2008-жылкы Олимпиаданын күмүш медалы Түмөнбаевге буюрбай калды

© Sputnik / Константин Чалабов / Медиабанкка өтүүОлимпиада шакекчелери. Архив
Олимпиада шакекчелери. Архив - Sputnik Кыргызстан
Жазылуу
Ишемби күнү, 19-ноябрда Эл аралык олимпиада комитети 2008-жылкы Пекин оюндарына катышып, допинг табылган медаль ээлеринин тизмесин жарыялады.

БИШКЕК, 21-ноя. — Sputnik. Пекин Олимпиадасында грек-рим күрөшүнөн күмүш байгеге ээ болгон Виталий Рахимовдун медалы казакстандык балбан Нурбакыт Тенгизбаевге берилгенин Биргелешкен дүйнөлүк күрөш уюмунун расмий сайтында маалымдалды. 

2008-жылы Пекин шаарында болгон жайкы Олимпиадада 60 килограммга чейин салмак категориясында алтын медалды россиялык Исламбек Альбиев алса, күмүштү азербайжандык Виталий Рахимов алган. Үчүнчү орунга кыргызстандык Руслан Түмөнбаев менен казакстандык Нурбакыт Теңгизбаев ээ болгон.

Встреча олимпийцев сборной Кыргызстана в аэропорту Манас из Рио-де-Жанейро - Sputnik Кыргызстан
IWF Рио Олимпиадасынан Иззат Артыков менен бирге дагы үч спортчуну четтетти
19-ноябрда Эл аралык олимпиада комитети 2008-жылкы Пекин Олимпиадасына катышып, байге алган спортчулардан допинг табылганын маалымдап, алардын тизмесин жарыялаган. Анда грек-рим күрөшү боюнча күмүш байге алган Рахимов дагы бар. Анын допинг тестинен тыюу салынган дегидрохлорметилтестостерон заты табылган. 

Дүйшөмбү күнү, 21-ноябрда Биргелешкен дүйнөлүк күрөш уюму алтын медаль Альбиевде каларын айтып, экинчи орунду жарым финалга чыгуу үчүн Рахимов менен кармашкан казакстандык балбан Теңгизбаевге ыйгарылганын маалымдады.

Ал эми казакстандык балбандын күмүш медалы кытайлык Шэн Цзянга берилди. Ал олимпиадада төртүнчү орунду алган болчу.

Эскерте кетсек, буга чейин казакстандык балбан өзүнүн Facebook баракчасына допингден улам чыккан чырдан кийин күмүш медалды албай турганын жарыялаган эле. Ал медалды алуу туура эмес кадам деп эсептей турганын жазган. 

Спорт юристи Жоомарт Жолдошев медаль казакстандык балбанга туура эле берилгенин айтты. Себеби ал Рахимов менен кармашкан. Ал эми кыргызстандык балбан жарым финалга чыгуу үчүн Рахимов менен күч сынашкан эмес.

Жаңылыктар түрмөгү
0