Эгемен Кыргызстандын журналистикасынын чыйыр салуучуларынын бири, калеми күчтүү журналист, саясатчы, коомдук ишмер, Жогорку Кеңештин 3-чакырылышынын депутаты, азыркы кыргыз басма сөзүндө эмгектенген журналисттердин жоон тобунун устаты Мелис Эшимкановдун архивдик сүрөтү

Бүгүн Мелис Эшимканов 54 жашка толмок…

1141
(жаңыланган 19:42 09.12.2016)
Кыргыз эркин басма сөзүнүн патриархы Мелис Эшимканов көзү тирүү болгондо бүгүн, 9-декабрда 54 жашка толмок…

БИШКЕК, 9-дек. — Sputnik. Эгемен Кыргызстандын журналистикасынын чыйыр салуучуларынын бири, калеми күчтүү журналист, саясатчы, коомдук ишмер, Жогорку Кеңештин 3-чакырылышынын депутаты, азыркы кыргыз басма сөзүндө эмгектенген журналисттердин жоон тобунун устаты Мелис Эшимканов бүгүн 54 жашка чыкмак. Маркумду эскерүү ниетинде калемгердин 1990-жылдардан берки жазган макалаларын, соңку маектерин шакирти Айнагүл Сапарбек кызы барактап чыкты.

Мелис Эшимканов өз баамында ким болгон?

  • Акыйкатты издеген
  • өз касы өзү гана деп билген
  • жылы барс, айы – жаангер болгон
  • алгачкы иши – заводдо жүк ташыгыч эле
  • журналистикага кирбегенде айылда койчу болмок
  • эңсеп жазган темасы – Акыйкат, Сүйүү, Эркиндик
  • Акыйкат жолуна түшкөндөргө суктанган
  • Кудай-Атаны сүйгөн
  • адамзаттын сокурдугуна күйгөн
  • чыныгы досторду тапканына кубанган
  • топтогон күнөөлөрү үчүн уялган
  • жашоонун азгырыктарынан баш тартканына каниеттенген
  • жакшы көргөн адамдарын ойгото албаганына өкүнгөн
  • Асмандан түшкөн ыйык китептерди окууну самаган
  • денесин, мээсин, жан дүйнөсүн тазалоону тилеген
  • өлбөстүктөн айрылуудан корккон
  • жалгыздыкты жактырган.

("Асаба" гезитинин 8.11.1996 санындагы анткета боюнча жазылды) 

Оппозиционный митинг в Бишкеке
© Sputnik / Владимир Воронин
Эшимкановдун "ички дүйнөмдө акыркы жылдары жарандык согуш күчөп кетти", — деп жазганы бар бар...

Жакшынын жакшыдай балээси

Атамзамандан бери эки жакшынын биригиш проблемасы далай акылмандардын тишин сындырып келген. Конфуций менен Лаоцзынын, Фолькнер менен Хемингуэйдин, Достоевский менен Толстойдун, Айтматов менен Токомбаевдин "эки кочкордун башы бир казанга кайнабаган" карама-каршылыгы ойлонтпой койбойт. Бир жагынан түйүнү чечилбес табышмактай туюлса, экинчи жагынан, мыктылардын, жакшылардын натурасы, кулк-мүнөзү ошончолук чиеленгендей татаал, кайталангыс, айтканын бербес көктүгү, башкаларга ачылгысы келбеген сыр дүйнөсү — башкы тоскоолдукпу деген ниет кетет. Демек, жакшынын жакшыдай балээси болоору да закон ченемдүү көрүнүш окшобойбу.

"Асаба", 1993-ж. 28-октябрь 

Кыргыздын дили

Атасын өлтүргөнгө энесин алып берген кыргыздын тегин эл эмес экенин түшүнгөн киши түшүнөр. (Улуттун улуулугу — төшүн койгулап, ач айкырыкты салып мактанганында эмес, башкаларга тыңсынып короздонгонунда эмес — атасын өлтүргөнгө энесин алып берген дилинин актыгында, жер менен жер болгон жөнөкөйлүгүндө, дүйнөң дүңгүрөп жатса да тоотуп койбогон момундугунда болуп жүрбөсүн?)

