Бир айдан бери 24 жылкысы менен Өзбекстанда турган Боронбаевди Аксыга алып келишти

© Фото / пресс-служба УВД Джалал-Абадской областиӨзбекстанга малы менен кошо кирип кеткен Аксы районунун Курулуш айылынын тургуну Акылбек Боронбаев
Өзбекстанга малы менен кошо кирип кеткен Аксы районунун Курулуш айылынын тургуну Акылбек Боронбаев - Sputnik Кыргызстан
Жазылуу
Акылбек Боронбаев кирип кеткен малдын артынан барып, чек арадан жылкылары менен кошо Өзбекстан чек арачыларына кармалган болчу.

БИШКЕК, 21-ноя. — Sputnik. Өзбекстанга малы менен кошо кирип кеткен Аксы районунун Курулуш айылынын тургуну Акылбек Боронбаевди жылкылары менен кошуп, өзбек чек арачылары Ала-Бука районунда жайгашкан "Баймак" чек ара жайынан өткөрүп беришти. Бул туурасында ИИМдин маалым кызматынын өкүлү Эрнис Осмонбаев кабарлады.

Алардын айтымында, эки мамлекеттин ортосундагы өкмөттөр аралык дипломатиялык мамилелердин жана эки өлкөнүн укук коргоо органдарынын сүйлөшүүлөрүнүн натыйжасында мекендешибиз Кыргызстанга кайтарылды.

"Акылбек Боронбаев Аксы районундагы Киндик-Таш участогундагы сарайда мал бакчу. 21-октябрь күнү жылкылары жайытта жүрүп Сөгөт-Сай тилкеси аркылуу коңшу Наманган обласынын Хазрати-Шах аймагына өтүп кеткен. Малдын артынан кирип, чек арадан жылкылары менен кошо Өзбекстан чек арачыларына кармалган болчу. Өкмөт аралык бир катар сүйлөшүүлөрдү жүргүзүп, анын жыйынтыгында жараныбызды кайтарып алдык", — деп билдирди Осмонбаев. 

Белгилей кетсек, 2016-жылдын 10 ай ичинде Жалал-Абад облусунан Өзбекстанга жалпысынан 162 баш мал-жан кирип кетсе, алардын 148 башы кайтарылган.

Жаңылыктар түрмөгү
0