Коомдук телерадиокорпорациясынын (КТРК) жетекчиси Илим Карыпбековдунпосту, Twitter баракчасынан тартылган сүрөт

ЖК: гардеробчу иштен алынган жок, ага ыраазычылык айтылды

1084
(жаңыланган 18:46 27.12.2016)
Буга чейин КТРКнын жетекчиси социалдык тармактагы баракчасына гардеробчунун кийим илген жерге таштап кеткен катын жарыялаган. Андан кийин кызматкер иштен алынганы тууралуу маалымат тарап кеткен.

БИШКЕК, 27-дек. — Sputnik. Жогорку Кеңеште иштеген гардеробчуну эч ким иштен алган жок. Бул тууралуу Sputnik Кыргызстан агенттигине ЖКнын маалымат кызматынын жетекчиси Ибраим Нуракун уулу билдирди. 

Буга чейин Коомдук телерадиокорпорациясынын (КТРК) жетекчиси Илим Карыпбеков өзүнүн Facebook баракчасына сүрөттөрдү жүктөп "Бүгүн Жогорку Кеңештин жыйынынан чыгып күрмөмдү таштаган гардеробго барсам, өздүк тейлөө режимине өтүптүр" деп жазган. Сүрөткө гардеробчу таштап кеткен кат тартылган, анда "кийимдерди өзүңүздөр ала бериңиздер" деп жазылып турат. Айрым маалымат каражаттары гардеробчу иш ордунан бир азга алаксыганы үчүн ишинен алынганын жазып чыгышкан. Учурда Карыпбековдун Facebook баракчасындагы посту алып салынды. 

"Гардеробчунун аты Орунай Мамытова. Ал ЖКнын иш башкармалыгына караштуу. Мен иш башкармалыктын жетекчиси менен байланышып маселени тактадым. Ал аны иштен алуу тууралуу ойлонбогонун билдирди. Болгону эскертүү гана берилиптир", — деди Ибраим Нуракун уулу. 

Ал ошондой эле парламенттик журналисттер Мамытова абдан сылык жана жоопкерчиликтүү кызматкер экенин айтып кайрылышканын билдирди. Буга байланыштуу Нуракун уулу кызматкерге өзүнүн атынан ыраазычылык билдиргенин кошумчалады.

Ал эми Илим Карыпбеков өзүнүн Facebook баракчасына гардеробчуга карата эч кандай жаман сөз айтпаганын жазып, болгону кийим илүүчү жайда эч ким жок болгонун белгиледи.

Ал ошондой эле гардеробдо иштеген кызматкер анын жазгандары үчүн сарсанаа болсо кечирим сурай турганын жазды.

1084
Белгилер:
гардероб, парламент, Илим Карыпбеков
Тема боюнча
Шайлоо: айлыгына нааразы оператор, мыйзамга такаган Мамкаттоо
Чүй облусундагы Оруу-Сай лыжа базасы. Архив

Бейшембиге карата аба ырайы

79
3-декабрга караган түнү республиканын тоолуу райондорунда кар жаайт. Дыйканчылык аймактарында жаан-чачын болбойт. Батыштан соккон шамалдын ылдамдыгы секундасына 4-9 метрге жетет.

БИШКЕК, 2-дек. — Sputnik. 3-декабрь күндүз өлкөнүн көпчүлүк аймактарында күн ачык болот. Бул тууралуу Кыргызгидромет билдирди.

Абанын температурасы Чүй, Ош, Жалал-Абад, Баткен аймактарында +3…+8, Талас жергесинде -2…+3, Ысык-Көлдө 0…+5, Нарын облусунда -2…+3 градусту көрсөтөт.

Ош шаарында кар жааса, Бишкекте күн ачык болот. Күндүн табы борборубузда жана Ошто +6…+8 градус жылыйт.

79
Белгилер:
декабрь, Кыргызстан, аба ырайы
Тема боюнча
Жыл аяктаарда ызгаар суук болобу? Декабрга карата аба ырайы
Россиянын президенти Владимир Путин

Путин келерки жумада коронавируска каршы эмдөө жүргүзүүнү тапшырды

125
(жаңыланган 23:34 02.12.2020)
2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган.

БИШКЕК, 2-дек. — Sputnik. Россиянын президенти Владимир Путин вице-премьер Татьяна Голиковага келерки жумадан тарта коронавируска каршы масштабдуу эмдөөнү баштоону тапшырды. Бул тууралуу РИА Новости жазды

​Эске салсак, буга чейин БУУдагы Россиянын атайын өкүлчүлүгү жана Саламаттык сактоо министрлиги "Спутник V" вакцинасынын бет ачарын өткөрөрү айтылган.

Вице-премьер Эльвира Сурабалдиева брифинг учурунда
© Фото / Республиканский штаб КР по борьбе с COVID-19
"Спутник V": COVID-19га каршы вакцина" деп аталган виртуалдык иш-чара БУУнун Башкы ассамблеясынын атайын комиссиясынын аймагында өтөрү маалымдалган. Отурумда россиялык бул препарат боюнча кенен маалымат берилмекчи.

2020-жылдын август айында Россиянын Саламаттык сактоо министрлиги дүйнөдөгү алгачкы вакцина катары Гамалея атындагы илимий борбордо жасалган "Спутник V" препаратын каттоого алган. Октябрда дагы бир "ЭпиВакКорона" аттуу вакцина тууралуу жарыяланган. Анын Новосибирскидеги "Вектор" борборунда иштелип чыкканы маалым.

125
Белгилер:
вакцина, коронавирус, Россия
Тема боюнча
Коронавирус G20 саммитин бузду. Батыш башканын вакцинасын батырбайт
Путин Кыргызстан, Беларусь жана Карабахтагы окуялар боюнча оюн айтты

Каракчылыкка шектүүнү Бишкекте спецназ кармады. Видео

0
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

0
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды