Референдумду колдогон жана ага каршы чыккан үгүт топтор каттоодон өттү

© Sputnik / Табылды КадырбековШайлоо участогун даярдоо. Архив
Шайлоо участогун даярдоо. Архив - Sputnik Кыргызстан
Жазылуу
Баш мыйзамды өзгөртүүгө каршы үгүт тобуна каражат жактан жардам катары КРдин Малайзиядагы мурунку элчиси Кылычбек Султанов 100 миң сом которгон.

БИШКЕК, 21-ноя. — Sputnik. Конституцияны өзгөртүү боюнча референдум өткөрүүгө макул болгон жана каршы чыккан үгүт топтору БШКдан каттоодон өттү. Бул тууралуу Sputnik Кыргызстан агенттигине Борбордук шайлоо комиссиясынан билдирди.

Маалыматка ылайык, референдум өткөрүү үчүн үгүттөөгө беш топ каттоодон өттү.

Столдогу портфель. Архив - Sputnik Кыргызстан
Депутаттыктан түшкүсү келбегендер. Кимдер кайсы партияга өтө качты
№ 1 "макул" үгүт тобунда 11 адам, № 2 "макул" үгүт тобунда 49, № 3 "макул" үгүт тобунда 12, № 4 "макул" үгүт тобунда 25 жана № 5 "макул" үгүт тобунда 14 адам мүчөлүк кылат.

Ал эми референдум өткөрүүгө каршы үгүт жүргүзүү үчүн төрт топ катталды. № 1 "каршы" үгүт тобунда 10 адам, № 2 "каршы" үгүт тобунда 11 адам, № 3 "каршы" үгүт тобунда11 адам мүчөлүк кылат. Ал эми төртүнчө топ кийинчерек катталгандыктан канча мүчө экендиги айтыла элек.

Баш мыйзамды өзгөртүү боюнча элдик добуш берүүгө каршы үгүттөгөндөрдүн бири Мавлян Аскарбеков учурда каражат топтолуп жатканын кабарлады.

"Мыйзам боюнча бардык талаптарды аткарып, каршы үгүт тобун каттоодон өткөрдүк. Анда саясий, коомдук ишмерлер бар. Биздин башкы максат Баш мыйзамдагы өзгөртүүлөрдүн оош-кыйышын элге жеткирүү. Демилгени колдоо максатында КРдин Малайзиядагы мурунку элчиси Кылычбек Султанов 100 миң сом которду. Учурда өзүбүз да колдон келишинче каражат чогултуп жатабыз", — деди Аскарбеков.

Активист референдумду колдоо тобуна бийликтеги адамдар кирип алганын айтып, буга нааразы пикирин билдирди.

"Бийликчил делген топторго депутаттар кирип алышыптыр. Мыйзам боюнча алардын кошулушуна жол берилбейт. Ал топторду каттоодо дагы мыйзам бузуулар болду", — деди активист.

Шайлоо жыйынтыктарын саноо. Архив - Sputnik Кыргызстан
Партиялардын тизмесинин биринчи ондугу — Бишкек шаардык кеңешине талапкерлер
Аскарбеков үгүт иштери бүткүл республика аймагында болоорун айтып, түшүндүрүү иштери башталгандыгын кошумчалады.

Ал эми "макул" үгүт топторунун биринин лидери Алга Кылычов чыгымдар активисттердин өз чөнтөгүнөн төлөнөөрүн билдирди.

"Ар кыл кошундардын лидерлери Баш мыйзамды өзгөртүүгө макул болгон үгүт тобуна бириктик. Биздин топто 14 адам мүчөлүк кылат. Каржы жагын айта турган болсок, чыгымдарды өз чөнтөгүбүздөн төлөп жатабыз", — деди Кылычов.

Аталган топко 2010-жылкы апрель революциясынан кийин түзүлгөн ар кыл кыймылдар киргендигин кошумчалады.

Жаңылыктар түрмөгү
0