Вице-премьер Кыргызстана Жениш Разаков и заместитель главы правительства Узбекистана Адхам Икрамов обсудили в Оше приграничные вопросы

Ошто кыргыз-өзбек чек аралары боюнча сүйлөшүүлөр өтүп жатат

163
(жаңыланган 22:11 16.01.2017)
Кыргызстан менен Өзбекстандын өкмөт башчыларынын орун басарлары чек ара маселесин талкуулашат.

БИШКЕК, 16-янв. — Sputnik. Бүгүн вице-премьер Жеңиш Разаков Ош облусунда Өзбекстандын премьер-министринин орун басары Адхам Икрамов менен жолугушат. Бул тууралуу КР өкмөтүнүн маалымат кызматынан билдиришти. 

Жолугушуу маалында тараптар кыргыз-өзбек мамлекеттик чек арасын делимитация жана демаркациялоо маселесин талкуулашат.

Разаков эки тараптуу кызматташуу жана кошуналык мамилелерди чындоонун мааниси чоң экенин белгиледи. Анын айтымында, мамлекеттик чек араларды делимитация жана демаркациялоо менен бирге азырынча чечиле элек маселелер боюнча тез арада бир пикирге келүү зарыл.

Эске сала кетсек, чек ара маселеси эки өлкөнүн президенттери 2016-жылдын декабрь айында Алмазбек Атамбаевдин Өзбекстанга болгон иш сапарынын алкагында жолуккан маалда козголгон.

Чек ара маселелерин чечүү боюнча талкуулар эртең улантылат.

163
Белгилер:
чек ара, маселе, талкуу, Өзбекстан, Кыргызстан
Тема боюнча
Касымкулов: чек арадагы жаңжалдар эки эсеге азайды