Ошол үчүн акыр заманды элестеткен азыркы мезгилде алдастабай, түпкү башатыбызга кайрылып баралы. Манас, Толубай, Жээрен Чечен, Асан Кайгы, Калыгул, Арстанбек, Молдо Кылыч, Токтогул аталарыбыздын баскан жолу гана адашканыбыздан куткарар деп мында бир жаманыңар улуттук стратегия жөнүндө улуп-уңшуп туру.

"Асаба", 1993-ж. 18-февраль

Кайда баратабыз?

Чөнтөгүбүз гана эмес, жан дүйнөбүз укмуш кедейленди. Түндүк менен Түштүк, партократ менен демократ, колхозчу менен фермер, коммерсант менен жакыр, номенклатура табы менен каратамандар табы болуп экиге бөлүнүп карсылдашып, бири-бирибиздин үнүбүздү укпай, оорулуулардын онтогонун, бөбөктөрдүн ыйын, карыялардын үшкүрүгүн, тамтыгы чыккан табиятыбыздын таарынган доошун көргүбүз жок, сезгибиз жок. Кайда баратабыз, эки бутту, кара баштуу пенделер? Өзүбүздүн ичибизден жыландай соймоңдоп чыккан ачуу амбицияларды токтотконго алыбыз жетпей, журтубузду кара туман каптап, бири-бирибиздин каныбызды төккөндө кеч болуп калып жүрбөсүн? Байлык, бийлик деп жүрүп арка-мойнубуз артыбызда калбасын?

"Асаба", 1993-ж. 23-сентябрь 

Кыргызский общественный деятель, журналист Мелис Эшимканов. Архивное фото
© Фото / из семейного архива Мелиса Эшимканова
Кесиптештери туулган күнүнө кылган белекти — сүрөттөрдүн топтомун карап отурган учуру

Лидер бирөө эле

Чынгызхан. Наполеон, Ленин, Гитлер, Сталин сыяктуу дөө-шаалардын арбагын козгоп, оппоненттерим адамзат журт атасыз жашай албастыгын, бардыгыбыз лидерликке умтулганда гана бакубат жашоо келерин саймедирешет. Мен тырышып көнбөйм: мансапка, байлыкка жетиш үчүн бей-бечараларды тебелеп жеткен эркечтигиңден не пайда? Лидер бирөө эле – КУДАЙ – АДАМ! Анын саясатын жүргүзгөн Иисус Христостун, Будданын, Конфуцийдин, Пифагордун, Мукамбет пайгамбардын, Сократтын, Ильиндин жолуна сөз менен эмес, иш жүзүндө түшкөндө гана балким, адамзат өзүн аман сактап калаар?..

"Асаба", 1995-жыл, 13-19-январь

Ким калган бул дүйнөдө түркүк болуп…

Чынында эле эч нерсе кокусунан болбойт экен. Күтүүсүздүк дайыма күтүлүү. Тарыхты кара. Журт аталарын кара. Калмак менен кагышып, алакандай кыргызын сактайм деп кабылан Манас өткөн дүйнөдөн. Жер шарынын жарымын басып алса да, акырында өлбөстүктүн мүрөк суусун сурап Чыңгызган өткөн дүйнөдөн. Томояктардын башына бакыт кушун кондурам деп Ленин өткөн дүйнөдөн. 50 миллион пенденин башын жутуп Гитлер өткөн дүйнөдөн. Туткунга түшкөн баласын генералга алмашпай коюп, Сталин өткөн дүйнөдөн. Тили тантырап калганча Мавзолейден түшпөгөн Брежнев өткөн дүйнөдөн… Бардыгынын төрөлгөндөн мүрзөгө чейинки өмүрү Кудай тарабынан пешенелерине жазылыптыр. Кана, кимиси эмне калтырды? Атак-даңкпы? Байлыкпы? Элимди жыргалга бөлөп салдым деген жалган иллюзиябы? Анда не жандарын кечкенче тырбалаңдашты, жек көрүнүштү шордуулар?

