Жаңы жылга карата костюм кийген балдар. Архивдик сүрөт

Балдар үчүн жаңы жылдык костюмдарды ижарага кайдан жана канчага алууга болот

217
(жаңыланган 11:39 17.12.2016)
Sputnik Кыргызстан маалымат агенттиги ата-энелер үчүн жаңы жылдык костюмдардын бааларын жана даректерин тактап көрдү.

БИШКЕК, 16-дек. — Sputnik. Жаңы жылды утурлай балдар бакчасынан тарта мектептерге чейин жаңы жылдык балатыга даярдыктар көрүлө баштады. Балдар жан-жаныбарлардан баштап мультфильмдин каармандарынын образын жаратуучу жаңы жылдык кийим кийиши керек.

Мындан улам Sputnik Кыргызстан маалымат агенттиги ата-энелер үчүн жаңы жылдык костюмдардын бааларын жана даректерин тактап көрдү.

1."Фея" дүкөнү
Тыныстанов, 116 дареги. Чыңгыз Айтматов атындагы орус драма театры. 2-кабат
2-15 жаштагы балдар үчүн.
Бир күндүк ижара баасы 300-800 сом

2. "Мир сказок" дүкөнү
Абдрахманов, 230. Бакен Кыдыкеева атындагы жаштар театры. 1-кабат.
3-12 жаштагы балдар үчүн.
Бир күндүк ижара баасы 500 сомдон өйдө.

3. "Сказка" дүкөнү
Аламүдүн —1 кичи району. Мичурин көч., 199
2-15 жашка чейинки балдар үчүн.
Бир күндүк ижара баасы 400-550 сом. 

4. Жеке үй.
Димитров, 13 көчөсүндө Фучик паркынын жанында жайгашкан.
2-13 жаштагы балдар үчүн.
Бир күндүк ижара баасы 200-1500 сомго чейин.

5. "Фатима"
Акылбеков, 40. (ТЭЦ аймагы)
2-15 жаш балдарга
Бир күндүк ижара баасы 450-800 сомго чейин.

6. "Ирина"
Тыныстанов, 8/48.
3-15 жаш курактагы балдар үчүн
Бир күндүк ижара баасы 300-500 сомго чейин. 

7. Artfly дүкөнү
Аламүдүн-1 району, "Арзан+" соода борбору.
Бир күндүк ижара баасы 200 сомдон жогору.

8. "Фунтик" дүкөнү
Горький көчөсү. "Таш-Рабат" соода борбору
2-15 жашка чейин
Бир күндүк ижара баасы 500 сомдон жогору

Бишкекте өтө турган жаңы жылдык иш-чаралардын программасын Sputnik Кыргызстан материалынан окуңуздар>>

217
Белгилер:
Бишкек, Жаңы жыл, бала, баа, ижара, балаты, костюм
Тема боюнча
Бишкекте өтө турган жаңы жылдык иш-чаралардын программасы
Кыргызстандын башкы балатысы кантип жанат — асмандан көрүнүшү
Россияда өтүп жаткан Мамлекеттик Дума шайлоосуна видеокөзөмөл аркылуу байкоо системасынын демонстрациясы

Мамдума шайлоосуна 7,5 миң адам видеокөзөмөл аркылуу байкоо салууда

5
(жаңыланган 18:33 18.09.2021)
Быйыл шайлоо 17-19-сентябрга белгиленген. Мамлекеттик Дума менен бирге аймактык жана муниципалдык да шайлоо өтүп жатат.

БИШКЕК, 18-сен. — Sputnik. Россияда өтүп жаткан Мамлекеттик Дума шайлоосуна видеокөзөмөл аркылуу байкоо салып жаткан парламенттик партиялардын биринен да эч кандай доомат түшкөн жок. Бул тууралуу РФ Борбордук шайлоо комиссиясынын төрага орун басары Николай Булаев билдирди.

"Ушу тапта видеокөзөмөл порталында 7,5 миң адам отурганын жазып жатышат. Алар бир эле убакта 30 миң шайлоо участкасына көз салууда. Эч биринен эч кандай доомат жок. Парламенттик партиялар биз камсыздап берген техникалык жабдууга нааразылык жок экенин айтышты", — деди Булаев.

Ал коомдук көзөмөл борборлорунда жумушчу орун жетиштүү экенин белгилеп, каалоочуларды чакыра кетти.

Шайлоо быйыл 17-19-сентябрга белгиленген. Мамлекеттик Дума менен биргеликте регионалдык жана муниципалдык шайлоо да кошо өтүп жатат.

5
Белгилер:
шайлоо, Россия, Мамлекеттик Дума, көзөмөл, БШК
Тема боюнча
Владимир Путин Мамдуманын шайлоосуна онлайн добуш берди
Москвада онлайн шайлоого катышкан 10 жаран акциядан батир утуп алды
Нарын шаарынын мэри Самарбек Болотбеков. Архив

Нарындын мэри шайлоодогу коррупциялык иштерге шектелип кармалды

25
УКМК маалымдаган Б.С. инициалдарына Самарбек Болотбековдун аты-жөнү туура келүүдө. Ал мурда Свердлов районунун акими болуп, кийин Нарын шаарына жетекчи катары жиберилген.

БИШКЕК, 18-сен. — Sputnik. 2020-жылкы парламенттик шайлоонун жүрүшүндөгү алдамчылык фактысы менен Нарын шаарынын мэри кармалды. Бул тууралуу УКМКнын маалымат кызматынан кабарлады.

Буга чейин аталган шайлоодо Жогорку Кеңештин депутаты мандатын убадалап 300 миң доллар алган деген шек менен "Кыргызстан" партиясынын мүчөсү, экс-депутат Ч.Р. кармалган. Укук коргоо органдары жабырлануучу ири өлчөмдө чыгым тартканын айткан.

"Ыкчам иликтөө иштеринин жыйынтыгында далилдүү материалдар чогултулуп, Бишкек шаарынын Свердлов районунун мурдагы акими, азыр Нарын шаарынын мэри Б. С. жогорудагы ишке аралашкан деген шек менен кармалды", — деп айтылат билдирүүдө.

Бул иш боюнча Жазык кодексинин 204-беренесинин 3-бөлүгүнө ("Алдамчылык, өзгөчө ири өлчөмдө жасалган жосун") ылайык өндүрүш ачылган.

Б.С. инициалдарына Самарбек Болотбековдун аты-жөнү туура келүүдө. Ал мурда аталган райондо аким болуп, кийин Нарын шаарына жетекчи катары жиберилген.

25
Белгилер:
Нарын шаары, мэр, коррупция, шайлоо, УКМК
Тема боюнча
УКМК: чек ара кызматкери досунун өлүмүнө шектелип кармалды