Кыргызстан тууралуу маалыматтык-туристтик сайт

Кыргызстан тууралуу сайт кайра редакцияланмай болду

90
(жаңыланган 15:07 19.11.2016)
Сайттагы кемчиликтер тууралуу айтылгандан кийин кайрадан редакциялоо демилгеси көтөрүлгөн.

БИШКЕК, 19-ноя. — Sputnik. Кыргызстан тууралуу маалыматтык-туристтик сайт бир катар сын пикирден кийин өзгөрө турганын Sputnik Кыргызстан агенттигине Туризм департаментинин директору Азамат Жаманкулов билдирди.

Шаршемби күнү, 16-ноябрда Кыргызстандын эс алуучу жайлары, каада-салты, туристтик маршруттары тууралуу маалымат камтылган интернет-портал ишке киргизилген.

Жаманкуловдун айтымында, сын пикир дизайн жагына көп айтылган. Мында Кыргызстанга барчу авикаттамдарды табуу ыңгайсыздык жаратып, виза алуу боюнча маалымат жокко эсе экени белгиленген. Андан сырткары, Кыргызстандан башка мамлекетте тартылган сүрөттөр пайдаланылганына нааразычылыктар айтылган.

"Бул алгачкы долбоор. Кемчиликтер бар, аларды оңдоого аракет кылабыз. Өтө олуттуу ката жок. Сайтты улам толуктап турабыз. Мисалы, азыр колдо бар маалыматты гана киргизип, туризмдин негизги багыттарын гана сунуштадык. Бирок сайт кескин өзгөрөт дегенден алыспыз", — деди ал.

Жаманкулов сайтты иштеп чыгууда 1,5 миңдей сүрөт колдонулганын белгиледи. Анын айтымында, автордук укук боюнча эч кандай көйгөй жок.

Порталды иштетүүнүн негизги максаты — өкмөт тарабынан апрель айында бекитилген программа боюнча Кыргызстандагы туризмди 2020-жылга чейин өнүктүрүү.

Кыргызстанга жасалуучу саякат канча турарын жана өлкөнүн кайсы жерлерин кыдыруу керектигин Sputnik Кыргызстан агенттиги даярдаган лонгридден окуңуз>>

90
Белгилер:
Кыргызстан, Азамат Жаманкулов, сайт
Тема боюнча
Соң-Көлдүн сүрөттөрү National Geographic конкурсунун кыска тизмесине кирди
Рейтинг: Кыргызстан туристтер үчүн кооптуу
Россиянын Ички иштер министрлиги кыргызстандык кесиптештерине 17 транспорт каражатын берди.

Россиянын ИИМи кыргызстандык кесиптештерине 17 транспорт каражатын берди. Сүрөт

14
(жаңыланган 21:39 16.09.2021)
ИИМ автоунаалар Баңгизаттарды мыйзамсыз жүгүртүүгө каршы күрөшүү кызматынын техникалык базасын чыңдай турганын белгиледи.

БИШКЕК, 16-сен. — Sputnik. Россиянын Ички иштер министрлиги кыргызстандык кесиптештерине 17 транспорт каражатын берди. Бул тууралуу ИИМдин маалымат кызматы кабарлады.

Жалпысынан Chevrolet Cobalt үлгүсүндөгү 15 унаа жана "Газель NEXT Автобус" үлгүсүндөгү эки кичи автобус тапшырылган.