1997-жыл, 10-сентябрь

Улуулардын улуулугун айт

Хансарайын таштап, жер кезип, адам болуунун кандай кыйын экенине көзүнөн кан агызган Будданын ыйын айт, Понтий Пилаттын "Акыйкат деген эмне?" деген кылым көтөрө алгыс суроосуна унчукпай жооп берген Иисус Христостун эрдигин айт, "Бей-бечаралык – менин байлыгым" деген Мукамбет пайгамбардын момундугун айт, аңкоо падышаларга теңелбей, миллиарддаган калкы менен океандай мелмилдеген Кытайга улуу жакшылыктын үрөнүн сээп, өлбөс-өчпөс идеология, философияны мураска калтырып кеткен Конфуцийдин тереңдигин айт, "Я знаю, что я ничего не знаю" деп гана койгон Сократтын билимдүүлүгүн айт, орустун бийлик төбөлдөрү 20 жыл муздак түрмөгө камап койсо да айтканынан кайтпаган Николай Ильиндин кайратын айт!.. Эми ошол ыйды укпаган, эрдикти түшүнбөгөн, момундукту туйбаган, тереңдикти сезбеген, билимдүүлүктү ажыраталбаган, кайратты билбеген, көзү сокур, кулагы дүлөй, көкүрөгү караңгы, бараткан жолу мунарык – адамзаттын жиндилигин айт дебейсиңерби?!

"Асаба", 12-сентябрь, 1997-жыл, №36 

Кыргызский общественный деятель, журналист Мелис Эшимканов. Архивное фото
© Фото / из семейного архива Мелиса Эшимканова
Пир туткан адамы Кердегей – Кубатбек Жусубалиев менен

Бешенеге жазылган чыйыр бар

Жараткандын жазмышынан эч кайда качалбайсың. Адамдын качан, каерде туулганы, чоңойгону, тарбиясы, сүйүүсү, үйлөнгөнү, окуусу, иштегени, жаңылганы, белес ашканы, кырсыктаганы, ооруганы, байыганы, чүнчүгөнү, карыганы, өлгөнү – бардыгы буйруктан болоорун дайыма эстен чыгарып коймой пендечилигибиз бар. Кокустукту айланып өткөнгө, тагдырдын тайгүлүк ташын каалагандай чимиргенге машпыз. Улуу эгоизмдин кулуна айланган, улуу азгырыктардан мээси тегеренген, Кудайын тааныбаган адамзаттын азыркы дейди кебетесине таарынып, наалып эмне кылабыз десең. Күтүүсүздүк дайыма күтүлүү деп күңгүрөнгөнүм ошондон.

"Асаба", 10-сентябрь, 1997-жыл

Саясатчылардын тиби

Ишкер жана коомдук ишмер Табылды Эгембердиев. Архив
© Фото / предоставлено пресс-службой ЗАО "Шоро"
Үлкөн саясатчылардын эки түрүн билебиз. Биринчиси — өзүнүн пенделик көрсезимин тизгиндеп, майда таарынычтарын, чынжырлаган эгоизмин жеңип, кемчиликтерин моюнга алуу менен, кечиримдүүлүгү, айкөлдүгү аркылуу жансырдаштарын көбөйтүп, атүгүл келишпес душмандарын да өзүнө тартып, доско айланткан мыктылар. Экинчиси — тескерисинче, бийликтен көзү тунарып, кошоматчыларынын мактаган одаларына ишенип, өзүн эң кыйын, эң акылман, эч кимге алмашкыс, тактыдан түбөлүк түшпөчүдөй эч качан өлбөчүдөй сезилип, кечээ эле өбүшүп, туз даамдашып, жакшылыгын көрүп жүргөн адамдарын унутуп, тизмеден чийип, жинге тие берсе ач дөбөттөрүнө талатып, ымалаш досторун заматта душманга айлантып ийген мыкчегерлер. Бул эки топтогулардын кимисин кандай тагдыр күтөрү адамзат тарыхында миллион ирет жазса да, улам кийинки муундагы журт аталары сабак алгандын ордуна, миллион ирет тигилердин жолун кайталагандан чарчабады.

"Асаба", 10-октябрь, 1997-жыл

Көңүл калуу

Коркконум ордунан чыкты. Эки жээктин ортосу мурдагыдан да алыстады. Муздак дубалды уратуу боюнча ойлорум ойрондолду. Эл менен бийликтин, бийлик менен оппозициянын мамилесиндеги жараканы бүтөмөй, көпүрө курмай, элдештирмей, атамзамандан келаткан айкөлдүк, кечиримдүүлүк, сабырдуулук касиеттерибиз менен бири-бирибизди угуу, түшүнүү аракеттерине байланган чолок кыялдарым, иллюзияларым кум сепилдей урап түштү.

