Нарын облусунун Ак-Сай, Арпа өрөөндөрүнө барчу жолдор калың кардан тазаланууда

Карда калган Ак-Сай, Арпа өрөөндөрүндөгү жол каттамы тазаланып жатат

197
(жаңыланган 20:29 15.01.2017)
Ак-Сай, Арпа өрөөндөрүндө күндүн суугу —40 градуска чейин жетти. Катуу шамал тазаланган жолдорду бөгөп жатат.

БИШКЕК, 15-янв. — Sputnik. Нарын облусунун Ак-Сай, Арпа өрөөндөрүнө барчу жолдор калың кардан тазаланууда. Бул тууралуу Sputnik Кыргызстан маалымат агенттигине Нарын облусунун ыйгарым укуктуу өкүлү Аманбай Кайыпов билдирди.

  • Нарын облусунун Ак-Сай, Арпа өрөөндөрүнө барчу жолдор калың кардан тазаланууда
    Нарын облусунун Ак-Сай, Арпа өрөөндөрүнө барчу жолдор калың кардан тазаланууда
    © Фото / Нурзада Мукашева
  • Жол тазалоо иштерине жергиликтүү бийлик өкүлдөрү, жол тейлөө ишканалары жана ӨКМдин кызматкерлери катышып, алар күнү-түнү иштеп жатышат
    Жол тазалоо иштерине жергиликтүү бийлик өкүлдөрү, жол тейлөө ишканалары жана ӨКМдин кызматкерлери катышып, алар күнү-түнү иштеп жатышат
    © Фото / Нурзада Мукашева
  • Аталган аймакта кардын калыңдыгы бир метр, күндүн суугу —40 градуска чейин жетти
    Аталган аймакта кардын калыңдыгы бир метр, күндүн суугу —40 градуска чейин жетти
    © Фото / Нурзада Мукашева
1 / 3
© Фото / Нурзада Мукашева
Нарын облусунун Ак-Сай, Арпа өрөөндөрүнө барчу жолдор калың кардан тазаланууда

Анын айтымында, жол тазалоо иштерине жергиликтүү бийлик өкүлдөрү, жол тейлөө ишканалары жана ӨКМдин кызматкерлери катышып, алар күнү-түнү иштеп жатышат.

"Аталган аймакта кардын калыңдыгы бир метр, күндүн суугу —40 градуска чейин жетти. Мындан улам күйүүчү май тоңуп, кыйынчылык жаралууда. Учурда Ак-Сай кыштоолорундагы чабандар менен байланыш бар. Отун-суу, тамак-аш жеткирилип жатат", — деди облус башчысы.

Ошондой эле Кайыпов, учурда Кында жолу жабык болгондуктан кыштоого тоют жеткирүү иштери бир кыйла оор болуп жатканын белгиледи.

"Элдин айтымында, Аксай өрөөнүнө мындай кар көп жылдан бери түшө элек. Буга чейин малчылар тоют топтогон эмес. Мал оттоп эле кыштан чыгып кетчү экен. Эми ал жакка дагы кар калың түшүп чабандарга кыйынчылык жаралууда", — деди Кайыпов. 

Учурда катуу шамал тазаланган жолдорду бөгөп жатканын өкмөттүн өкүлү кошумчалады.

197
Белгилер:
Ат-Башы, кыштоо, кар, мал, тоют
Тема:
Ат-Башынын Ак-Сай аймагына жааган калың кар (14)
Тема боюнча
Энергетиктер 3500 метр бийиктиктеги электр зымдарын кол менен тазалашты
Карда калган Ак-Сай, Арпа өрөөндөрүнө жол каттамы ачылды
Олимпиада оюндарынын күмүш байге ээси Айсулуу Тыныбекова. Архив

Айсулуу Тыныбекова көпчүлүк көрө элек сүрөттөрүн жарыялады

80
Сүрөткө Айсулуу күздүн күнү түркүн түскө боелгон кайың токойдон түшкөн. Спортчунун менеджери бул кадрлар эл назарына алгачкы ирет чыгарылып жатканын билдирди.

БИШКЕК, 23-сен. — Sputnik. Олимпиада оюндарынын күмүш байге ээси Айсулуу Тыныбекова Facebook социалдык тармагы аркылуу кырызстандыктарды Мамлекеттик тил күнү менен куттуктап, улуттук кийим кийген сүрөттөрүн жарыялады.

"Баарыңыздарды бүгүнкү Мамлекеттик тил күнү менен чын жүрөктөн куттуктайм."Эне тили болбосо, аты аталбайт улуттун" дегендей, кыргыз тилинин тарыхы — бул биздин элибиздин тарыхы. Бүгүнкү күндө тил маселеси  мамлекетибиздин негизги багыттарынан болуп эсептелет. Келгиле достор, кыргыз тилинде сүйлөшүп эне тилди өнүктүрөлү!" — деп жазды спортчу кыз.
Посмотреть эту публикацию в Instagram

Публикация от Tynybekova Aisuluu (@tynybekova.aisuluu)

Сүрөткө Айсулуу күздүн күнү түркүн түскө боелгон кайың токойдун ичинен түшкөн. Спортчунун менеджери бул кадрлар эл назарына алгачкы ирет чыгарылып жатканын билдирди.

Тыныбекованын постуна бир нече мүнөт ичинде жүздөгөн колдонуучулар "лайк" басып, комментарийлерди жазып жатышат.

80
Белгилер:
Айсулуу Тыныбекова, пост, сүрөт, майрам, куттуктоо
Тема боюнча
Эч кандай акция уюштурган жокмун! Тыныбекова фейк аккаунт ачылганын айтты
Камкордук керек. Жапаров элди Мамлекеттик тил күнү менен куттуктады
Крандан суу алып жаткан кыз. Архив

30-сентябрда Бишкектин чок ортосунда бир күн бою суу токтотулат. Карта

22
Бир аптадан кийин суу тосмону оңдоо пландалууда. Бишкек шаарынын бийлиги бул ыңгайсыздык үчүн шаар тургундарынан кечирим сурайт.

БИШКЕК, 23-сен. — Sputnik. Бишкектин чок ортосунда 30-сентябрда эртең мененки саат 09:00дөн кечки саат 21:00гө чейин таза суу болбойт. Бул тууралуу мэриянын маалымат кызматы билдирди.

Суу "Тоголок Молдо" тосмосунда жүргүзүлүүчү оңдоо иштерине байланыштуу токтотулат.

Ошондой эле Панфилов, Фрунзе, Манас проспекти жана темир жол линиясы менен чектелген аймактарда дагы болбойт.

Шаар бийлиги убактылуу ыңгайсыздык үчүн кечирим сурап, аталган аймакта жашаган тургундарды жана мекеме-ишканаларды ичүүчү сууну камдап алууга чакырат.

22
Белгилер:
Бишкек, таза суу, өчүрүү, оңдоо, карта
Тема боюнча
Суук эрте түшөбү? Октябрь айына карата аба ырайы