Бала кармаган эне. Архив

Аялзат үнү: ала качтырган таеже, тебеленген тагдыр

3281
(жаңыланган 16:41 12.12.2016)
Бүгүн Адам укуктарын коргоонун эл аралык күнү. Журналист Гүлдана Талантбекова үй-бүлөнүн коломтосун, коомдун очогун түзгөн кыз-келиндердин бузулган укугу, бүлүнгөн тагдыры, көргөн кордугунан сөз кылат.

Бул сапар "Сезим" кризистик борборуна баш багып, тайкы тагдырдын сыноосунда тургандардын бири, эки баланын энесин кепке тартты.

Таежем 15 жаш улуу кишиге ала качтырып берип койгон

— Атым Айназик, жашым жыйырма үчтө. Жумгалдан болом. Өзүм интернатта тарбияландым. Энем өгөй атам менен жашайт. Интернатты бүтүп шаарда тигүү цехинде иштеп жүргөндө таежем шылтоолоп айылга чакыртып калды. Барсам, өзүмдөн 15 жаш улуу кишиге ала качтырып алып берип койду. Мен башында чырдап отурбайм десем, бөлмөгө камап сумкамды, документтерди катып алышты. Айла жок отуруп калдым. Анда мен 19 жашта элем. Эң коркунучтуусу нике түн болду…

Бир ай өтпөй башталган "баяндар" же чыккан жаак менен сынган мурун

— Күйөөм мага чейин эки аял кетириптир. Бир айдан кийин эле колу тие баштады. Алгачкы жолу чыны менен чапкан. Негизи эле колуна эмне тийсе ошону менен чапмай адаты бар. Кайненем менен кайнатам каза болуп калыптыр. Күйөөмдү туугандары, достору "ичет, чыр чыгарып сабайт" деп өздөрүнө жолотушчу эмес. Айылда үйүбүз жок болгондуктан ар кимдин малын багып, чөбүн жыйнашып күн көрчүбүз. Бир жолу Суусамырдан катуу сабаганда жаагым чыгып, мурдум сынып кеткен. Оор акыбалыма карабай бейтапканага деле барган жокмун. Кыйналып жүрүп эки баламды табигый жол менен төрөдүм. Ачыгын айтсам, күйөөмдүн кордугуна бараар жерим жоктугунан эле чыдап жүрдүм. Колуна эмне тийсе чаап, уруп, эркек башы менен сүзүп да ийген учурлары болгон. Балабызды "өлтүрүп салайынбы, жерге чаап салайынбы" деп моюнунан кармап алып дубалга такап коркутчу, жөн турганда деле эрмектеп балдарды ыйлата берчү.

Баш паанек издеп келген Бишкек…

Акыры таяк жеп таптакыр чыдабай калганда, эки баламды алып Бишкекке баса бергем. Анан шаарга келип иштеп, балдарымды карап жатканда күйөөм алып кетип калды. Эки ай убакыт өттү. Эмне кылаарымды билбей, балдарымды бер деп чалсам "келе турган болсоң, эки бутуңду, эки колуңду сындырып майып кылып отурузуп коем" деди. Баргандан коркуп жүрдүм. Анан айылдаш эжем аркылуу социалдык коргоодон эки баламды милиция менен барып алып, бул жактагы кризистик борборго жөнөтүштү. Балдарымдын улуусу төрттө, кичүүсү эки жарым жашта. Бул жакта бир айга чукул турганга уруксат экен. Эки баламды убактылуу карай турчу интернатка тапшырып, өзүм иштесемби деп ойлонуп жатам. Андан башка жолум жок. Алимент кестирейин десем, күйөөм менен никеге турган эмеспиз, күбөлүк жок. Ансыз болбойт экен. Күйөөм аркамдан келсе деле кайра барбайт болушум керек…

"Сезим" борборунан узап бараткан мени ызгаары эми башталган кышта бир айдан кийин эки баласын жетелген Айназиктин тагдыры тынчсыздандырып турду. Интернаттан чоң дүйнөгө чоң максаттар менен чыккан кыз эми балдарын кайрадан интернатка жетелеп барабы?..

3281
Белгилер:
аялзат, тагдыр, укук, бала
Тема боюнча
Өзгөн: эки баласы майып үй-бүлөгө кайрымдуулук фонду там салып берди
Карын эне: түшүнүп турам, бирок төрөгөн наристемди батирге алмашкым келбей калды
Бишкектеги Чыңгыз Айтматов көчөсүндө жайгашкан көп кабаттуу үйлөр. Архивдик сүрөт

Дүйшөмбүгө карата аба ырайы

134
(жаңыланган 21:04 20.06.2021)
21-июнга караган түнү республиканын тоолуу райондорунда өткүн өтүп, күн күркүрөшү, бийик тоолуу райондордо кар жаашы күтүлөт. Баткен, Талас облустарында жана өлкөнүн дыйканчылык аймактарында күн ачык болот.

БИШКЕК, 20-июн. — Sputnik. Дүйшөмбүдө тоо этектеринде жана тоолуу райондордо өткүн өтүп, күн күркүрөшү, бийик тоолуу райондордо кар жаашы ыктымал. Өрөөндөрдө жана дыйканчылык аймактарда жаан-чачын болбойт. Бул тууралуу Кыргызгидромет маалымдады.

Маалыматка ылайык, батыштан соккон шамалдын ылдамдыгы секундасына 4-9 метрден 15-20 метрге чейин жетет.

Абанын температурасы Чүй өрөөнүндө +26...+31, Ош, Жалал-Абад, Баткен облустарында +28...+33, Талас жергесинде +31...+36, Ысык-Көлдө +19...+24, Нарын аймагында +18...+23 градус болору айтылды.

Термометрдин көрсөткүчү Бишкекте +29...+31, Ош калаасында +33...+35, ал эми Чолпон-Ата шаарында +20…+22 градуска чейин жетет.

134
Белгилер:
аба ырайы, Кыргызстан, июнь
Тема боюнча
Маал-маалы менен өткүн өтүп турат. Бир жумага карата аба ырайы

Тактаны чачырата тепти. Асман менен баскан балдардын кызыктуу видеосу