"Агым" 19-апрель, 2002-жыл 

Кыргызский общественный деятель, журналист Мелис Эшимканов. Архивное фото
Оппозицияда. Ошол кездеги пикирлеш үзөңгүлөштөрү менен кезектеги митинг учурунда

Агым

Агымга каршы сүзүш өлө кыйын. Турмуштук агымды айтып жатам. Айыл-апанын салтыбы, урук-тууганыңдын адатыбы, жердештериңдин каадасыбы, күнүмдүк оокатта, жаның баккан жумушуңда, дайыма аралашкан акчабай, саясат, чыгармачылык, илимий, кумарпоздук чөйрөңдөбү, атүгүл сүйүү майданындабы, айтылбаган, жазылбаган, указ менен бекитилбеген эрежелер жашайт, толкундары өркөчтөнгөн, сүрү опкоолжуткан, шоокуму кулак тундурган дарыянын Агымы сымал. Нугунан оңой менен чыгалбайсың. Кошо агасың. Чайпалып, жоошуп, удургуп, соолуп, ашып-ташып. Эр болсоң, жалпы чектен чыгып көр… Адегенде маңдайыңан сыпайы сылашат: "Эл эмне де-ейт?" деп. Ага ынабай эле тейтеңдеп тескери сүзсөң – чокудан ары чокмор жеп калар күнүң алыс эмес. Мында да акылыңа келбесең, төө бастыга ырайымсыз алынарыңды, чыккынчы, душман аталарыңды, агымдын ыйык багытын бузган журтбезер катары жээкке биротоло сүрүлүп калышыңды унутпа, кагылайын бурадар?

"Агым", 20-август, 2002-жыл

Мектеп

Турмуштун мектебинен өтүп койбосоң да адамдык өсүштүн ак-карасын ажырата албайсың.

"Агым", 23-август, 2002-жыл

Бир чындык бар

Бир артыкчылыгым — эч качан акчанын бар-жогуна кайгырбайм. Анткени, бул маңдайга жазылган тагдыр, Кудай берген ырыскы. Негизи эле, адамзат, анын ичинде кыргыздын түбүнө жете турган дал ушул байлык, мансап талаш. Бир чындык бар – биз баарыбыз жылаңач келип, жылаңач кетебиз. Залкар деген, өлбөс деген Чыкем өттү, Дооронбек аке өттү. Кечээ эле жерге берген маэстробуз — Асанхан Жумакматовдун үйүнө бардым. Өтө жупуну, карапайым жашаган адам экен. Үч класс билими бар жер кепеде жашаган кемпир бактылуубу же 30-40 млрд. доллары бар дүйнөлүк олигарх бактылуубу, бул аябай талаш маселе. Ошонүчүн арбир адам өз бактысын материалдык көрдүйнөдөн эмес, ички, жандүйнө байлыгынан издегени туура. Жараткан мени жакшы көрөбү, же тагдырдын эрке баласымынбы, билбейм. Кызыгы, мен бүгүн бирөөгө аңдап-аңдабай, чын пейилден бир сом жардам кылсам, көп узабай, күтпөгөн жерден 10 сом болуп, бергеним он эселеп кайрыла берет.

Түбөлүк күрөш же Мелис ким?

Өзүм менен өзүмдүн күрөшүм терең. Аны эл билбей эле койсун. Күндө, Асманда турган Кудай Киши гана айта албаса, жакшымын-жаманмын, апакаймын-чочкомун, итмин-кушмун деп айта албайм. Өз билген акыйкат, өз билген туюмум менен, кылдырап күрөшүп келем. Бул менин эч кимге айткыс сырым. Мен кыйынмын десем сөккөндөр, мен байкушмун десем какшыктагандар четтен чыгат. Мүнөзүм, турган-турпатым боюнча өтө катаал, татаал, карама-каршылыктуу адаммын. Менде авантюристтик да, романтик да, жакшысы да, жаманы да аралашкан, бүгүнкү оош-кыйыш заман келбетиндеги адамдын образы чогултулган. Башка маселе, жакшыргым келет, тазалангым келет. Кимдин болбосун, көзүнө тике карап айта алам, бир артыкчылыгым — эң бир жек көргөн душманыма да жамандык тилеп, жамандык жасабайм. Тескерисинче, ал сууга агып баратса, кол суна билген сапатым бар. 

Кыргызский общественный деятель, журналист Мелис Эшимканов во время фотосета
© Фото / из семейного архива Мелиса Эшимканова
Бул адам "мен кайсы бир күнү инфаркттан, арактан же жөн эле баратып чалынып өлсөм да, таңгалбайм", — деп жазыптыр бир кезде

Эртең эң акыркы күнүң дешсе…

Бир нерсе жасап калайын деп жанталашпайт болчумун. Кудайга гана жалбарып, чөк түшүп: "Мейли алып кете бер, бирок, кечир, кечир, кечир!" демекмин.

…Ички дүйнөмдө акыркы жылдары жарандык согуш күчөп кетти. Кайда жүрбөйүн, бул сырткы гана, театрдагы бутафория деп коём. Чындап келсе, ички кагылыштарым абдан оор. Мен кайсы бир күнү инфаркттан, арактан же жөн эле баратып чалынып өлсөм да, таңгалбайм. Анткени, өтө эле опуртал, бычактын мизиндемин. Бирок, жашоону сүйөм, өлбөстүккө ишенем. Миллиарддап киши-макулуктар кырылып калса да, адамзаттын адамдык, абийирдик түйүлдүгү таптакыр жок болуп кетпейт деп толук ишенем. Канча кылым, канча жүз жылдык өтсө да, нечендеген залкарлардын өмүрүнө күбөбүз. Баары темселеп Акыйкат издешкен. Ошол Акыйкат издегендердин үнү, духу, руху бир хорду, бир чындыкты билдирип турат: баары бир адамзат адамзат болгону – ал өлбөс болуп, жеңилбес болуп жаралган. Шайтан акенин жылтылдаган сулуулугу эмес, жасалма философиялык оюнчуктар эмес, бул дүйнөнү Кудайдын эн белги кылып, чекебизге, жүрөгүбүзгө баскан сүйүүсү сактап калат. Ал сүйүүнүн жандырмагын, сырын чечмей — ал экинчи, үчүнчү,..бешинчи маселе.

"Агым" 25.07.2008

Маркум кесиптешибиз Мелис Эшимкановдун бул жазгандарын барактап, акылдын тереңдигине, калемдин кудуретине дагы бир ирет таң бердик. Айрымдары мындан 20 жыл мурун жазылса да, бүгүн да курч, маңызы бүгүнкүгө да шайкеш. Арабызда болбосо да, кесиптештеринин, шакирттеринин бир кездеги окурмандарынын, замандаштарынын эсинде элеси сакталары айныгыс.

1141
Белгилер:
Мелис Эшимканов, журналист, ЖМК
Тема боюнча
Алмаз Касымалиев: эфирден эмнеге кулагыңды чукуйсуң деп айтышкан
2015-жылы Кыргызстанды кайгыртып, дүйнө салган атактуу инсандар

Кыргыздардын тунгуч блокбастери. "Буктурма" тасмасындагы кызыктуу ирмемдер

26
  • Басмачылардын башчысынын ролун аткарган белгилүү актёр Салават Исхаков
  • Кинокартина тоолуу аймакта, республиканын булуң-бурчунда тартылган
  • Киночуларды башкарган кинорежиссёр
  • Буктурмада өткөн кылымдын 20-жылдарындагы коомдук саясий абал экрандаштырылган
  • Кинофильмде Геннадий Базаров өзбек чекисттин образын жараткан
  •  Жан-жөкөрлөрүн ээрчитип алган басмачылардын башчысы Бостонкул
  • Тасмада курал-жарак, каармандардын мушташын, атышканын көрүүгө болот
  • Операторлук милдетти Валерий Виленский аткарган
  • Бийик тоолуу аймакта кызуу иштеген киночулар
  • Атчан актёрлор Николай Дупак менен Игорь Ледогоров
  • Буктурма фильми Базаровдун Саманчынын жолунан кийинки ири эмгеги болгон
  • Киношедевр 1970-жылы СССР боюнча көп көрүүчүлөрдү өзүнө тарткан тасма аталган
КРдин эл артисти, белгилүү режиссёр Геннадий Базаров 1969-жылы "Буктурма" тасмасын тарткан. Ал эмгек ата мекендик кинематографиянын тарыхында жаралган биринчи блокбастер болгон.

