Дарыгердин "нервин жеген" 7 көрүнүш

© Sputnik / Табылды КадырбековДарыгерлер оорулууну кароо учурунда. Архив
Дарыгерлер оорулууну кароо учурунда. Архив - Sputnik Кыргызстан
Жазылуу
Доктурга барар алдында Sputnik Кыргызстан бейтап үчүн эскертме менен таанышып, мындай кадамдардан оолак болууну сунуштайт.

Окумуштуулар доктур менен ооруган адамдын ортосундагы жылуу мамиле бейтаптын тезирээк сакайышына шарт түзөрүн аныкташкан.

Терапевт Карина Адылова Sputnik Кыргызстан агенттигине бейтаптын кайсы адаттары дарыгердин жинин келтирип, алака түзүүгө тоскоол болорун айтып берди.

Бейтаптын кир болуп келиши

Хирург и общественный деятель Мамбет Мамакеев - Sputnik Кыргызстан
Кыргыз медицинасынын өңүн чагылдырган кызыктуу 10 маек
Албетте, доктур кишинин оюна качан гана оорудан тура албай, кебете-кешпири "болбой" калганда келет эмеспи. Бирок бул жеке гигиенага түкүрүп коюуга болот дегенге жатпайт. Жок дегенде тишти тазалап, анча-мынча жуунуп алуу ашыкча болбойт.

Интернет аркылуу коюлган диагноз

Кандай гана оору болбосун анын себебин, дарылоо ыкмасын Интернеттен издөө таптакыр туура эмес. Желеде отурган бир дагы киши сизге туура диагноз кое албайт. Сасык тумоолоп жатсаңыз Интернеттеги "доктурлардын" кесипкөйлүгү аркасында сарыкка туш болуп калышыңыз ажеп эмес.

Коркок

Мындай бейтаптарга сыртынан көз салып турсаң абдан күлкүлүү көрүнөт. Дарыгердин кабинетине этияттап кирип, эмнеге келгенин ооз учунан күбүрөп араң айта баштайт. Коркоктор ооруканага адатта өз алдынча келе беришпейт, мындайларды көбүнесе Тез жардам алып келет. Ошондо да моюн бербей, "жакшы болуп калдым, үйгө эле кете берейинчи" дегенден тажабайт.

Билерман

Служба такси в Пекине - Sputnik Кыргызстан
Жүргүнчүнүн жанын кашайткан бишкектик таксисттер
Деле бир дарыгерге басып койбогон киши. Сөөгүң какшап, жүрөгүң чыдатпаса эмне экен? Шорпо-шилең ичип, жатарда койдун майынан шыбанып алса, эртеси куландан соо болуп кетем деген ишеним бекем жашайт. Элдик медицина заманбап медицина менен айкалышканда гана таасири оң болорун унутпаңыз.

"Ооруну жашырсаң, өлүм ашкере кылат"

Элдин баары эле калп айтат деңизчи. Бирок уялып, илдетиңизди жашырып койгон дегеле туура эмес. Доктурга болгонун болгондой айтып бергениңиз оң.

"Оорубай калды"

Доктур жазып берген дары-дармекти аягына чейин ичкен киши аз. "Оорубай калды", "жакшы болуп калдым" дейбиз да, оору ушуну менен мен көр, сен көр жок болду деп ойлойбуз.

Кезексиз кезек

Оорукананын көбүндө кезек күтүп, анан дарыгерге киресиң. Адатта алар дартына даба табылбай жаны кашайып тургандар. Анан эле бирөө кезегин күтпөй эле "сурап алайынчы" деп чыгат. Мындай көрүнүш дарыгерлерге да жакпайт, анткени, андан кийин кирген бейтаптар доктурларды да бир каарып өтөт.

Жаңылыктар түрмөгү
0