Тойдогу бийчи. Архив

Тойдогу хит ырлар: ырчылардын капчыгын калыңдаткан ырлардын тизмеси

17796
(жаңыланган 12:22 25.12.2016)
Кыргыз журтчулугун тойсуз элестетүү мүмкүн эмес. Күз, жаз, кыш — айырмасы жок. Тойлоп жүрүп айлыгын коротуп койгондор да бар. Башкысы дасторкондо нан, кампада дан болсо болгону. Дал ушул тойлордогу хит ырларды тизмектеп көрдүк.

БИШКЕК, 13-дек. — Sputnik. Күз мезгилиндеги башкы тема бул — той. Instagram жана Facebook социалдык тармактары тойдогу селфилерге толуп, кыздардын кызыл, жашыл көйнөкчөн сүрөттөрү жайнап чыгат. 

Ал эми балдар болсо баягы эле бир костюм-шымы менен кычырайт. Күздүн узаганына карабай той-топур бүгүнкү күнгө чейин уланып, тирүүлүктүн бейишинде "танца" тепкендер арбын. Карышкыр кой аңдыса, ырчы той аңдыйт деген кеп да жөн айтылган эмес. Анткени дал ушул тойлордун арты менен ырчылардын капчыгы калыңдайт.

Sputnik Кыргызстан агенттиги бул ирет тойлордогу хит ырларды тизмектеп көрүүнү туура көрдү.

Чү дегенде эле тойлордо сөзсүз коюлчу ыр бул "Кара жорго". Беш жыл мурун эле кыргыздар бийлеген эмес деген талаш пикир болсо, учурда ал жокко чыгып, кыргыздар кара жоргону катыра бийлеп калдык. Аталган чыгарманын ар кыл варианттары бар. Биз бирөөнө токтолуп өтөлү. Ал Асел Касмакунова аткарып жүргөн "Кара жорго" ыры. Мындан сырткары Султан Садыралиев ырдаган "Кыргыз бийи", Мээрим Карыпованын аткаруусундагы "Кара жорго" ырлары коюлганда бийлебей коюу мүмкүн эмес.

Гүлжигит Сатыбековдун "Лейлектик кызга" ырысыз тойлорду элестетүү кыйын. Бул ыр жаңы чыккан кезде бир тойдо 10-15 жолу жаңырып, ырчынын зоболосун жакшы эле көтөргөн. Ыр бийлегенге ыңгайлуу болгондуктан дагы далай тойлордун көркүн ачаары бышык.

Быйылкы хит ырлардын катарын Курал Чокоев менен Ильяз Андаштын аткаруусундагы "Сейдакматтын ыры" же "Ачуу айран ичебиз" чыгармасы толуктады десек жаңылышпайбыз.

Нурмат Садыровдун аткаруусундагы "Торгоюм" чыгармасы жаралгандан бери тойдогу хит ырлардын алдыңкы сабынан түшпөй келет.

Албетте бул тизмеге тамашоучулар Азамат Исмаилов менен Азимхан Рахатов ырдаган "Келин келгенский" ырын кошпосок окурмандар бизди кечирбесе керек.

"МузАман" тобунун "Дадагаң болуп кетейин" ыры коюлары менен бий аянтчасы элге толоору көрүнүш адатка айланды.

Сакадай боюу сары алтын Кайрат Примбердиев ырдаган "Жакшы эле көрөм өзүңдү" ыры дагы тойдогу хит ырлардын катарын толуктайт.

Бир кезде таланттуу ырчы Расул Маматкуловдун "Мерседес" ыры күйөрмандардын көкүрөгүнөн түнөк таап, хитке айланса, учурда ал чыгарма Данияр Эрматовдун капчыгын калыңдатып жаткан учуру.

Нурлан Насиптин аткаруусундагы "Алдайсың" ыры чыгаары менен өз күйөрмандарын таап, тойдогу көп коюлган ырга айланды.

Бул тизмекти Юлия Руцкаянын аткаруусундагы Нурак Абдрахманов атабыздын "Аппак сүйүү" чыгармасы жыйынтыктайт.

