3-жашар Исхак бир туугандары менен үйдө. Архивдик сүрөт

Үстүнө үй, алдына коляска… Sputnik Кыргызстан каармандарынын тагдыры кандай өзгөрдү

878
(жаңыланган 13:27 02.01.2017)
Бул адамдардын тагдыры тууралуу кино тартып, китеп жазса болот. Алардын башына түшкөн тагдыр тууралуу Sputnik Кыргызстан агенттиги жазып чыккандан кийин каармандардын жашоосунда бир топ өзгөрүү болду.

Аталган каармандар кимдер экенин жана аларга кандай жардам берилгенин Sputnik Кыргызстан агенттиги тизмектеп көрдү. 

© Sputnik / Эмиль Садыров
Үмүтсүз — шайтан... Баспай калган 12 жашар Тилек далай дабанды ашарына

Балмуздактын таякчаларынан чеп жана мечит курган бала

Тилек Алтымышевдин тагдыры тууралуу маалымат интернет айдыңына чагылгандай эле тарады. Ал майып экенине карабай балмуздактын таякчаларынан көз жоосун алган кичинекей үйлөрдү жасайт. Ага социалдык өнүгүү министри Кудайберген Базарбаев дагы барып, анын колунан чыккан кичинекей үйдү 7 миң сомго сатып алган. Министр ошондой эле дарыланууга жардам берип, эжелеринин университеттен бекер билим алуусуна көмөктөшөрүн айткан. 

Тилек дарылануу үчүн ооруканага жактырылган. Бирок дарыгерлер эч кандай жардам бере алышкан эмес. Активисттер аны Москвадан текшерттирип келүү үчүн акча чогултуп башташкан. Бирок азырынча жетиштүү каражат чогула элек. 

© Видео / Зульфия Тургунова
Картондо уктаган Исхактын жаңы өргөдө жаңырган күлкүсү

Кара-Сууда базардын жанында картондо уктаган бала

Сентябрь айында социалдык тармакта Ош облусунун "Кара-Суу" базарынын жанында картондо уктап жаткан кичинекей Исхактын сүрөтү тараган. Анын 35 жаштагы апасы Зулфия күйөөсү иштеп келем деген бойдон таштап кеткенин, баш калкалар жери жок экенин айткан.

Президент Алмазбек Атамбаев жергиликтүү бийликке абалды иликтөөнү тапшырган. Аялдын паспорту, балдарынын туулгандыгы тууралуу күбөлүгү жок экени аныкталган. Кийин Исхак бала бакчага киргизилип, документтери берилген. Ошентип аларга Ош шаарынан бардык шарты каралган үч бөлмөлүү батир тапшырылды

© Ruptly
Россия президентинин колунан медаль алган Исаев Путинге ыраазычылык билдирди

Россияда баатыр аталган Марат Исаев

11-февралда Марат Исаев Москвадагы метронун рельсине кулап кеткен аялды куткарып калып, Сергей Собянин менен Россиянын президенти Владимир Путинден сыйлык алган. Анын эрдигин Кыргызстандын президенти да унутта калтырган эмес

Марат Исаев аялды полициянын кызматкери Артем Королюк менен чогуу куткарган.

Азыр Исаев Москва шаарында катардагы эле курьер болуп иштеп жатат. 

© Видео / пресс-служба МВД КР
ИИМ Төө-Ашуудагы тоннелде кырсыкка кабылгандарды сактаган студенттерди сыйлады

Манас Мамбеталиев менен Элдияр Токтошев

Манас Мамбеталиев менен Элдияр Токтошев үлпөт тойго бара жатып ири жол кырсыгына күбө болушкан. Алар эч тайманбастан күйүп жаткан машинанын ичинен кишилерди сыртка чыгарууга жардам беришкен. Куткарган кишилердин арасында боюнда бар аял да болгон.

Ички иштер министринин орун басары Сүйүн Өмүрзаков балдарды "Кыргыз милициясына 90 жыл" аттуу юбилейлик медаль менен сыйлаган. Университетти аяктоо алдында турган балдар келечекте ички иштер органында иштесек деп кыялданышат. 

© Sputnik / Эмиль Садыров , Светлана Федотова
Ажарлуу кыз жана даамдуу кымыз: өлкө сулуусу бээ сааганда

Кыргызстан сулуусу-2016

Перизат Расулбек кызы Кыргызстандагы сулуулук конкурсунда жеңүүчү аталып, өлкө намысын Америкада өтө турчу конкурста коргоого укук алган. Дүйнөнүн чар тарабынан чогулган бийкечтердин конкурсу 26-ноябрдан 18-декабрга чейин Вашингтон шаарында өттү.