  • Министерство внутренних дел России передало кыргызским коллегам 17 новых автотранспортных средств. Всего передано 15 легковых автомобилей марки Chevrolet Cobalt и два микроавтобуса марки Газель NEXT Автобус.
    Россиянын Ички иштер министрлиги кыргызстандык кесиптештерине 17 транспорт каражатын берди.
    © Фото / пресс-служба МВД Кыргызстана
  •  Министерство внутренних дел России передало кыргызским коллегам 17 новых автотранспортных средств
    Жалпысынан Chevrolet Cobalt үлгүсүндөгү 15 унаа жана "Газель NEXT Автобус" үлгүсүндөгү эки кичи автобус тапшырылган.
    © Фото / пресс-служба МВД Кыргызстана
  •  Министерство внутренних дел России передало кыргызским коллегам 17 новых автотранспортных средств
    Церемония передачи автомобилей сотрудникам МВД в Бишкеке
    © Фото / пресс-служба МВД Кыргызстана
  •  Министерство внутренних дел России передало кыргызским коллегам 17 новых автотранспортных средств
    Иш-чарага ИИМ башчысынын орун басары Октябрь Урмамбетов, Россиянын Кыргызстандагы элчилигинин кеңешчи-элчиси Вадим Гусев, Россиянын ИИМнин Баңгизаттарды жүгүртүүнү көзөмөлдөө боюнча башкы башкармалыгынын начальнигинин орун басары Борис Яковченко, РФтин Тышкы иштер министрлигинин Жаңы чакырыктар жана коркунучтар маселелери боюнча департаментинин баңгизаттарды көзөмөлдөө чөйрөсүндөгү эл аралык кызматташтык маселелери боюнча бөлүм начальниги Мария Вислогузова, Россия Федерациясынын ИИМнин эл аралык кызматташтык башкармалыгынын бөлүм начальниги Павел Юлин, Росиянын ИИМнин Кыргызстандагы өкүлү Владимир Лузганов катышкан.
    © Фото / пресс-служба МВД Кыргызстана
  •  Министерство внутренних дел России передало кыргызским коллегам 17 новых автотранспортных средств
    Урмамбетов конокторго тыгыз кызматташтыгы жана колдоосу үчүн терең ыраазычылыгын билдирди.
    © Фото / пресс-служба МВД Кыргызстана
1 / 5
© Фото / пресс-служба МВД Кыргызстана
Россиянын Ички иштер министрлиги кыргызстандык кесиптештерине 17 транспорт каражатын берди.
"Жаңы унаалар министрликтин Баңгизаттарды мыйзамсыз жүгүртүүгө каршы күрөшүү кызматынын техникалык базасын чыңдайт, ошондой эле кызматкерлердин кылмыштын башка түрлөрүн да ачышына кызмат кылат", — деп айтылат маалыматта.

Иш-чарага ИИМ башчысынын орун басары Октябрь Урмамбетов, Россиянын Кыргызстандагы элчилигинин кеңешчи-элчиси Вадим Гусев, Россиянын ИИМинин Баңгизаттарды жүгүртүүнү көзөмөлдөө боюнча башкы башкармалыгынын начальнигинин орун басары Борис Яковченко, РФтин Тышкы иштер министрлигинин Жаңы чакырыктар жана коркунучтар маселелери боюнча департаментинин баңгизаттарды көзөмөлдөө чөйрөсүндөгү эл аралык кызматташтык маселелери боюнча бөлүм начальниги Мария Вислогузова, Россия Федерациясынын ИИМинин эл аралык кызматташтык башкармалыгынын бөлүм начальниги Павел Юлин, Россиянын ИИМинин Кыргызстандагы өкүлү Владимир Лузганов катышкан.

Урмамбетов конокторго тыгыз кызматташтыгы жана колдоосу үчүн терең ыраазычылыгын билдирди.

14
Белгилер:
Россия, Кыргызстан, ИИМ, унаа, транспорт, кызматташтык, белек
Тема боюнча
ИИМ 100дөй кыргызстандыктын телефон сүйлөшүүсү тыңшалганын тастыктады, бирок...
Бишкектеги Ала-Тоо аянтында ойногон балдар. Архивдик сүрөт

Жума күнүнө карата аба ырайы

4
17-сентябрда өлкөнүн дыйканчылык аймактарында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 16-сен. — Sputnik. Жума күнү айрым жерлерде туруксуз аба ырайы күтүлүп, кээ бир өрөөндөрдө жаан-чачын катуу жаашы ыктымал. Бул тууралуу Кыргызгидромет билдирди.

Абанын температурасы Чүй облусунда +27…+32, Ысык-Көл, Нарын өрөөндөрүндө +22…+27, Ош, Жалал-Абад, Баткен аймактарында +30…+35, Таласта +26…+31 градус болот.

Күндүн табы Бишкекте +30…+32, Ош шаарында +33…+35 градуска жогорулайт.

4
Белгилер:
аба ырайы, сентябрь, Кыргызстан
Тема боюнча
Сары-Чат — Ээр-Таш коругунда чет элдик компания жол куруп жатабы? Расмий жооп
Курулуп аткан үйдө өрт. Архивдик сүрөт

Бишкектин түштүк тарабында ири өрт чыкты. Видео

15
(жаңыланган 21:35 16.09.2021)
Курулуп жаткан имараттын жогорку кабаты өрттөнүп жатат. Объект Түштүк магистралдан алыс эмес Асанбай кичи районунда жайгашкан.

БИШКЕК, 16-сен. — Sputnik. Бишкектин түштүк тарабында курулуп жаткан имараттын жогорку кабаты өрттөнүп жатат. Бул тууралуу Sputnik агенттигине окуянын күбөлөрү билдирди.

Өрт бир аз мурда башталды. Окуяга күбө болгондордун айтымында, объект Түштүк магистралдан алыс эмес Асанбай кичи районунда жайгашкан.

ӨКМ маалымат тарата элек.

15
Белгилер:
Бишкек, өрт, имарат, курулуш
Тема боюнча
Бүгүн түштө Түп районунда болгон өрт эки бөбөктүн өмүрүн алып кетти. Сүрөт