Академик, Эл баатыры Мамбет Мамакеевдин архивдик сүрөтү

Кыргыз медицинасынын өңүн чагылдырган кызыктуу 10 маек

1949
(жаңыланган 16:31 03.01.2017)
Оорунун кадырын ооруган жан билет деген жакшынакай кеп бар. Дарыгерлик адамдын алгачкы жашоо мезгилинде эле пайда болгону маалым. Гиппократтын антын бек тутуп, жонунан ак халат түшпөгөн керемет жандарды жараткан адам өмүрү үчүн жиберип койгондой.

Спутник Кыргызстан маалымат агенттиги дартка даба улукман дарыгерлер менен болгон жарым жыл ичиндеги маекти сунуштайт. Мындан ары дагы ак халатчандар менен иш алып бара бермекчибиз. 

— Медицина тармагын элге тартуулайлы деп жатканда кудай буюруп октябрь айынын башында академик, Эл баатыры Мамбет Мамакеевдин өздүк майрамына болуп калды. Демек көч башы жакшы болду деп сүйүнүп туралы. Мамбет ага токсонго караган өмүрүндө 30 миң операцияны артта калтырганын, иш учурундагы кызыктуу, жан кейитерлик, таң калыштуу окуялары туурасында айтып берген

— Достор менен отурганда анча жактыра бербеген адамды көргөндө "аллергиям" кармайт деп калчубуз. Көрсө бул нерсе медициналык себептер менен түшүндүрүлөт экен. Анан да аллергия, экзема, безетки тукум кууса, айрымдары жугуштуу экенин көбү биле бербесе керек. Анда дермотолог-венеролог Кундузбек Тургунбеков менен болгон маекти сунуштайбыз

— "Бактылуу эне, бактылуу ата болгум келет", "Үй-бүлө бул — ар бир кишиге маанилүү", "Үй-бүлө кокустук эмес, ал даярдануу". Бул сөздөрдү мен акушер-гинеколог, үй-бүлөлүк психолог Гүлзина Мадраимованын кабинетинен кезиктиргем. Үй-бүлөнү пландаштыруу тууралуу ойлонуп жатсаңыз дароо шилтемени басыңыз

— Эркек өзүнөн кийин тукум калтыра албаганын билгенде кандай абалда болот? Эмне үчүн офисте иштегендер тукумсуз болуп калуу коркунучу тууралуу ойлонушу керек? Балам акылдуу чыксын деп башка улутка турмушка белсенүүнүн кепилдиги барбы? Бул баш катырган суроолорго уролог-андролог Нурлан Эгетаев жооп берген

— Кана, айткылачы, ким айылдын кадимки эле колго жасалган нанын жеп чоңойгон? Сүйүнө берсеңер болот. Көрсө, кара нан тишти бекемдеп, жаакты иштетип, кариестен сактайт экен. Азыр тишиңиз ооруп жатса дароо бул жакка баш баксаңыз стоматолог Асира Жанузакова көптөгөн маалыматтары менен бөлүшөт

— Мен алгачкы жолу операцияга кирген күн! Элдей болуп сокур ичеги алган операцияга кирсем бир жөн. Элестеткиле, бейтаптын кашка жилигин алмаштырганбыз. Ошондон кийин бир жума эт жеген жокмун… Дартына даба тапкандар бул кишинин колу алтын деп айтып жүрүшөт. Чыгаан ортопед, профессор, академик Сабырбек Жумабеков сөөк-муун ооруларына, бой узартуу маселесине токтолгон

— Иш учурунда жарык өчүп калып чөнтөк телефон менен жасалган 32 мүнөттүк операция, жүрөк ооруларынын чоо-жайы тууралуу Кыргызстандын башкы кардиохирургу Калдарбек Абдраманов агайыбыз айтып берген. Биз интервью алган күнү ал 61 жашка толгон эле. Дагы көп жашасын демекчибиз. Силер бар үчүн миңдеген адамдардын өмүрү сакталып жатат

— Ушул материал чыгыш үчүн көпкө күрөштүм окшойт. Жетекчинин бири материал ачык жазылган десе, экинчиси убактысы келсин дейт. Акырында байкуштун багы ачылды. Сепсопатолог Жаныбек Мамбетов жыныс мүчөнү алмаштыруу, гомосексуалдардын табигаты, эки мүчөлүү төрөлгөн адамдар тууралуу кеп кылган

— Сурма чыгарат элем деп көзүн тытмалап жүргөндөр болсо пластикалык хирург Султан Тукешовдун маегин окуңуздар. Ал биздин айымдар эмне себептен чырайлуу болууга ашыгарын жана кайсы операцияга муктаждык көп экендигин айтып берди

— Өзүң оорусаң да көп билинбейт. Чүрпөлөр "ө-хө" деп жөтөлүп койсо жаныңды коерго жер таппай каларың турган иш. Жаш балдардын психологиялык жана физикалык жактан өсүп-өнүгүүсүндө эмнелерге көңүл буруу маанилүү экенин билгиңиз келсе дарыгер-педиатр Айнура Аманбаеванын маегин ачыңыз. 