Кыргызстандын атынан барган бийкеч 100дөн ашык сулуулардын арасынан 25-орунду камсыз кылган

Кыргызстанец с синдромом дауна Александр Михайлюк с коллегами. Архивное фото
© Фото / Татьяна Меньшикова
Александр Михайлюк бирге иштеген коллегалары менен

Даун синдрому менен ооруган бала жумушка орношту

Александр Михайлюк өзүнүн оорусуна карабай алты саны аман кишилердей эле иштеп, өз ырыскысын таап жатат. Ал паралимпиадага катышып, байгелүү орун да алган. Александр ооруп жатам деп үмүтсүз отурууга болбостугун, аракет кылса колдон баары келерин башкаларга да далилдей алды. Кыргызстанда ал Даун синдрому менен ооруганына карабай расмий түрдө жумушка орношкон биринчи жаран болуп калды. 

Министр чрезвычайных ситуаций Кубатбек Боронов наградил россиянина Юрия Лугвина за спасение кыргызстанок
© Фото / пресс-служба МЧС КР
Кыргызстандын ӨКМ министри Кубатбек Боронов жана Юрий Лугвин

Москвадагы өрттө кыргызстандык кыз-келиндерди куткарган Лугвин

Юрий Лугвин Кыргызстанда чыныгы баатырга айланды! Ал өз өмүрүн тобокелге салып, күйүп жаткан имараттан өрттө калган адамдарды чыгарууга жан үрөгөн. Юрийди Бүткүл Дүйнөлүк көчмөндөр оюндарына чакырып, медаль тагып сыйлашты

Ал учурда Москва шаарында жашап, мурдагыдай эле спорт менен машыгып, кароолчу болуп иштеп жатат.

Саз менеджери

Челябинск шаарындагы мектеп окуучусу Игорь Назаров конкурска катышып, адаттан тыш жерде — сазда сүрөткө түшкөн. Эреже боюнча конкурстун жеңүүчүсү Кыргызстанды кыдырмак. Ал конкурста жеңишке жетпей калганына карабай активисттердин жардамы менен Кыргызстанга келип кетти.

878
Белгилер:
Марат Исаев, Элдияр Токтошев, куткаруу, каармандык, белгилүү
Тема боюнча
Жыл жыйынтыгы: саясаттагы салгылашуудан ажырашууга чейин
Айттырбай келген тилсиз жоо. 66 адамдын өмүрүн алган өрт кырсыктары
Суусундук кармаган кыздар. Архивдик сүрөт

Ден соолукту талкалаган суусундук. Дарыгердин эскертүүсү

211
Дарыгер кадимки сууну да качан гана чаңкаганда ичүү керектигин айткан. Бирок аны көп ичүү эмнеси менен кооптуу экендигин тактаган эмес.

БИШКЕК, 17-окт. — Sputnik. Адамдын ден соолугуна коркунуч жаратып, диабеттен тарта онкологиялык ооруну чакырган азыктардын бири газдалган таттуу суусундуктар экенин дарыгер жана теле алып баруучу Александр Мясников айтып берген. Бул туурасында РИА Новости жазды.

Адистин айтымына караганда, баарынан кооптуусу газдалган суусундук.

"Диабетти жаратып, кишини семиртип, акырында онкологиялык ооруга алып барып такайт. Бул чындыгында ден соолукту талкалоочу жолдордун бири. Остеопороздон тарта онкология, жүрөк, кан тамыр ооруларын жаратат", — деп түшүндүргөн Мясников.

Дарыгер кадимки сууну да качан гана чаңкаганда ичүү керектигин айткан. Бирок сууну көп ичүү эмнеси менен кооптуу экендигин тактаган эмес.

Мясников чай менен кофенин пайдалуу жактарын да эске сала кеткен. Кофе жүрөк, кан тамыр илдеттеринин, боор оорунун алдын аларын айтса, көк чайдын онкологияга каршы күрөшүү артыкчылыгын белгилеген.

Буга чейин россиялык онколог Елена Смирнова жоон ичеги рагына кабылуу тобокелчилигин арттырган суусундуктарды тизмектеп айтып берген. 

211
Белгилер:
Россия, ден соолук, суусундук, зыян
Тема боюнча
Боору жарабай калган. 1,5 литр коланы 10 мүнөттө ичкен киши каза болду
Тоолуу аймак. Архивдик сүрөт

Дүйшөмбүгө карата аба ырайы

225
18-октябрда өлкөнүн дыйканчылык аймактарында жаан-чачын болбойт. Батыштан соккон шамалдын ылдамдыгы секундасына 4-9 метрге жетет.

БИШКЕК, 17-окт. — Sputnik. Дүйшөмбүдө күндүз кээ бир райондордо жаан, тоолуу райондордо кар жаашы ыктымал. Бул тууралуу Кыргызгидромет билдирди.

Абанын температурасы Чүй облусунда +15…+20, Талас, Ысык-Көл, Нарын өрөөндөрүндө +14…+19, Ош, Жалал-Абад, Баткен аймактарында +20…+25 градусту көрсөтөт.

Күндүн табы Бишкекте +18…+20, Ош шаарында +23…+25 градус болот.

225
Белгилер:
аба ырайы, октябрь, Кыргызстан
Тема боюнча
Жаан жаабайбы? Бир жумага карата аба ырайы