БИШКЕК, 21-янв.— Sputnik. Борбор калаадагы Энвер Гареев атындагы ботаникалык бакта канаттуулардын тамактануусун жакшыртууга багытталган окутуу өтөт. Бул тууралуу "Ырыстан" коомдук фонду билдирди.
Иш-чара 21-январда 13:00дө ботаникалык бактын ресурстук борборунда башталат.
Маалыматка ылайык, иш-чаранын жүрүшүндө шаар тургундарына канаттууларды тамактандыруу ыкмалары боюнча мастер-класстар өтүлөт. Андан соң катышуучулар өз колдору менен чымчыктарга азыктануучу жайларын жасап коюшат.
Аталган иш-чара ыктыярчылар тарабынан экинчи ирет өтүп жатат. Анын максаты — өсүп келе жаткан муунду канаттууларды сүйүүгө жана аларга кам көрүүгө багытталган.