1949
Белгилер:
Кыргызстан, медицина, дары, дарыгер, оору, маек, дарт
Тема боюнча
Майрамда оорубаш үчүн эмне кылуу керек? Адистерден 10 кеңеш
Оорулуу сандар: кыргызстандыктар кайсы илдеттен көз жумат
Индия онкологиялык ооруларды дарылаган 2 млн. долларлык жабдуу тартуулайт
Кол чатыр көтөрүп баратан жуп. Архив

Ишембиге карата аба ырайы

250
23-октябрда өлкөнүн дыйканчылык аймактарында жаан карга айланып, тоолуу райондордо кар жаайт. Айрым жерлерде батыштан соккон шамалдын ылдамдыгы секундасына 15-20 метрге жетет.

БИШКЕК, 22-окт. — Sputnik. Ишембиде республиканын тоолуу райондорунда жолдорго муз тоңуп, тайгак болот. Бул тууралуу Кыргызгидромет билдирди.

Абанын температурасы Чүй облусунда +6…+11, Талас өрөөнүндө +5…+10, Ош, Жалал-Абад, Баткен аймактарында +9…+14, Ысык-Көлдө +2…+7, Нарында 0…+5 градус болот.

Бишкек жана Ош шаарларында күндүз жаан-чачын күтүлбөйт. Күндүн табы борбордо +9…+11, Ош шаарында +11…+13 градусту көрсөтөт.

250
Белгилер:
аба ырайы, Кыргызстан
Тема боюнча
Күнгө чагылышкан алтын күз. Бишкектин көз талдырган видеосу
Аэропорттогу жүргүнчүлөр. Архив

Россиялыктар арасында бир апталык эс алууда Кыргызстанга келгиси келгендер бар

114
(жаңыланган 23:15 22.10.2021)
Россиядагы коронавируска байланыштуу эпидемиологиялык абал оорлошуп кеткенине байланыштуу өлкө президенти Владимир Путин 30-октябрдан 7-ноябрга чейин дем алыш жарыялаган.

БИШКЕК, 22-окт. — Sputnik. Россиянын саякаттоо сервиси боюнча анализ жүргүзгөн Туту.ру сайты алдыдагы бир апталык деп алышта жарандар кайсы мамлекеттерге көбүрөөк бара турганын жарыялады.

Россиянын жашоочулары 30-октябрдан тарта 7-ноябрга чейин барып келүүнү пландаган алдыңкы 10 мамлекеттин ичинде Кыргызстан дагы бар.

Россиялыктар барууну пландаган өлкөлөрдүн ондугу (эл аралык авиакаттамдарга билет алгандардын жалпы санынан пайыз менен бөлүп көрсөтүлөт):

  • Өзбекстан — 16,6 пайыз;
  • Армения — 14,1;
  • Түркия — 13,5;
  • Кыргызстан — 9,6;
  • Азербайжан — 6,6;
  • Молдова — 6,1;
  • Беларусь — 4,4;
  • Кипр — 3;
  • Казакстан — 2,8;
  • Египет — 1.

Эске салсак, Россиядагы коронавируска байланыштуу эпидемиологиялык абал оорлошуп кеткенине байланыштуу өлкө президенти Владимир Путин 30-октябрдан 7-ноябрга чейин эс алуу жарыялаган. Ошондой эле ал абал жакшырбаса, дем алыштын мөөнөтү узартыларын кошумчалады.

114
Белгилер:
Россия, пандемия, эс алуу, билет, Кыргызстан
Тема боюнча
Россиялыктар коронавирустан улам 30-октябрдан 7-ноябрга чейин эс алмай болду
Москвада коронавирустан улам бир катар чектөөлөр кирди. Тизме
Голос долбоорунун сахнасы. Архив

Кыргызстандык "Голос" шоусуна катышып, Билан менен Агутинди таң калтырды

0
(жаңыланган 00:18 23.10.2021)
Бишкектик ырчы Адилет Жумабековду дароо үч насаатчы командасына алгысы келди. Ал долбоордогу чыгармасын апасына арнаган.

БИШКЕК, 23-окт. — Sputnik. Кыргызстандык Адилет Жумабеков Россиянын "Голос" шоусунун кийинки этабына өттү.

Бул шоуда насаатчылар аткаруучуларды артты карап алып угуп, жакса бурулушат. Адилет кесипкөй ырчы эмес экенин, бирок бир нече аспапта ойной турганын айткан.

"Апам төрт баланы жазгыз өстүрдү. Мен музыкалык окуу жайда окучумун, бирок финансылык кыйынчылыктан улам музыкант, ырчы болуп иштеп кеткем. "Голос" долбоору — менин көптөн берки кыялым", — деген Жумабеков.

30 жаштагы бишкектик ырчы долбоордо Boyz II Men — End of the road ырын аткарды. Ал ырдап жатканда Александр Градский, Леонид Агутин менен Дима Билан бурулуп караган. Залда отургандар да ага кол чаап, "Баракелде!" деген. 

Пелагея кыргызстандык ырчынын аткаруусуна таң берген, Агутин стилин жана тембрин баалаган, Билан дагы аны өз командасынан көргүсү келип жатканын билдирген. Натыйжада Жумабеков Биланды тандаган.

0
Белгилер:
Россия, 'Голос' долбоору, ырчы
Тема боюнча
Бишкекте "Орто Азия романсиадасы" конкурсунун жеңүүчүлөрү аныкталды. Сүрөт