"Буктурма" фильминин сценарийин Хасан Булатов, Герасим Дегальцев, Асан Шершенов жазган. Тасмада өткөн кылымдын 20-жылдарындагы өлкөдөгү коомдук-саясий абал баяндалат. Анын режиссёру Геннадий Базаров болуп, операторлук милдетти Валерий Виленский аткарган. Совет бийлиги менен басмачылардын тиреши, чек арачылардын оор иши көрсөтүлөт.

Базаровдун ал фильми кыргыз киночулары жараткан блокбастер жанрындагы биринчи эмгек болчу. Анда Игорь Ледогоров, Салават Исхаков, Владимир Балон, Афанасий Кочетков, Николай Дупак, Медел Маниязов, Леонид Ясиновский, Ашыралы Боталиев, Абдыашым Көбөгөнов, Иван Кузнецов роль жараткан.

СССРде кинокартинанын популярдуулугу артып, көп көрүүчүлөрдү өзүнө тарткан тасмалардын сап башына чыгып, мамлекетке бир топ киреше алып келген.

"Кыргыз керемети" жөнүндө кызыктуу материалды Sputnik Кыргызстандын материалынан окуңуздар.

26
  • Басмачылардын башчысынын ролун аткарган белгилүү актёр Салават Исхаков
    © Sputnik / Александр Федоров

    Басмачылардын башчысынын ролун аткарган белгилүү актёр Салават Исхаков

  • Кинокартина тоолуу аймакта, республиканын булуң-бурчунда тартылган
    © Sputnik / Александр Федоров

    Кинокартина тоолуу аймакта, республиканын булуң-бурчунда тартылган

  • Киночуларды башкарган кинорежиссёр
    © Sputnik / Александр Федоров

    Киночуларды башкарган кинорежиссёр

  • Буктурмада өткөн кылымдын 20-жылдарындагы коомдук саясий абал экрандаштырылган
    © Sputnik / Александр Федоров

    "Буктурмада" өткөн кылымдын 20-жылдарындагы коомдук саясий абал экрандаштырылган

  • Кинофильмде Геннадий Базаров өзбек чекисттин образын жараткан
    © Sputnik / Александр Федоров

    Кинофильмде Геннадий Базаров өзбек чекисттин образын жараткан

  •  Жан-жөкөрлөрүн ээрчитип алган басмачылардын башчысы Бостонкул
    © Sputnik / Александр Федоров

    Жан-жөкөрлөрүн ээрчитип алган басмачылардын башчысы Бостонкул

  • Тасмада курал-жарак, каармандардын мушташын, атышканын көрүүгө болот
    © Sputnik / Александр Федоров

    Тасмада курал-жарак, каармандардын мушташын, атышканын көрүүгө болот

  • Операторлук милдетти Валерий Виленский аткарган
    © Sputnik / Александр Федоров

    Операторлук милдетти Валерий Виленский аткарган

  • Бийик тоолуу аймакта кызуу иштеген киночулар
    © Sputnik / Александр Федоров

    Бийик тоолуу аймакта кызуу иштеген киночулар

  • Атчан актёрлор Николай Дупак менен Игорь Ледогоров
    © Sputnik / Александр Федоров

    Атчан актёрлор Николай Дупак менен Игорь Ледогоров

  • Буктурма фильми Базаровдун Саманчынын жолунан кийинки ири эмгеги болгон
    © Sputnik / Александр Федоров

    "Буктурма" фильми Базаровдун "Саманчынын жолунан" кийинки ири эмгеги болгон

  • Киношедевр 1970-жылы СССР боюнча көп көрүүчүлөрдү өзүнө тарткан тасма аталган
    © Sputnik / Александр Федоров

