Дача айылы учак кырсыгынын кесепетинен кийин архивдик сүрөт

Дача айылынын тургуну: энесин издеген эки бала жылаңач чуркап жүрүптүр

5913
(жаңыланган 18:28 23.01.2017)
Ондогон киши каза тапкан учак кырсыгында адам өмүрүн сактап калууга, каза болгондордун сөөгүн чогултууга атайын кызматтардан тышкары айыл тургундары дагы чоң салым кошту.

Кыялбек Ажалиевдин Дача айылында жашаганына 13 жыл болду. Учак анын үйүнөн 500 метр алыстыкка түшкөн. 

Живущий в поселке Дача-СУ Кыялбек Ажалиев
© Sputnik / Эмиль Садыров
Кыялбек Ажалиевдин Дача айылында жашаганына 13 жыл болду

Ал бүгүн Sputnik Кыргызстан агенттигине учак кулаган мүнөттөн тарта, атайын кызматтар келгиче жергиликтүү тургундар эмне иштерди кылганын айтып берди. 

Эске салсак, 16-январь күнү түрктөрдүн MyCargo Airlines авиакомпаниясына таандык Boeing-747-400F учагы "Манас" аэропортуна жакын жердеги Дача айылына кулап түшкөн. Анын кесепетинен кыркка чукул киши каза болуп, 23 үй бузулган.

— Учак кулаган маалда уйкуда белеңиз же турдуңуз беле?

— Ал кезде үй-бүлөм менен баарыбыз уктап жатканбыз. Биздин үй алтынчы көчөдө, учак жетинчи көчөгө кулады. Бир маалда терезе кылдырай баштады. Жер титиреп атат окшойт деп ордумдан ыргып туруп, эшикти ачсам 500 метр алыстыкта от күйүп жатыптыр. Дал ошол жерде трансформатор турчу, мен ошол жарылып кеткен окшойт деп ойлодум. Кийинип чыгайын деп кайра кирип баратканда, тарс эткен катуу үн угулду. Эшикти шарт ачып карасам, учактын турбинасы учуп келип, кошунам жакка түштү. Ошондо самолет кулаптыр деп дароо түшүндүм да, үйдөгүлөрдү ойготтум. 

— Айылда башка туугандарыңар барбы?

— Башка көчөдө апам менен иним жашайт. Аларды эстеп, дароо эле оюм бузулду. Келинчегим экөөбүз кызымды көтөрүп алып, апамдын үйүн көздөй жөнөдүк. Үйгө жеткиче жүрөгүм ордунан чыгып кетчүдөй болду. Кудайга шүгүр, алар аман экен. Келинчегимди киргизип коюп, иним экөөбүз учак жактагыларга жардам берели деп чуркап жөнөдүк.

— Силер барганда кишилер чогулуп калыптырбы?

— Ооба, кошуналар бар экен. Дароо эле көзүмө майка-турсачан ары-бери чуркап жүргөн эки бала көрүндү. Жакшылап карасам, бажамдын Гүлжан деген карындашынын балдары экен. Байкуш экөө учактын алдында калган энесин издеп жүрүшүптүр. Экөөнү тең кармап сүйлөшөйүн десем, эч нерсени түшүнбөйт, шок абалында экен. Келинчегим артымдан келип балдарды үйгө алып кетти. Бир маалда ошол эле бажамдын иниси пайда болуп калды. Буттары жылаңайлак, күйүп калган оң колун кучактап, онтоп калыптыр. Үйдөн бут кийим алып чыгып кийгизип, араң өзүнө келтирдим. 

— Урандыларда калган сөөктөрдү алып чыгууга жардам бердиңизби? 

— Ооба, ураган үйлөрдүн алдында өлүп калган адамдарды көрүп аттык. Чынын айтканда, алгач өзүм дагы шок болуп, ары-бери калдаңдап калыптырмын. Андан кийин бир аз кайраттанып, уранды алдындагы сөөктөрдү алып чыга баштадык. Ошол маалда учкучтардын бирин көрдүм. Өзүнүн отургучунда отурган бойдон башы жарылыптыр. Бирок тирүү болчу, бир аз онтолоп аткан. Тирүү немеге ого бетер зыян келтирип албайын деп ага тийген жокмун. Карасам, жаныма аэропортто иштеген кошунам келип калыптыр "учкуч тирүү экен, бирөөгө кабарла" деп ага кыйкырдым. 

— Ага чейин атайын кызматтарга телефон чалдыңарбы? 

— Аэропортто иштеген кошунам чалды. Жарым саттан кийин Тез жардам, 45 мүнөттөн ашыгыраак убакыттан кийин өрт өчүрүүчүлөр келди. Ага чейин айыл эли өзүбүз тирүүлөрдү башка үйлөргө жеткирип, сөөктөрдү четке чыгарып жаттык. Бөлүнүп кеткен дене мүчөлөрүн чогултуп, жууркандарга ородук. Бизди таң калтырганы — кызматтардын кеч келгени. Аэропорттун өрт өчүрүүчүлөрү эң узак дегенде 15 мүнөттө эле жетип келмек. Балким өрт өчүргүчтөр менен Тез жардам кызматы эртерээк келгенде көбүрөөк адамдын жаны сакталып калат беле, ким билет?..

