Манас аэропортундагы учак. Архив

Кыргызстан КМШ мамлекеттери ичинен Европанын кара тизмесиндеги жалгыз өлкө болуп калды

565
Буга чейин Европа Биримдигинин "кара тизмесине" Кыргызстан менен Казакстандын авиакомпаниялары кирген. Бүгүн Казакстандын авиакомпаниялары аталган тизмеден чыгарылганы маалым болду.

БИШКЕК, 8-дек. — Sputnik. Европа комиссиясы бүгүн Европа Биримдигине мүчө мамлекеттердин аймагына учуп келүүгө тыюу салынган авиакомпаниялардын жаңыланган "кара тизмесин" жарыялады. Жаңы тизмеде КМШ мамлекеттеринин ичинен Кыргызстандагы авиакомпаниялар гана калган.

Буга чейинки тизмеде Казакстандагы Air Astana авиакомпаниясынан башка бардык компаниялар кирген болчу. Эми алардын бардыгы чыгарылды. Тыюу салынган 18 мамлекеттеги 193 компаниянын 13 Кыргызстанда катталган.

Ошол эле учурда Жарандык авиация агенттигинин директорунун орун басары Бакыт Жунушалиев постсоветтик өлкөлөр арасындагы тизмеде Кыргызстан менен Казакстандын авиакомпаниялары акыркы орундарда туруп келгенин белгиледи. Эми болсо Кыргызстандын гана авиакомпаниялары калган.

"Биз кара тизмеден чыгуу аракеттерин көрүп жатабыз", — деп кошумчалады Жунушалиев.

"Кара тизмеден чыгуу" жаңы аба каттамдарына жол ачуу менен чектелбестен камсыздандыруу төлөмдөрүн азайтуу менен учактардын ижара баасын арзандатат. Себеби учак берүүчүлөр менен камсыздандыруу компаниялары "кара тизмеге" киргендерге абайлап мамиле жасашат.

Кыргызстанда кайсы аэропорт жабылышы ыктымал, канча учак "конушу" бар, аба кемелеринин саны канча, учкучтар жетиштүүбү деген суроолорго жоопту Sputnik Кыргызстан инфографикасынан караңыз>> 

565
Белгилер:
авиакомпания, кара тизме, Европа, Кыргызстан
Тема боюнча
Жердин үстү, көктүн алды менен... Жарандык авиациянын жагдайы
Эрмек Өмүралиев: Кыргызстандан дүйнөнүн 25 шаарына учабыз
Орто-Сай базарындагы жайма базар. Архив

Күчүм жетпей жатат! Түлөбаев жайма базар боюнча УКМКга кайрылганын айтты

55
(жаңыланган 00:06 26.01.2021)
Түлөбаев "Ош" базарында болгон окуя сыяктуу көрүнүштөргө жол берилбеши керектигин айтты. Буга чейин соцтармакта сатуучунун мэрия кызматкери жана милиционер менен тирешкен видеосу тараган.

БИШКЕК, 25-янв. — Sputnik. Мэрдин милдетин аткаруучу Балбак Түлөбаев базардын айланасында товарларды жайып саткандар менен күрөшүү үчүн УКМКдан жардам сураганын билдирди.

Ал бул боюнча Улуттук коопсуздук мамлекеттик комитетинин башчысы Камчыбек Ташиевге кат жиберген.

Ошондой эле Түлөбаев "Ош" базарында болгон окуя сыяктуу көрүнүшкө жол берилбеши керектигин айтты. Буга чейин социалдык тармакта рейд учурунда сатуучунун мэриянын кызматкери жана милиционер менен тирешкен видеосу тараган.

"Билем, саботаж кылып жатышат, айтканды укпай жатышат. Мындай да, тигиндей да айттык, болбой жатышат. Эки күн мурун Камчыбек Кыдыршаевичтин атына кат жибердим. Менин күчүм жетпей жатат, мага жардам бергиле дедим. Жайма базар менен күрөшүүгө топ жибериңиз деп өтүндүм. "Ош" базарынан, "Аламүдүн" базарынан акча чогултуп жаткан чагымчылдар тууралуу билебиз. Кат келеби, жокпу билбейм, биз катуу иштейбиз. Болду эми, жакшы эле кечириштик", — деди Түлөбаев.

Шаар башчысынын милдетин аткаруучу сатуучуларды базардын ичине кирип соода кылгыла деп айтып жатканын жана ал жакта орундар бар экенине ишендирди.

55
Белгилер:
жайма базар, мэр, Балбак Түлөбаев, УКМК, Бишкек
Тема боюнча
Садыр Жапаров мэр Балбак Түлөбаевге эки тапшырма берди
Мурдагы вице-премьер Алтынай Өмүрбекова. Архив

Финполго Алтынай Өмүрбекова менен Аида Исмаилова чакырылганы айтылды

129
(жаңыланган 22:46 25.01.2021)
Өкмөттүн пандемия маалындагы иши боюнча буга чейин мурунку премьер-министр Кубатбек Боронов сурак берип, күбө катары чакырылганын айткан.

БИШКЕК, 25-янв. — Sputnik. Мурдагы вице-премьерлер Алтынай Өмүрбекова менен Аида Исмаилова өкмөттүн пандемия маалындагы иши боюнча Экономикалык кылмыштарга каршы күрөшүү кызматына суракка чакырылды. Бул тууралуу укук коргоо органдарындагы ишенимдүү маалымат булагы билдирди.

Вице-премьер-министр Кыргызской Республики Аида Исмаилова на заседании Жогорку Кенеша в государственной резиденции Ала-Арча
© Sputnik / Табылды Кадырбеков
Мурдагы вице-премьер-министр Аида Исмаилова

Алардын айтымында, Исмаилова эртең, 26-январь саат 09:30га, ал эми Өмүрбекова саат 15:00гө чакырылды. Финпол азырынча комментарий бере элек.

Өмүрбекова 2018-жылдан 2020-жылга чейин вице-премьер болуп иштеген. Исмаилова болсо ал кеткенден кийин апрель айынан октябрга чейин бул кызматты аркалаган.

Ушул иш боюнча буга чейин өкмөттүн мурунку башчысы Кубатбек Боронов сурак берип, күбө катары чакырылганын айткан.

Андан мурда Экономикалык кылмыштарга каршы күрөшүү кызматынын жетекчиси Сыймык Жапыкеев пандемия маалында адамдардын массалык түрдө каза болушуна премьер-министрлер жана вице-премьерлер жооп берерин айткан. Ошондой эле ал медикаменттер, жеке коргонуу каражаттары, тез жардам унаалары кымбат баада алынгандыгы териштирилип жатканын кошумчалаган.

129
Белгилер:
сурак, Аида Исмаилова, Алтынай Өмүрбекова, финансы полициясы
Тема боюнча
Жапыкеев: пандемияда иштеген аткаминерлердин баары сурак берип, көбү камалат