Дары дармектер. Архив

Сасык тумоону дарылоодогу 5 катачылык

(жаңыланган 12:34 03.12.2016)
Айрым адамдар сасык тумоону оору катары кабыл албай, жумушка барып, кадимки жашоосун улантууга аракет кылат. Сасык тумоо өтүшүп кетсе, башка кооптуу ооруларды козгоп чыгат.

БИШКЕК, 2-дек. — Sputnik. Көпчүлүк адамдар сасык тумоону дарылоодо элементардык каталарды кетиришет. Анын айынын оорусун күчөтүп, бир нече жума бою кыйналып жүргөндөр аз эмес. Мындай пикирин Sputnik Кыргызстан агенттигине медицина илимдеринин доктору, профессор Сапарбү Тобокалова билдирди. 

"Сасык тумоо башталган күндөн тарта басып жүрө бербей, төшөккө жатыш керек. Дене табын атайылап түшүрүп, же антибиотиктерди ичүү туура эмес. Колдон келсе, бир канча күн бою бир бөлмөдөн чыкпай койгон дагы туура. Анткени сасык тумоону басып жүрүп өткөрүү өтө кооптуу. Күчөп кетсе бир айга чейин айыкпайт",—дейт Тобокалова. 

Ошондой эле дарыгер сасык тумоо маалындагы оорулуулар эң көп кетирчү 5 катачылыкты санап берди:

1. Антибиотиктер – сасык тумоону антибиотикти сезбеген вирустар чакырат. Анын үстүнө антибиотиктер организмге пайдалуу бактерияларды өлтүрөт. 

2. Дене табын атайылап түшүрүү – 38,5 градуска чейин көтөрүлгөн дене табын дары-дармек менен түшүрүү туура эмес. Дене табынын көтөрүлүшү организмдин ооруга каршы күчү деп эсептелет.

3. Мончого түшүү – сасык тумоо маалында адамдын дене табы 39-40 градуска чейин көтөрүлөт. Мындай учурда мончого кирүү өтө кооптуу. Организм ысыкты көтөрө албай, мээге кан куюлуп кетиши ыктымал. 

4. Камаарабоо — айрым адамдар сасык тумоону оору катары кабыл албай, жумушка барып, кадимки жашоосун улантууга аракет кылат. Сасык тумоо өтүшүп кетсе, башка кооптуу ооруларды козутат. 

5. Жатып дарылануудан качуу – сасык тумоодон басып жүрүп кутулуу абдан татаал. Ал туптуура 7 күнгө созулган оору. Бир ай жөтөлүп жүргөндөн көрө, бир жума үйдөн чыкпай койгон туура. 

Дарыгердин айтымында, сасык тумоону дарылоого "Интерферон" жана "Арбидол" дарыларына Саламаттык сактоо министрлиги тарабынан расмий уруксат берилген. Бул каражаттардын каршы көрсөтмөлөрү жок. 

Белгилер:
сасык тумоо, дарылоо, дары, Сапарбү Тобокалова
Тема:
Сасык тумоонун өлкө аймагында жайылышы (30)
Тема боюнча
Сасык тумоо менен ооругандар Бишкекте, Талас, Чүй облустарында нормадан ашты
Мэрия: карантин жазгы каникулдун эсебинен толтурулушу мүмкүн
Бишкектеги мектептин баары карантинге жабылды
Сокулук музыкалык мектебинин окуучусу Адинай Жумакадырова комуз белекке алды

Президенттен комуз сураган Адинай белегин алды. Сүрөт

(жаңыланган 18:57 20.04.2021)
Өзүмдүн өрүк комузум болсо деп кыялданган окуучу кыз президентке кат жазып көрүүнү чечкен. Мамлекет башчы Адинайдын өтүнүчүн жоопсуз калтырган жок.

БИШКЕК, 20-апр. — Sputnik. Сокулук музыкалык мектебинин 3-класстагы окуучусу Адинай Жумакадырова мамлекет башчы Садыр Жапаровдон комуз белекке алды. Бул тууралуу президенттин аппаратынан билдиришти.

