Көчөдө бараткан мектеп окуучулары. Архив

Бишкектеги мектептин баары карантинге жабылды

686
(жаңыланган 15:40 02.12.2016)
Мектептердеги окуу 5-декабрдан 12-декабрга чейин токтотулду. Учурда 93 мектептин 35инде окуучулардын 20 пайыздан ашыгы сасык тумоодон улам сабакка келбей жатат.

БИШКЕК, 2-дек. — Sputnik. Бишкектеги орто мектептин баары карантинге жабылганын мэриянын маалымат кызматынын жетекчиси Гуля Алмамбетова билдирди.

Бүгүн вице-мэр Айгүл Рыскуловнанын жетекчилиги алдында координациялык комитеттин жыйыны өтүп, сасык тумоого байланышкан жагдай талкууланды.

"Ооруга 14 жашка чейинки балдар көп кабылган. Алардын саны 66,8 пайызды түзөт. Арасында 4 жашка чейинки наристелер 41,3 пайызга жетти. Балдардын көбү мектепке келбей жатат. Учурда 93 мектептин 35инде окуучулардын 20 пайыздан ашыгы сасык тумоодон улам сабакка келбей жатат", — деп айтылат билдирүүдө.

Мындан улам аталган жыйында 5-декабрдан 12-декабрга чейин шаардагы мектептердин баарын карантинге жабуу чечими кабыл алынган.

Ал эми бала бакчаларга көзөмөл уланууда.

686
Белгилер:
сасык тумоо, мектеп, карантин, Бишкек
Тема:
Сасык тумоонун өлкө аймагында жайылышы (30)
Тема боюнча
Медиктер Бишкектин бардык мектептерин карантинге жабууну сунуштоодо
Бишкекте медиктер ишемби күнү да иштемей болду
Баткен районундагы турак жайдын фундаментин салуусу. Архив

Кармышаков: курулуш компаниялары баткендиктерге күзгө чейин үй салып берет

6
Экономика министри өкмөттүн атынан өз каалоосу менен үй салып берем деген ишкер, курулуш компанияларынын жетекчилерине ыраазчылык билдирди.

БИШКЕК, 7-май — Sputnik. Өкмөт менен жолугушуу учурунда курулуш компаниялары Баткенде чек ара чырынан турак жайы жок калгандарга 1-сентябрга чейин үй салып берүү ниетин билдиришти. Бул тууралуу министрлер кабинетинин төрагасынын орун басары, экономика жана каржы министри Улукбек Кармышаков Sputnik Кыргызстан агенттигинин маалымат борборундагы брифингде билдирди.

Анын айтымында, азыр качкындардын баарына убактылуу жашап туруу үчүн ӨКМдин чатырлары берилген.

"Президент үй-жайынан ажырагандардын баарына там салып берүү тапшырмасын койду. Бул багыт боюнча министрлер кабинети ишкерлер, анын ичинде курулуш компанияларынын өкүлдөрү менен жыйын өткөрдүк. Алар 1-сентябрга чейин жабыркагандарга бардык шарты менен үй салып берүү ниетин билдиришти", — деди экономика министри.

Кармышаков курулуш компанияларынын бири 30 үй салып берүүнү убадаласа, кээ бири 10, айрымдары 6-8ден там салууну айтышканын белгиледи.

"Жардам берем дегендер көп. Биз алардын баарын чогултуп туура жолго багытташыбыз керек. Республикалык бюджеттен кошумча 700 миллион сом бөлдүк. Анын 200 миллиону талкаланган үйлөрдү калыбына келтирүү үчүн ӨКМге берилсе, 500 миллиону чек ара чырынан жабыркаган башка объектилерди оңдоого жумшалат" — деди ал.

Министрлер кабинетинин төрагасынын орун басары социалдык объектилер республикалык бюджеттин эсебинен оңдоло турганын кошумчалады.

Ал өкмөттүн атынан өз каалоосу менен үй салып берем деген ишкер, курулуш компанияларынын жетекчилерине ыраазчылык билдирди.

6
Белгилер:
чыр, чек ара, курулуш, үй, жардам, Улукбек Кармышаков, Баткен
Тема:
Баткендеги кыргыз-тажик жаңжалы
Тема боюнча
Бийлик чек ара чырынан жабыркагандарга компенсация төлөөгө каражатты кайдан алат
Бир айыл 5 уулун жоготту. Турдубайдын чек арада окко учканын 4 баласы биле элек
Бишкектеги күндүзгү оорукананын медициналык кызматкерлери. Архив

COVID-19: медиктерге компенсация төлөө үчүн 243 млн. сом бөлүндү

10
(жаңыланган 11:50 07.05.2021)
Буга чейин министрлер кабинетинин төрагасы Улукбек Марипов митингге чыккан медиктерге компенсация төлөөгө акча тапканын айткан.

БИШКЕК, 7-май — Sputnik. Республикалык бюджеттен коронавирус инфекциясын жуктуруп алган жана анын кесепетинен каза болгон 1165 медициналык кызматкерге бир жолку акчалай компенсация төлөөгө 243 миллион сом бөлүндү. Бул тууралуу өкмөттөн билдиришти.

Тийиштүү чечимге министрлер кабинетинин төрагасы Улукбек Марипов кол койгон.

Эске салсак, 16-апрель күнү ондогон медицина кызматкери Ак үйдүн жана Өкмөт үйүнүн жанында акция өткөрүшкөн. Алар буга чейин кенемте төлөө жана маянаны жогорулатуу боюнча бийликтин убадаларынын аткарылышын талап кылган.

Митингчилерди биринчи вице-премьер Артём Новиков кабыл алган болчу. Кийин премьер-министр Марипов митингге чыккан медиктерге компенсация төлөөгө акча тапканын айткан.

10
Белгилер:
коронавирус, компенсация, медицина, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Митингге чыккан медиктер менен бийлик кандай келишимге келди
COVID: үч бейтап көз жумуп, 385 киши жуктурду. 7-майга карата маалымат