Кыйраган учактан Кыргызстан кандай сабак алышы керектиги тууралуу Sputnik Кыргызстан агенттигинин материалынан окуңуздар>>

5913
Белгилер:
тургун, куткаруучу, кырсык, сөөк, Дача СУ
Тема:
Дача айылындагы авиакырсыктын кесепеттери (223)
Тема боюнча
Окурман: РСК жабыркагандарга которулган акчадан комиссия алганын улантууда
Boeing-747 учагынын кара ящигине доо кеткендиктен ал Москвада да окулбашы мүмкүн
ИИМ: авиакырсык болгон жерде морадерлук катталган жок
Көчөдө бараткан маскачан адам. Архив

ДССУ: коронавирус пандемиясы жакын арада токтобойт

20
Адис элде иммунитеттин деңгээли жетиштүү болгондо гана пандемиянын мизи кайта турганын божомолдогон. Ошондой эле ДССУ коронавирустун вакцинасы жакын арада даяр болуп каларына үмүт артып жатканын кошумчалаган.

БИШКЕК, 1-дек. — Sputnik. Коронавирус пандемиясы жакынкы айларда токтойт деп күтүүнүн кажети жок. Бул тууралуу Дүйнөлүк саламаттык сактоо уюмунун Россиядагы өкүлү Мелита Вуйнович билдиргенин "Известия" басылмасы жазды.

"Коронавирус пандемиясы бир нече айда бүтө калчу нерсе эмес. Бирок аны жеңүүгө аракет кылышыбыз керек", — деген ал.

Вуйнович иммунитеттин деңгээли жетиштүү болгондо гана пандемиянын мизи кайта турганын божомолдогон. Ошондой эле ДССУ коронавирустун вакцинасы жакын арада даяр болуп каларына үмүт артып жатканын кошумчалаган.

"Коронавирус башка вирустар сыяктуу эч кайда кетпей турганына адамдардын көздөрү жетип, ага көнө баштаганда гана пандемия соңуна чыгат", — деген адис.

Ал аталган вирус менен жашоого көнүү зарылдыгына токтолуп, бирок ага баш ийбей күрөшүү керектигин белгилеген.

20
Белгилер:
оору, божомол, пандемия, коронавирус, Дүйнөлүк саламаттыкты сактоо уюму
Тема боюнча
ДССУ: COVID-19га кабылган бейтаптарды ремдесивир менен дарылоого болбойт
Россия менен ДССУ Кыргызстанга 3,5 млн. сомдук гумжардам берди
Шоколад. Архив

Адис адам шоколадга эмне үчүн жакын болорун айтып берди

29
Дарыгер шоколадды кечке эңсей берүү кадимки эле адаттын кесепети да болушу ыктымалдыгын четке какпайт.

БИШКЕК, 1-дек. — Sputnik. Адамдын организми шоколадды ири алдыда депрессияга каршы зат катары талап кылат. Бул тууралуу аллерголог-иммунолог, медицина илимдеринин кандидаты Анатолий Балага шилтеме кылып "Известия" басылмасы жазды.

Адистин айтымына караганда, бул таттуунун аны сүйүп жегендердин тишине эле эмес, саламаттыгына да зыянын тийгизүү кооптуулугу бар.

Бирок негизи шоколадды тоё жегиси келгендик адамдын организминде кайсы бир заттын жетишпестигинен кабар берет.

"Кишинин бул таттууга жакын экендиги анын организминин депрессияга каршы кайсы бир затка муктаж болуп жаткандыгынын белгиси", — деген медик.

Дарыгер адам шоколадды жеп, мээнин иштөө активдүүлүгүн жогорулаткысы келерин, себеби анын курамында кофеин бар экендигин кошумчалады.

Анткен менен Бала жогорудагы таттуу азыкты кечке эңсей берүү кадимки адаттын кесепети да болушу ыктымалдыгын четке какпайт. Ага адам чай же кофе сыяктуу көнүп калышы толук мүмкүн.

29
Белгилер:
мээ, чай, кофе, шоколад
Тема боюнча
Дарыгер боорго зыяндуу азык-түлүктөрдү атады. Тизме
Футзал оюнчулары. Архив

Бүгүн футзал боюнча Кыргызстандын кубогунун жеңүүчүсү аныкталат

0
Мелдештин финалында "Ал Халал" менен "Мурас" командалары беттешет. Оюн Бишкектеги "Алай Мурдаш" спорттук жайында өтөт.

БИШКЕК, 1-дек. — Sputnik. Бүгүн, 1-декабрда, футзал боюнча "Кыргызстандын кубогу – 2020" мелдешинин жеңүүчүсү аныкталат. Бул тууралуу аталган спорттук ассоциациянын маалымат кызматы билдирди.

Мелдештин финалында Бишкектин "Ал Халал" менен Ысык-Көлдүн "Мурас" командалары беттешет. Оюн Бишкектеги "Алай Мурдаш" спорттук жайында саат 12:00дө башталат.

Жарым финалда болсо "Ал Халал" "Бакубат Талас" командасын 7:3 эсебинде утуп, "Мурас" Оштун "ЕРЕМ" клубун 2:1 эсебинде жеңген.

Бул мелдеште өткөн жылы Бишкектин "Алга Дордой" клубу алдыга чыккан. "Дордойлуктар" финалда Бишкектин "Строй-Мир" командасын 3:1 эсебинде жеңип алган.

0
Белгилер:
финал, футзал
Тема боюнча
АФК-2021 мелдешинин форматы жана өтө турган күнү бекиди