  • Сокулук музыкалык мектебинин 3-класстагы окуучусу Адинай Жумакадырова мамлекет башчы Садыр Жапаровдон комуз белекке алды
    © Пресс-служба президента КР / Султан Досалиев
  • Маалыматка караганда, тестиер кыз Нооруз майрамына карата президентке кат жолдоп, өрүк комуз белек кылууну суранган
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Сокулук музыкалык мектебинин 3-класстагы окуучусу Адинай Жумакадырова мамлекет башчы Садыр Жапаровдон комуз белекке алды

Маалыматка караганда, тестиер кыз Нооруз майрамына карата президентке кат жолдоп, өрүк комуз белек кылууну суранган.

Бүгүн, 20-апрелде, президенттин аппаратынын гуманитардык өнүктүрүүгө мониторинг жүргүзүү жана жарандык коомдун институттары менен өз ара кызматташуу бөлүмүнүн башчысы Кудайберген Базарбаев Адинайдын өтүнүчүн аткарып, президенттин атынан ага комуз белек кылды.

"Адинайдын жолдогон каты дарегине жетти. Бүгүн биз Садыр Жапаровдун атынан улуттук музыкалык аспапты Адинайга белекке тапшырып жатканыбызга кубанычтабыз. Комуз өрүктөн жасалган. Мамлекет башчы Адинай мыкты музыкант болуп, эл аралык конкурстарда өлкөнүн атынан чыгат деген чоң үмүтүн билдирди", — деди Базарбаев.

Ал эми жаш музыканттын апасы Асел Асаналиева президентке кат жазуу кыздын жеке идеясы болгонун айтты.

Кыргызстандын президенти Садыр Жапаров. Архив
© Пресс-служба президента КР / Султан Досалиев
"Адинай бала кезинен эле музыкага, комузга өзгөчө жакын. Ар дайым өзүмдүн комузум болсо деп кыялданчу. Кыялын ишке ашырууга аракеттенип, президенттен суроону чечкен. Көп өтпөй эле комуз белекке берилери жөнүндө кабарлашты", — деди ал.

Адинай аспапка аяр мамиле жасап, көрүнүктүү комузчу болуш үчүн болгон күч-аракетин жумшарын белгиледи.

Тема боюнча
Жапаров: Бишкек баатыр ырыс жылоологон касиеттүү адамдардан болгон
Бишкектеги көп кабаттуу үйлөрүнө көрүнүш. Архивдик сүрөт

Бишкектин айрым бөлүгүндө электр жарыгы болбойт. График

(жаңыланган 17:53 20.04.2021)
Электр энергиясы баш калаанын көчөлөрүндө да, конуштарда да өчүрүлөт. Бул оңдоо иштерине байланыштуу экени айтылды.

БИШКЕК, 20-апр. — Sputnik. Эртең, 21-апрелде, Бишкектин бир катар районунда электр энергиясы өчүрүлөт. Маалымат "Түндүк электр" ишканасынын сайтына чыкты.

Бул күнү мекеменин кызматкерлери турак үйлөрдүн чубалгыларын, трансформаторлорду оңдоп, бак-дарактарды бутайт.

График:

  • 9:00дөн 17:00гө чейин — Токтоналиев көчөсүндөгү №320 үй жана Тынчтык конушунда;
  • 9:00дөн 18:00гө чейин — Чүй жана Манас проспектилеринде, Калык Акиев көчөсүндө, Жаш гвардия, Фрунзе, Исанов, Мурманский көчө кесилиштеринде жана Балбан-Таймаш конушунда;
  • 9:30дан 17:00гө чейин — №9 кичи райондогу №6 көп кабаттуу үйдө жана №10 кичи райондогу №21/1 үйдө;
  • 9:30дан 18:00гө чейин — Жибек жолу проспектисинде жана Тоголок Молдо көчөсүндө;
  • 9:30дан 19:00гө чейин — №5 кичи районунун айрым бөлүгүндө (№2-5, 19/2, 19/3 үйлөрдө);
  • 9:40тан 18:00гө чейин — Гоголь көчөсүндөгү №92 үйдө жана Огонбаев көчөсүндөгү №222 үйдө;
  • 10:00дөн 17:00гө чейин — Бакай-Ата конушунун айрым бөлүгүндө (Алмамбет жана Бакай-Ата көчөлөрү);
  • 13:00дөн 17:00гө чейин — Аламедин-1 кичи районундагы №3 үйдө.
Белгилер:
оңдоо, өчүрүү, "Түндүк Электр" ишканасы, электр энергиясы, Бишкек
Тема боюнча
Эртең Бишкектин бир нече конушунда жарык өчүрүлөт. График