Медициналык маска кийген кыздын архивдик сүрөтү

Бишкекте 10,8 миң адам сасык тумоого кабылды, эпидемия жок

215
(жаңыланган 15:25 29.11.2016)
Бишкектин мектептеринде окуучулардын окууга келиши боюнча мониторинг жүргүзүлдү.

БИШКЕК, 29-ноя. — Sputnik. 14-ноябрдан тарта Бишкекте сасык тумоого кабылгандардын саны кескин өсүп кеткен. Бул тууралуу Sputnik Кыргызстан агенттигинин мультимедиалык маалымат борборунда өткөн маалымат жыйында Бишкек шаардык мамлекеттик санитардык-эпидемиологиялык көзөмөл борборунун директору Артур Буюклянов билдирди.

Директор столичного департамента по профилактике заболеваний Центра государственного санитарно-эпидемиологического надзора Артур Буюклянов на пресс-конференции в мультимедийном пресс-центре Sputnik Кыргызстан.
© Sputnik / Данияр Сандыбаев
Бишкек шаардык мамлекеттик санитардык-эпидемиологиялык көзөмөл борборунун директору Артур Буюклянов Sputnik Кыргызстан агенттигинин мультимедиалык маалымат борборунда берген маалымат жыйынында

"Бишкектин мектептеринде окуучулардын окууга келиши боюнча мониторинг жүргүзүлүүдө. 18 мектепте жана беш бала бакчада жылытуу системасы текшерилип, мурдагы санитардык тапшырмаларды аткаргандыгы боюнча көзөмөл жүргүзүлүүдө", — деп билдирди Буюклянов. 

Анын айтымында сасык тумоого кабылуу былтыркы жылдын ушул маалына салыштырмалуу 15 пайызга көбүрөөк. 

215
Белгилер:
эпидемия, сасык тумоо, Бишкек
Тема:
Сасык тумоонун өлкө аймагында жайылышы (30)
Тема боюнча
Травматолог: сасык тумоонун айынан кыргызстандык айымдар майып балдарды төрөп жатат
Бишкектеги көргөзмө. Архив

"Эрип бараткан мөңгүлөрдүн бийин" көрүп кетиңиз. Бишкектеги көргөзмө

16
(жаңыланган 16:34 23.06.2021)
Көргөзмөнүн максаты — адамзатты сууга жана климаттын өзгөрүшүнөн улам азайып бараткан баалуу байлыктардын бири мөңгүлөргө аяр мамиле жасоого чакыруу.

БИШКЕК, 23-июн. — Sputnik. Бишкек шаарында "Эрип бараткан мөңгүлөрдүн бийи" деп аталган көргөзмө өтүп, ага Кыргызстандын мөңгүлөрүнүн сүрөтү коюлат. Бул тууралуу Гапар Айтиев атындагы Көркөм сүрөт өнөр музейинен билдиришти.

Кыргызстандын жаратылышынан сырткары "Мөңгүлөрдүн агониясы" деп аталган тоо чыгармачылыгы боюнча туруктуу долбоордун көргөзмөсүндөгү эмгектер да коомчулукка тартууланат.

Көргөзмөнүн максаты — адамзатты сууга жана климаттын өзгөрүшүнөн улам азайып бараткан баалуу байлыктардын бири мөңгүлөргө аяр мамиле жасоого чакыруу.

Бишкектиктер жана шаардын коноктору уникалдуу сүрөттөрдү 25-июндан тарта 9-июлга чейин көрө алат. Көргөзмөгө Жерди прикладдык изилдөө боюнча Борбор Азия институту берген сүрөттөр коюлары айтылды.

Каалоочулар 25-июндан тарта "Эрип бараткан мөңгүлөрдүн бийин" Бишкек шаарындагы Гапар Айтиев атындагы Көркөм сүрөт өнөр музейинен көрө алышат.

Бул иш-чара БУУнун климаттын өзгөрүшүнө арналган конвенциясынын 26-конференциясынын алкагында өтүп жатканы айтылды.

16
Белгилер:
көргөзмө, сүрөт, Мөңгү, Бишкек, Кыргызстан
Тема боюнча
Улуу Ата Мекендик согуштун башталганына 80 жыл. Канттагы аскердик базада эскеришти
Бишкекте кафе-ресторандарга коюлган чектөөлөр алып салынды
Киши конверттеги акча менен. Архив

Ошто студенттерден пара алууга шектелип камалган декан үй камагына чыкты

49
(жаңыланган 16:38 23.06.2021)
Чечим чыгарууда сот пара алууга шектелген 54 жаштагы аялдын дартын, жашы жете элек балдары бар экенин эске алган.