Ал эми ушул ырлардын жаңырышына көп учурда себепкер болгон үйлөнүү үлпөтүнүн чыгымы тууралуу Sputnik Кыргызстан агенттиги даярдаган материалдан окуңуз>>

17796
Белгилер:
ырдоо, той, хит, ырчылар, бий, Кыргызстан
Тема боюнча
Талас: үйлөнгөн жаш жубайлар той ордуна 30 балага кышкы күрмө алып беришти
Оштун Кара-Суусунда аш-тойдун чыгымдары кыскарууда
Үйлөнүү тою быйыл Кыргызстанда канчага бааланууда
Аял төшөктө уктап жатат. Архив

Дагарага суу куюп... Ысыкта кондиционери жокторго кеп-кеңеш айтылды

8
(жаңыланган 08:47 15.07.2020)
Адис уйку түнкүсүн ысыкта тынч болушу үчүн бир нече кеңештерди берип, бөлмөнү салкын кармагандан тарта адам кандай жууркан жамынышы керектигин айтты.

БИШКЕК, 15-июл. — Sputnik. Россиянын сомнологдор коомунун мүчөсү, дарыгер Алена Максимова ысыкта кондиционерсиз кантип кана уктаса болорун айтып, кеңеш бергенин РИА Новости жазды.

"Уктоочу бөлмөгө аба нымдагычын дагы коюп койсо болот. Ал жок болсо дагарага муздак суу куйса деле болот. Бул бөлмөнү муздатат деп сарсанаа болбоңуз, ал кошумча нымдуулукту гана камсыздайт. Бирок, менин оюмча, кондиционер койдурганга аракет жасаш керек", — деген Максимова.

Ал белгилегендей, кондиционер жок болсо терезелерди ачуу керек. Бирок уктоочу бөлмөнүн пардаларын түшүрүп коюу зарыл.

Уйкусу канбаган адамдар кандай дартка чалдыгары айтылды

Ошондой эле ысыкта жууркан жамынбай уктоону же болбосо чыт менен пахтадан даярдалган жука жууркан пайдаланууну сунуштаган. Ал кошумчалагандай, күн ысык мезгилде синтетикалык жапкычтардан алыс болуу керек, алар терини дем алдырбай коет.

8
Белгилер:
дарыгер, жууркан, Суу, кондиционер, ысык
Тема боюнча
Кондиционер коронавирусту жайылтабы. Адистин пикири
Ооруканадагы рентген аппаратурасы. Архив

Аймактагы ооруканалар миллиондогон сомго тендер жарыялай баштады

21
(жаңыланган 08:32 15.07.2020)
Медициналык мекемелер дары-дармек, жеке коргонуучу каражаттарды жана жабдуу алуу үчүн Мамлекеттик сатып алуулар порталына буюртмаларын чыгарды.

БИШКЕК, 15-июл. — Sputnik. Өлкө аймагындагы ооруканалар коронавируска каршы күрөшүү үчүн бир катар тендер жарыялашты. Бул тууралуу маалымат Мамлекеттик сатып алуулар порталына чыкты.

Ага ылайык, Ош аймак аралык бириктирилген клиникалык ооруканасы 7 миллион 811 миң 200 сомго эндоскопия жана эндохирургия үчүн аппаратура, тогуз миллионго рентген, үч миллионго операциялык стол алат.

Боронов: Ирандан учак менен дары алып келебиз, бир-эки күндө тартыштык жоюлат

Нарын райондук үй-бүлөлүк медицина борбору 11 миллион 446 миңге дары-дармек, жеке коргонуучу каражаттарга буюртма берүүдө.

Жалал-Абад облустук үй-бүлөлүк медицина борбору 2 миллион 136 миң 852 сомго коргоо каражаттарын ала турган болсо, Ноокат аймактык ооруканасы 7 миллион 373 миң 537 сомго дары, реактив сатып алуу ниетин билдирген.

21
Белгилер:
тендер, оорукана, медицина, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Жээнбеков: Кыргызстанда дары-дармек өндүрүү жолдору каралууда
Өкмөт: кычкылтек концентраторунун маселеси чечилди, саны жетиштүү