    Киношедевр 1970-жылы СССР боюнча көп көрүүчүлөрдү өзүнө тарткан тасма аталган

Белгилер:
режиссер, Геннадий Базаров, сүрөт, тасма, кино тасма
Тема боюнча
Кыргыз киносунун багын ачкан чолпон жылдыздар. Генийлердин сүрөттөрү
Согушка жибербей коюшкан. Турдакун Усубалиевдин сүрөттө калган элеси
Өз киндигин өзү кесип жетилген. Исхак Раззаковдун сүрөттө калган ирмемдери
Шаарга таң калган эки кемпир. "Лифти бар үйдөгү тепкичтер" тасмасынан ирмемдер
3-жашар манасчыМанас эпосунун күнүндө

Үч жашар бала "Манас" айтып... Эпостун күнүнө арналган иш-чарадан сүрөттөр

67
(жаңыланган 17:14 04.12.2021)
Иш-чарага катышкан мамлекеттик катчы Сүйүнбек Касмамбетов өзү манасчынын уулу экенине сыймыктанарын айтып, табият берген талантты багып, аны аздектеп сактоого чакырган.

БИШКЕК, 4-дек. — Sputnik. Бүгүн, 4-декабрда, "Манас" эпосунун күнү улуттук филармонияда салтанаттуу түрдө белгиленди. Бул тууралуу Маданият, маалымат, спорт жана жаштар саясаты министрлиги кабарлады.

Иш-чара белгилүү манасчылар Назаркул Сейдракмановдун 70 жылдыгына жана Талантаалы Бакчиевдин 50 жылдыгына арналды.

  • В Национальной филармонии в Бишкеке торжественно отметили День эпоса Манас. 4 декабря 2021 года
    Бүгүн, 4-декабрда, "Манас" эпосунун күнү улуттук филармонияда салтанаттуу түрдө белгиленди.
    © Фото / пресс-служба Министерства культуры, информации, спорта и молодежной политики КР
  • В Национальной филармонии в Бишкеке торжественно отметили День эпоса Манас. 4 декабря 2021 года
    Ошондой эле "Манас", "Семетей", "Сейтек" жана башка эпостордун жаңы чыккан китептеринин көргөзмөсү жана сүрөт көргөзмөсү сунушталган.
    © Фото / пресс-служба Министерства культуры, информации, спорта и молодежной политики КР
  • В Национальной филармонии в Бишкеке торжественно отметили День эпоса Манас. 4 декабря 2021 года
    Ага мамлекеттик катчы Сүйүнбек Касмамбетов, маданият министри Азамат Жаманкулов, ошондой эле белгилүү коомдук жана маданий ишмерлер, манасчылар жана кеңири коомчулук катышты.
    © Фото / пресс-служба Министерства культуры, информации, спорта и молодежной политики КР
  • В Национальной филармонии в Бишкеке торжественно отметили День эпоса Манас. 4 декабря 2021 года
    Майрамдык салтанат манасчылар катышкан концерттик программа менен коштолгон.
    © Фото / пресс-служба Министерства культуры, информации, спорта и молодежной политики КР
  • В Национальной филармонии в Бишкеке торжественно отметили День эпоса Манас. 4 декабря 2021 года
    Мамлекеттик катчы Сүйүнбек Касмамбетов өзү манасчынын уулу экенине сыймыктанарын айтып, табият берген талантты багып, аны аздектеп сактоого чакырды.
    © Фото / пресс-служба Министерства культуры, информации, спорта и молодежной политики КР
  • В Национальной филармонии в Бишкеке торжественно отметили День эпоса Манас. 4 декабря 2021 года
    Майрамдык салтанат манасчылар катышкан концерттик программа менен коштолгон.
    © Фото / пресс-служба Министерства культуры, информации, спорта и молодежной политики КР
  • В Национальной филармонии в Бишкеке торжественно отметили День эпоса Манас. 4 декабря 2021 года
    Майрамдык салтанат манасчылар катышкан концерттик программа менен коштолгон.
    © Фото / пресс-служба Министерства культуры, информации, спорта и молодежной политики КР
  • В Национальной филармонии в Бишкеке торжественно отметили День эпоса Манас. 4 декабря 2021 года
    Мындан сырткары, "Манас" айтсак кулак бүтөт ташка дагы, манасчылар өнөргө бай башка дагы" аталышындагы пролог да көрсөтүлгөн.
    © Фото / пресс-служба Министерства культуры, информации, спорта и молодежной политики КР
1 / 8
© Фото / пресс-служба Министерства культуры, информации, спорта и молодежной политики КР
Бүгүн, 4-декабрда, "Манас" эпосунун күнү улуттук филармонияда салтанаттуу түрдө белгиленди.

