Москвалык публицист Беседин: "Азия MIX" теңдеши жок чемпион болду

© Sputnik / Табылды КадырбековУчастники команды КВН "Азия MIX" в Бишкеке
Участники команды КВН Азия MIX в Бишкеке - Sputnik Кыргызстан
Жазылуу
Москвалык жазуучу жана публицист Платон Беседин биздин "Азия MIX" жөнүндө ташка тамга баскандай сонун пикир жазды.

Ал команданын алып чыккан оюндары, өздөрүн алып жүрүшү, ал тургай элдик делген тамашалары да интеллектуалдуу экендигин айтыптыр. Юмор деген ушул экен деп эле көчө тамашасынын деңгээлине түшүп кетпегендигин белгилеген. "Азия MIX" сылык-сыпаа, маданияттуу, бирок ошону менен боорду тырматып, каткырта турганын белгилептир. 

© Фото / личный архив Платона БесединаМосквалык жазуучу жана публицист Платон Беседин
Писатель и публицист Платон Беседин - Sputnik Кыргызстан
Москвалык жазуучу жана публицист Платон Беседин

"Россиянын борборунда өтүп, бир канча постсоветтик өлкөлөрдүн да командалары катышкан былтыркы КВН 55-юбилейлик оюн болду. Көп жылдан бери эл "баягы-ы сонун КВН азыр жок" деп ичи чыкпай келген. Бирок кыргыздар, азиаттар мыкты КВНди кайтарып келди, миллиондогон элге чыныгы оюнду көрсөттү. Былтыр накта чемпион, накта сонун тамаша тартуулады. Алардын чемпион болушуна эч ким лам деп ооз ача албады, себеби "Азия MIXчилерге" тең келгендер болбоду", — деп жазыптыр публицист Беседин.

"Азия MIX" жана Элдияр Кененсаровге айтылган, сөздүн түз маанисиндеги оданы толугу менен түп нускасы менен таанышыңыз>>

Жаңылыктар түрмөгү
0