БИШКЕК, 23-июн. — Sputnik. Ош шаардык соту студенттерден пара алууга шектелген Кыргыз улуттук университетинин Ош шаарындагы филиалынын Э.Г. аттуу кызматкерин эки айга үй камагына чыгаруу чечимин кабыл алды. Бул тууралуу Ош облустук сотунун маалымат катчысы Айпери Туратбек кызы билдирди.

Анын айтымында, чечим чыгарууда сот пара алууга шектелген 54 жаштагы аялдын кант диабети менен ооругандыгын, жалгыз бой эне экендигин жана жашы жете элек балдары бар экенин эске алган.

Райондук соттун залы. Архив
© Пресс-служба президента КР / Султан Досалиев
Буга чейин шектүү УКМКнын тергөө абагына 48 саатка камакка алынган.

Эске сала кетсек, Улуттук коопсуздук мамлекеттик комитетинин Ош шаардык жана облустук башкармалыгы тарабынан жашыруун тартылган видео жарыяланып, анда декан бир нече адамдан акча алып жаткан.

УКМК Кылмыш-жаза кодексинин 325-беренеси боюнча ("Пара алуу") сотко чейинки өндүрүштүн алкагында текшерүү иштерин жүргүзгөн. Натыйжада айрым кызмат адамдары пара алууга катыштыгы бар экени аныкталган. Кадрдан аял ар бир студенттен 100 доллардан алса 60 миң доллар таап, үй аларын айтып жатканын угууга болот.

49
Белгилер:
декан, үй камагы, пара алуу, Ош, УКМК
Тема боюнча
Үй алам деп сүйүнүп отургам… Студенттерден пара алган аялдын видеосу жарыяланды
УКМК пара алмакчы болгон милиция кызматкерин колго түшүрдү
Афган күчтөрү Кундуз провинциясындагы согуш талаасында

ЖМК: талибдер Тажикстан менен чектешкен аймакты басып алды

0
(жаңыланган 16:21 23.06.2021)
Афганистан бийлигинин 134 жоокери куралдуу кагылышка туруштук бере албай калгандыктан Тажикстандын аймагына кире качууга аргасыз болушкан.

БИШКЕК, 23-июн. — Sputnik. "Талибан"* согушкерлеринин кыймылы Афганистандын түндүгүндөгү маанилүү аймактардын катарына кирген Кундуз провинциясын көзөмөлдөп, анын борборун курчоого алды. Бул тууралуу Аль-Жазира телеканалы жергиликтүү бийлик органдарына шилтеме берип кабарлады.

ЖМКнын маалыматына караганда, бул провинция үчүн согуштук аракеттер жекшемби күнү башталып, дүйшөмбүдө талибдер райборборду басып алышкан. Кийинчерээк алар Кундуз провинциясындагы Афганистан менен Тажикстандын ортосундагы башкы чек ара өткөрмөсүн ээлеп алышкан.

"Тилекке каршы, бүгүн эртең менен талибдер Шир-Хан портун, шаарды жана Тажикстан менен чектешкен жердеги бардык постторду басып алышты", — деди провинция кеңешинин мүчөсү Халиддин Хакми.

Бул маалыматты талибдердин өкүлү Забиулла Муджахид дагы тастыктады. Анын айтымына караганда, учурда талибдер Шерхан-Бандар менен Кундуздагы чек ара өткөрмөлөрдүн бардыгын көзөмөлдөп жатат.

Ал эми Тажикстандын УКМКсынын Чек ара кызматы 22-июнь күнү Афганистан Ислам Республикасынын 134 жоокери куралдуу кагылышка туруштук бере албай "Пяндж" чек ара отрядынын төртүнчү заставасы аркылуу Тажикстандын аймагына киргенин кабарлады. Тажик чек арачылары афган жоокерлерин тоскоолдуксуз өткөргөн.

"Тажикстан менен Афганистандын чек ара линиясындагы абал чыңалып турат. Акыркы 10 күн аралыгында Афганистандын Тажикстан менен чектешкен жерлеринде өкмөттүк жана "Талибан" кыймылынын күчтөрү кагылышты", — дешти Тажикстандын УКМКсынан.

Акыркы маалыматтар боюнча, афган жоокерлеринин төртөө жарадар болуп, бирөө каза тапкан. Ал эми Шерхан-Бандарда талибдер тарабынан өлтүрүлүп жана туткунга алынгандардын саны жүздөп саналат.

* Кыргызстанда, Россияда жана башка бир катар мамлекеттерде ишмердүүлүгүнө тыюу салынган экстремисттик уюм

0
Белгилер:
чек ара, Тажикстан, согуш, Талибан, Афганистан
Тема боюнча
АКШ Кабулду Түркияга табыштады... Талибдер кандай кабылдайт?
Кыргыз-тажик чек арасындагы жаңжал. Чыгымдын так суммасы жарыяланды