Кыргызстандын президенти Алмазбек Атамбаевдин архивдик сүрөтү

Президент: кыргыздар еврейлердей эрктүү жана ынтымактуу болушу керек

358
(жаңыланган 12:56 27.01.2017)
Жума күнү жаңы Баш мыйзамды жарыялоо үчүн жарлыкка кол коюу аземи өттү.

БИШКЕК, 27-янв. — Sputnik. Кыргыздар еврейлерге окшоп эрктүү, күчтүү, бай жана мыкты билимдин ээси болушу керек. Бул тууралуу Кыргызстандын президенти Алмазбек Атамбаев жаңы Баш мыйзамды жарыялоо боюнча жарлыкка кол коюу учурунда билдирди.

2016-жылдын 11-декабрында Баш мыйзамды өзгөртүү жана ага толуктоо киргизүү боюнча шайлоо өткөн.

Мамлекет башчы өз сөзүндө өмүр бою тизелеп жүргөнчө тик туруп өлгөн жакшы экенин белгиледи. Муну менен катар президент өлкөнү экиге бөлүп, тышкы күчтөргө мекенди акчага сатпоого чакырды.

"Мындай маңкурттарга кийин балдарыңар силер үчүн уялып, эл карай албай калат деп айткым келет. Ушул эле сөздү чирик ойлуу саясатчыларга да айтам. Келечектеги тукумуңар баш көтөрө албай калат. Мамлекеттин келечегине чекит койгондор, өзүнүн тагдырына чекит коюп жатат. Кыргыздардын тарыхын кытай, еврей жана гректердики менен салыштырса болот. Биз биримдүүлүк жана патриоттуулук жактан алардан артта калбашыбыз керек. Кыргызстан Кытайдай чоң боло албаса дагы еврейлердей эрктүү жана бай болушу керек", — деди Атамбаев.

Мамлекет башчы акыркы алты жыл ичиндеги өзгөрүүлөргө элдин салымы зор экенин кошумчалады.

Жаңы Баш мыйзамга киргизилген өзгөртүүлөр үстүбүздөгү жылдын 15-январында күчүнө кирген. Ал эми айрым беренелер 2017-жылдын 1-декабрынан баштап иштей баштайт.

Баш мыйзамда эмнелер өзгөргөнүн Sputnik Кыргызстан маалымат агенттигинин инфографикасынан көрүңүздөр>>

358
Белгилер:
еврей, конституция, Алмазбек Атамбаев
Тема:
Референдум жолу менен Конституцияга өзгөртүүлөрдү киргизүү (115)
Тема боюнча
Атамбаев Баш мыйзамды жарыялоо боюнча жарлыкка кол койду
Атамбаев: жаңы Конституцияны кабыл алуу менен өлкө басмырланган абалдан чыкты