маалымат катчысы бул сүйлөшүүнү силер монтаждап, Россия бийлигине терс таасир тийгизе турган жерлерин кесип салгансыңар деди. Буга эмне деп жооп бересиз?

— Менимче, Украина президенти Россия бийлигине терс таасир тийгизе тургудай сөз сүйлөгөн жок. Тескерисинче, мунун баарынын кесепети Украина бийлигине тийиши мүмкүн. Маалымат катчы абалды жумшартып, жөнгө салууга же Порошенконун тамашакөй экенин көрсөтүүгө милдеттүү болчу, бирок ал баарын агрессияга оодарып салды.

— Ал буга Кыргызстандын Тышкы иштер министрлигинин кызматкерлери да катышкан деген маанайда билдирүү жасады…

— Болбогон сөз. Кыргызстандын ТИМинин буга эч кандай тиешеси жок. Биз ага чейин эле башка мамлекеттердин лидерлерине, саясатчыларга чалып жүргөндөй эле көрүнүш.

— Бул сүйлөшүүдө сизди эмне таң калтырды?

— Порошенко кырдаалдан таптакыр кабардар эмес экен. Андан да кыргыз президенти менен жакшы тааныш эмес болуп туруп, аны менен сүйлөшкөн тону жаккан жок.

— Атка минерлер менен атактууларды тамашага салуу оорбу?

— Даражасы канчалык жогору болсо, аны ошончолук тамашалоо оңой. Анткени ал мындай болуп кетет деп ойлобойт. Карапайым адамдар этият болушат. 

— Пранктарга кантип даярданасыңар?

— Тамашага сала турган адам тууралуу маалымат топтоо керек, анан албетте, кимдин атынан чалып жатсаң, ал жөнүндө да көп нерсе билүү зарыл. Телефон номерлерди билүү керек, алгач сүйлөшүүнүн нугун аныктап алабыз. Сөздүн маанилүүлүгүнөн көп нерсе көз каранды. Ошол эле күнү чалып калышың мүмкүн, кээде анык бир күндү белгилеп алабыз.

— Ар кимдин атынан аябай көп сүйлөшөсүз, үн туурай аласызбы?

— Тилекке каршы, жок. Болгону чыгыш элдеринин акцентин туурай алам.

— Эми бизди дагы кандай тамашалар күтүп турат?

— Сырыбызды ача бербейбиз. Баары дүйнөдөгү абалга байланыштуу болот. Элге эмне кызык болсо, ошол нерсе пайда боло берет.

401
Белгилер:
пранкер, сүйлөшүүлөр, Петр Порошенко, Алмазбек Атамбаев
Тема:
Порошенко менен Атамбаевдин "сүйлөшүүсү" (10)
Тема боюнча
"Атамбаев-Порошенко сүйлөшүүсүн" уюштургандарга тиешеси бар КР жараны кармалды
Атамбаев менен Порошенконун бүйүр кызыткан "сүйлөшүүсү" интернетке чыкты
Президент Сооронбай Жээнбеков борбордогу эки мекеменин мисалында медицина жана калкты социалдык жактан коргоо чөйрөлөрү кантип санариптешип жатканы менен таанышты

Ооруканадагы электрондук кезек… Жээнбеков санариптешүүнүн жүрүшүн көрдү

8
(жаңыланган 18:11 11.08.2020)
Учурда ордо калаадагы бардык Үй-бүлөлүк дарыгерлер борборунда, тагыраагы, 19 медициналык мекемеде электрондук жазылуу тартиби киргизилди.

БИШКЕК, 11-авг. — Sputnik. Президент Сооронбай Жээнбеков борбордогу эки мекеменин мисалында медицина жана калкты социалдык жактан коргоо чөйрөлөрү кантип санариптешип жатканы менен таанышты. Бул тууралуу өлкө башчынын маалымат кызматы кабарлады.

  • Президент КР Сооронбай Жээнбеков во время ознакомления с ходом цифровизации сферы медицины и социальной защиты населения на примере ЦСМ № 8 Бишкеке
    Президент Сооронбай Жээнбеков борбордогу эки мекеменин мисалында медицина жана калкты социалдык жактан коргоо чөйрөлөрү кантип санариптешип жатканы менен таанышты
    © Пресс-служба президента КР / Султан Досалиев
  • Президент КР Сооронбай Жээнбеков во время ознакомления с ходом цифровизации сферы медицины и социальной защиты населения на примере ЦСМ № 8 Бишкеке
    Бишкектеги №8 Үй-бүлөлүк дарыгерлер борборунун директору Анара Шакеева мекемеде электрондук кезекке туруу системасы менен бейтаптардын электрондук амбулатордук картасы ишке киргенин айтып берген
    © Пресс-служба президента КР / Султан Досалиев
  • Президент КР Сооронбай Жээнбеков во время ознакомления с ходом цифровизации сферы медицины и социальной защиты населения на примере ЦСМ № 8 Бишкеке
    Ошондой эле ордо калаадагы бардык Үй-бүлөлүк дарыгерлер борборунда, тагыраагы, 19 медициналык мекемеде электрондук жазылуу тартиби киргизилген
    © Пресс-служба президента КР / Султан Досалиев
  • Президент КР Сооронбай Жээнбеков во время ознакомления с ходом цифровизации сферы медицины и социальной защиты населения на примере ЦСМ № 8 Бишкеке
    Медицина кызматкерлери менен болгон баарлашууда Жээнбеков санариптештирүү мындан ары да мамлекеттик саясаттын артыкчылыктуу багыты болуп кала берерин белгилеген.
    © Пресс-служба президента КР / Султан Досалиев
1 / 4
© Пресс-служба президента КР / Султан Досалиев
Президент Сооронбай Жээнбеков борбордогу эки мекеменин мисалында медицина жана калкты социалдык жактан коргоо чөйрөлөрү кантип санариптешип жатканы менен таанышты