Ага мамлекеттик катчы Сүйүнбек Касмамбетов, маданият министри Азамат Жаманкулов, ошондой эле белгилүү коомдук жана маданий ишмерлер, манасчылар жана кеңири коомчулук катышты.

Министр Жаманкулов дүйнө жүзүндө элдик оозеки чыгармалардын эң көлөмдүүсү катары таанылган даңазалуу эпостун атагы алыска кетип, улуттун сыймыгына айлангандыгы тууралуу кайрылуу жасаган.

Мамлекеттик катчы Сүйүнбек Касмамбетов өзү манасчынын уулу экенине сыймыктанарын айтып, табият берген талантты багып, аны аздектеп сактоого чакырды.

"Улут өзүнүн өзгөчөлүгүн ушундай кайталангыс бай маданияты жана мурасы менен сыймыктана алат. Уучубуз куру эмес экенине күбө болдум. Үч жашар баладан тарта "Манас" айтканын көрүп, баарыбыз кубанып, жүрөгүбүз элжиреп турат. "Манасты" сактоого жана даңазалоого бардык аракеттерибизди бирге жумшайлы", — деди Касмамбетов.

Майрамдык салтанат манасчылар катышкан концерттик программа менен коштолгон. Ошондой эле "Манас", "Семетей", "Сейтек" жана башка эпостордун жаңы чыккан китептеринин көргөзмөсү жана сүрөт көргөзмөсү сунушталган. Мындан сырткары, "Манас" айтсак кулак бүтөт ташка дагы, манасчылар өнөргө бай башка дагы" аталышындагы пролог да көрсөтүлгөн.

Иш-чаранын жүрүшүндө манасчыларга президенттин жана министрлер кабинетинин энчилүү сааттары жана ыраазычылык каты тапшырылган.

67
Белгилер:
Азамат Жаманкулов, Манас, маданият, манасчы, иш-чара
Тема боюнча
"Манас" айтсак кулак бүтөт ташка да... Эпостун күнүнө карата иш-чара өтөт
Дарбазачыга гол кирип атат. Иллюстративдик сүрөт

Египетте гол киргенине катуу сүйүнгөн машыктыруучунун жүрөгү кармап каза болду

0
(жаңыланган 18:55 04.12.2021)
Көз жумган машыктыруучунун командасы чечүүчү голду киргизген. Клуб алты күндүк аза күтүү жарыялап, машыгуулар менен оюндарды жылдырган.

БИШКЕК, 4-дек. — Sputnik. Египетте гол киргенине катуу сүйүнгөн башкы машыктыруучунун жүрөгү кармап көз жумду. Бул тууралуу Gulf News басылмасы жазды. 

Посмотреть эту публикацию в Instagram

Публикация от نادي المجد السكندري (@almagdsportsclub)

Окуя Египеттин экинчи дивизионунун оюндарында болгон. "Аль-Мадж" клубу мелдештин 93-мүнөтүндө чечүүчү топту киргизип, оюнчулар менен машыктыруучулук штаб жеңишти майрамдаган. Бөтөнчө клубдун башкы машыктыруучусу Эль-Сельхедар маңдайы жарыла сүйүнгөн.

Оюн кайрадан уланган, көрүүчүлөрдүн көңүлүн эси ооп жыгылган машыктыруучу бурган. Ал жактагы медиктер көмөктөшүп, андан кийин Тез жардам кызматын чакырганы менен ооруканага жетпей көз жумган. Дарыгерлер жүрөгү токтоп калганын айтышкан. Ал 53 жашта болгон.

Клуб алты күндүк аза күтүү жарыялаган. Команда машыгууларын токтотуп, оюндарды жылдырган.

0
Белгилер:
Египет, футбол, оюн, машыктыруучу, өлүм
Тема боюнча
Нидерландда футбол фанаттары турган трибуна оюн учурунда урап түштү. Видео