Объявление о карантине в одном из медицинских учреждений Бишкека. Архивное фото

Чүйдө дагы 24 мектеп карантинге жабылды

68
(жаңыланган 15:17 07.12.2016)
Кыргызстандын аймагында грипп менен сасык тумоого кабылгандардын саны арбып жатат. Өткөн жумадан тарта мектептер карантинге жабыла баштады.

БИШКЕК, 7-дек. — Sputnik. Чүй облусунда 7-декабрга карата жалпы 67 мектеп жабылды. Бул тууралуу Sputnik Кыргызстан агенттигине облустун ыйгарым укуктуу өкүлүнүн маалымат катчысы Жылдыз Шеримбекова билдирди. 

Кыргызстандын аймагында грипп менен сасык тумоого кабылгандардын саны арбып барат. Буга байланыштуу өткөн жумадан тарта мектептер четинен карантинге жабыла баштады. 6-декабрга карата республика боюнча 141 мектеп жабылган.

"Учурда Чүй облусу боюнча жалпы 67 мектеп карантинге жабылды. Тагыраагы, Ысык-Ата менен Аламүдүн райондорунда — 23, Панфиловдо — 9, Сокулукта — 7, Жайылда — 4 жана Москва районунда — 1 мектеп жабылды. Ал эми карантинге жабылган бала бакчалардын саны төрттөн тогузга өстү", — деп билдирди Шеримбекова. 

Анын айтымына караганда, профилдик органдар кырдаалды көзөмөлгө алып жатат. Алар ооругандардын саны арбыган мекемелер аныкталса карантинге жабуу зарылдыгы боюнча билдирме берет. 

68
Белгилер:
карантин, мектеп, Чүй облусу
Тема:
Сасык тумоонун өлкө аймагында жайылышы (30)
Тема боюнча
Жалпы республика боюнча 141 мектеп карантинге жабылды
Cасык тумоо боюнча абалды өкмөт өзгөчө көзөмөлгө алды
Спорттук комментатор, граундхоппер Бексултан Усеналиев

Усеналиев: граундхоппингге кызыгып дүйнөнү кыдыргандар көбөйдү

3
Спорттук комментатор, граундхоппер Бексултан Усеналиев өлкөдө граундхоппинг аркылуу футболдук стадиондорго барып, дүйнөнү кыдыргандардын саны көбөйүп жаткандыгын айтты.

Дүйнөнүн белгилүү граундхопперлери Кыргызстандагы футболдук беттештерге катышып, стадиондорду каттап кеткендер бар. Мындай пикирин Бексултан Усеналиев Sputnik Кыргызстан радиосунун эфиринде маек куруп жатып билдирди.

Усеналиев: граундхоппингге кызыгып дүйнөнү кыдыргандар көбөйдү

Анын айтымында, граундхопперлер футбол көрүп, стадиондорду гана каттабастан башка элдердин маданиятын, тарыхын өздөштүрүүгө жакшы мүмкүнчүлүк алышат.

"Граундхоппинг – футболдук саякаттын бир түрү. Бул түшүнүктүн максаты башка өлкөгө стадионго барып, футбол көрүп, ошол жерди каттоо дегенди билдирет. Бирок жөн гана стадионго кирүү эмес, ал элдин маданиятын, тарыхын өздөштүрүү мүмкүнчүлүгү бар. Демек, граундхоппинг аркылуу дүйнөнү кыдырса болот. Жалпак тил менен айтсак, стадиондорду коллекциялоо. Бул кыймыл Англияда пайда болгон. "Бристоль Сити" клубунун күйөрманы Англияда болгон 92 футболдук беттешке барып, стадиондорду белгилеген. Бул жетишкендикти каттоо максатында гезит ачып, ийгилиги тууралуу бөлүшкөн. Анын эрдигине суктанып, башкалар да стадиондорду кыдыра башташкан. Өлкөдө фанатизм маданиятына кызыккандар бул кыймылды жакшы түшүнөт. Кыргызстанда мындай адамдардын башын бириктирген уюм жок. Болгону "граундхоппер" деген тиркемени смартфонго көчүрүп алып, барган стадионду, оюнду, шаарды белгилеп каттап коёбуз. Бизде кыймылга активдүү катышкан 4-5 адам бар. Мисалы, Дөлөн Өмүрзаков атындагы стадионго дүйнөнүн кайсы өлкөлөрүнөн граундхопперлер келгендигин кароого болот", — деди Усеналиев.

Ошондой эле ал Кыргызстан европалыктар үчүн абдан кызыктуу өлкө деп эсептелерин кошумчалады.

3
Белгилер:
Бексултан Усеналиев, саякат, футбол
Тема боюнча
Жетим өсүп жетилген. Башкы стадионго аты берилген Дөлөн Өмүрзаков деген ким?
Жайлоо. Архив

Прокуратура: Ысык-Көлдөгү менчиктелип кеткен жайыт мамлекетке кайтарылды

24
(жаңыланган 12:13 14.05.2021)
2015-жылдын жай айларында жайыт катары эсептелген 3 086 000 сомдук жер райондук соттун чечими менен менчикке өтүп кеткен.

БИШКЕК, 14-май — Sputnik. Ысык-Көл облустук прокуратурасы менчикке өтүп кеткен 3,48 гектар жерди аныктап чыгып, аны кайра мамлекетке кайтарды. Бул туурасында Башкы прокуратуранын маалымат кызматынан кабарлашты.

"Ысык-Көл райондук сотунун чечими менен 2015-жылдын жай айларында жайыт катары эсептелген 3 086 000 сомдук жер К.А. аттуу жарандын менчигине мыйзамсыз берилип кеткен. Прокурордук текшерүүнүн жүрүшүндө бул фактылар ачыкка чыкты", — деп айтылат маалыматта.

3,48 гектар жайытты мамлекетке кайтарып бериш үчүн Ысык-Көл облустук прокуратурасы доо арыз менен облустук сотко кайрылган. Апелляциялык инстанциядагы сот прокурордук чара көрүү актысын толугу менен канааттандырган. Анын натайжасында кыймылсыз мүлк мамлекеттин карамагына өткөрүлгөн.

24
Белгилер:
менчиктештирүү, чечим, жер, сот, прокуратура, Ысык-Көл району, Кыргызстан
Тема боюнча
Прокуратура: Таластагы жайыт, Нарындагы жер тилке мамлекетке кайтарылды