Ага ылайык, Бишкектеги №8 Үй-бүлөлүк дарыгерлер борборунун директору Анара Шакеева мекемеде электрондук кезекке туруу системасы менен бейтаптардын электрондук амбулатордук картасы ишке киргенин айтып берген.

"Бул жарандардын жана медиктердин убактысын үнөмдөп, коридорлордо кезекке турууну кыйла кыскартууга жардам берет", — деп айтылат маалыматта.

Ошондой эле ордо калаадагы бардык Үй-бүлөлүк дарыгерлер борборунда, тагыраагы, 19 медициналык мекемеде электрондук жазылуу тартиби киргизилген.

Тааныш-билишти жоебуз! Президент кадр тандоонун жаңы ыкмасы ишке киргенин айтты

Медицина кызматкерлери менен болгон баарлашууда Жээнбеков санариптештирүү мындан ары да мамлекеттик саясаттын артыкчылыктуу багыты болуп кала берерин белгилеген.

Ушул эле күнү президент Свердлов райондук мамлекеттик администрациясына барып, "Аз камсыз болгон үй-бүлөнүн социалдык паспорту" аталышындагы тутум ишке киргизилгенин көргөн.

Аталган система субсидияларды жана жөлөк пулдардын автоматташтырылган эсебин иштеп чыгып, жөлөк пул алуучулардын бирдиктүү маалыматтык базасын түзөт. Бул социалдык жөлөк пулдарды дайындоонун даректүүлүгүн жогорулатып, муктаж эместерди тизмеден чыгарууга мүмкүндүк берет. Ошондой эле бюджеттик каражатты кыйла үнөмдөй турганы белгиленет.

8
Белгилер:
кезек, оорукана, Сооронбай Жээнбеков
Тема боюнча
Жээнбеков: ооруканалардын курулушуна 100 млн доллар салчу адамдар бар
Бейтапты карап жаткан медицина кызматкери. Архив

Боронов COVID-19дун экинчи толкунуна даярдыктар тууралуу айтып берди

44
(жаңыланган 16:51 11.08.2020)
1-октябрга чейин саламаттык сактоо уюмдарына дары-дармек, жеке коргонуучу каражат, дезинфекция каражаттары жана антисептиктердин үч айлык бөксөрбөс запасын камдоо пландаштырылууда.

БИШКЕК, 11-авг. — Sputnik. Эпидемиянын болжолдонуп жаткан экинчи толкунуна карата дары-дармектердин стратегиялык запасын түзүү үчүн Материалдык резервдер фондуна республикалык бюджеттен каражат каралып жатат. Бул тууралуу премьер-министр Кубатбек Боронов брифинг учурунда билдирди.

"15 миң бейтапка бир нече позициядан турган дарылардын муктаждыгын камсыздоо боюнча жумушчу топ түзүлдү. 1-октябрга чейин саламаттык сактоо уюмдарына дары-дармек, жеке коргонуучу каражат, дезинфекция каражаттары жана антисептиктердин үч айлык бөксөрбөс запасын камдоо пландаштырылууда", — деди Боронов.

Боронов: вирустан айыккандардын ден соолугун калыбына келтирүү колго алынат

Дагы кандай иш-чаралар жүргүзүлүп жатат:

  • сезондук гриппке каршы алдын алуучу вакциналарды сатып алууга республикалык бюджеттен 200 миллион сом бөлүндү;
  • медицина кызматкерлерин реабилитациялоо, колдоо иштери уюштурулуп жатат. Президенттин тапшырмасы менен Ысык-Көлдөгү пансионаттарда 130 медик эс алып келди, учурда 170 медик эс алууда;
  • медицина кызматкерлерине компенсациялык төлөмдөр өз убагында төлөнүүдө. Бүгүнкү күнгө чейин 807 миллион сом жумшалды. Анын ичинен июлда маянага кошумча төлөм 424 миллион сомду түздү. Ал республикалык бюджеттен берилди;
  • медицина адистерин кайра даярдоо, квалификациясын жогорулатуу, кыска курстардан окутуу иштери үзгүлтүксүз жүрүүдө.

 

44
Белгилер:
медицина, каражат, даярдык, пандемия, Кубатбек Боронов, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Рентген аппараттарын алуу маселеси чечилген эмес. Боронов министрликти сындады
КРде жалпы канча киши коронавируска чалдыгышы мүмкүн. Өкмөттүн божомолу