БИШКЕК, 24-ноя. — Sputnik. "Ала-Тоо" аянтына тургузулчу жаңы жылдык башкы балаты былтыркыдан жаман болбостугун мэриянын маалымат кызматы билдирди.
Жаңы жылдык балатынын оттору 19-декабрда жанат. Азырынча мэрия балатыны кандай кооздой турганын сыр боюнча калтырды. "Сюрприздер" күтүп жатканын кошумчалады. Жаңы жылдык балатынын бийиктиги 22 метрди түзүп, 4-декабрдан тарта жасалгалана башталат.
"Жаңы жылдык балаты былтыркыдан жаман болбойт", — деп айтылат мэриянын билдирүүсүндө.
Муну менен катар мэрия жаңы жылдык мыкты жасалгалоого төмөнкү номинациялар боюнча сынак жарыялады:
- "Райондогу мыкты жаңы жылдык жасалгалоо";
- "Министрликтеги жана администартивдик бөлүмдөгү мыкты жасалгалоо";
- "Саламаттык сактоо, билим берүү, маданий жана шаардык кызматтардагы жана мэриянын бөлүмдөрүндөгү мыкты жаңы жылдык жасалгалоо";
- "Соода борборлорундагы жана базарлардагы мыкты жаңы жылдык жасалгалоо";
- "Сырттагы мыкты жаңы жылдык жасалгалоо".
Жеңүүчүлөр кооздугу, өң-түсү, оригиналдуулугу сыяктуу критерийлери аркылуу тандалат.
Былтыркы жылы да балаты 19-декабрда коюлган. Анын бийиктиги 25 метрди түзүп, диаметри 12 метрге жеткен. Ал Кытайдан алынып келинген.
